<p>វិចិត្រករវ័យក្មេង Leandro Granato បានបញ្ជាក់ថា ភ្នែកមិនត្រឹមតែជាទ្វារបេះដូងប៉ុណ្ណោះទេ ប៉ុន្ដវាក៏ជា “បាតដៃ” ទីពីរដ៏អស្ចារ្យរបស់ខ្លួន ដោយសារតែ គាត់ជាមនុស្សដំបូង និងមានតែម្នាក់គត់ក្នុងពិភពលោក ដែលប្រើប្រាស់ភ្នែកបាញ់ទឹកថ្នាំដើម្បីគូររូប។</p>
<p style="text-align: center;"><a class="thickbox" title="" href="/FileManager/Commons/2013/10/4/art-leandro-granato-04-10-2013--21-46-01.jpg"><img src="/FileManager/Articles/mce/2013/10/4/art-leandro-granato-04-10-2013--21-46-01.jpg" alt="" /></a></p>
<p>Leandro Granato មានអាយុ ២៧ឆ្នាំ ជាវិចិត្រករវ័យក្មេង ជនជាតិ Argentina បច្ចុប្បន្ន រស់នៅ និងធ្វើការនៅក្នុងរដ្ឋធានី Buenos Aires នៃប្រទេសនេះ។ មិនដូចទៅនឹងវិចិត្រករដទៃដែលប្រើដៃដើម្បីគូររូប វិចិត្រករ Leandro Granato បែរជាប្រើប្រាស់ភ្នែករបស់គាត់ ដើម្បីបង្កើតស្នាដៃទៅវិ។ Leandro Granato ហឺតទឹកថ្នាំចូលតាមច្រមុះ ក្រោយមកគាត់បាញ់ទឹកថ្នាំនោះ ចេញមកតាមក្រពេញទឹកភ្នែក។</p>
<p style="text-align: center;"><a class="thickbox" title="" href="/FileManager/Commons/2013/10/4/art-leandro-granato-4-04-10-2013--21-47-23.jpg"><img src="/FileManager/Articles/mce/2013/10/4/art-leandro-granato-4-04-10-2013--21-47-23.jpg" alt="" /></a></p>
<p>ប្រភពព័ត៌បានឱ្យដឹងថា សមត្ថភាពពិសេសនេះ កើតឡើងដោយសារបំពង់ទឹកភ្នែកមិនប្រក្រតីមួយ ភ្ជាប់ពីច្រមុះ ទៅកាន់ភ្នែក។ កាលពីនៅក្មេង Leandro Granato តែងហាត់បឺតជាតិរាវចូលតាមច្រមុះ រួចបញ្ចេញមកវិញ តាមភ្នែក។</p>
<p style="text-align: center;"><a class="thickbox" title="" href="/FileManager/Commons/2013/10/4/art-leandro-granato-2-04-10-2013--21-48-34.jpg"><img src="/FileManager/Articles/mce/2013/10/4/art-leandro-granato-2-04-10-2013--21-48-34.jpg" alt="" /></a></p>
<p>បន្ទាប់ពីពុករបស់គាត់ បាត់បង់ជីវិត Leandro Granato ក៏បានចូលសិក្សាផ្នែកកំនូរ។ ប៉ុន្ដែពេលនេះ Leandro Granato មានមោទនភាពជាខ្លាំង នៅពេលខ្លួនបានបង្កើតវិធីថ្មីក្នុងការគូររូបបែបពិសេសនេះ។ គាត់ជាមនុស្សដំបូង និងមានតែម្នាក់គត់ក្នុងពិភពលោក ដែលប្រើប្រាស់វិធីនេះដើម្បីគូររូប។</p>
<p style="text-align: center;"><a class="thickbox" title="" href="/FileManager/Commons/2013/10/4/art-leandro-granato-1-04-10-2013--21-49-43.jpg"><img src="/FileManager/Articles/mce/2013/10/4/art-leandro-granato-1-04-10-2013--21-49-43.jpg" alt="" /></a></p>
<p style="text-align: left;">ដើម្បីគូរបានរូបភាពមួយផ្ទាំងៗ Leandro Granato ត្រូវចំណាយពេល ពី ១០នាទី រហូតដល់រាប់សិបថ្ងៃក៏មាន។ ផ្ទាំងគំនូររបស់គាត់ ពេលខ្លះមានតម្លៃរហូតដល់ ១,៥០០ផោន(ប្រហែល ២៤០០ ដុល្លារ)។ បច្ចុប្បន្ន Leandro Granato មានគម្រោងបង្កើតមូលនិធិមនុស្សធម៌មួយ និងប្រើប្រាស់ប្រាក់ដែលរកបាន ដើម្បីជួយដល់អ្នកជម្ងឺមហារីក នៅ Argentina ។</p>
<p style="text-align: center;"><object width="512" height="439" data="http://www.youtube.com/v/eDpkPpNSSp4&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/eDpkPpNSSp4&rel=1" /></object></p>
<p style="text-align: left;"> </p>
<p style="text-align: right;">ដោយ ៖ តារា<br />ប្រភព ៖ Dailymail /Youtube<br /><br /></p>