<p><span style="color: #000000;">ព័ត៌មានកីឡា៖ អតីតកីឡាករប្រដាល់ជើងឯកឈ្មោះថា Holyfield បានធ្វើដំណើរចាកចេញពី MGM Grand ទាំងទឹកមុខអស់សង្ឃឹមជាខ្លាំង កាលពីថ្ងៃសៅរ៍ សប្ដាហ៍មុន ក្រោយពីរូបលោក បានចូលទស្សនា ការប្រកួតគ្នារវាង ប៉ាក់គីអៅ នឹង Floyd ប្រចាំសតវត្សិ៍ទាំង ១២ ទឹក។</span></p>
<p><span style="color: #000000;">Holyfield ទទួចប្រាប់អ្នកសារព័ត៌មានថា គាត់ធ្លាប់មើលការប្រកួតប្រដាល់លំដាប់ពិភពលោក ៣ ការ ប្រកួតមកហើយ ដែលគូរចុងក្រោយនេះ គឺប៉ាក់គីអៅ នឹង Floyd។ ៣ការប្រកួតដែលគាត់បានមើលទៅ គឺ មិនមែនជាការប្រដាល់ គឺជាការរត់គេច រត់ឱប នឹងរង រហូតមកទល់ពេលឥលូវ មិនទាន់បានឃើញ គូរណាមួយអាចផ្ដួលដៃគូររបស់ខ្លួន ក្នុងការប្រកួតលំដាប់នេះបាននៅឡើយទេ។ ប្រភពព័ត៌មានបាន បន្ដទៀតថា កីឡាករភាគច្រើនឡើងមកប្រកួត ចូលចិត្ដរត់គេច ការពារ និងឱប គឺមិនចូលផ្ដួលដៃគូរប្រកួតនោះទេ ។ អត្ថន័យនៃការប្រដាល់ គឺ ត្រូវវាយដៃគូរប្រកួត ដោយមិនឲ្យគេចរួច រឺមិនមានឱកាសវាយបកមកលើខ្លួនឯងវិញ ប៉ុន្ដែបច្ចុប្បន្ន គឺមិនដូច្នោះនោះទេ គេចូលចិត្ដគេច ការពារ និងឱបច្រើនជាងវ៉ៃ បើនៅតែអ៊ីចឹង តើការប្រកួតនៅថ្ងៃអនាគត់នឹងទៅជាយ៉ាងណា? ចំលើយមានតែកីឡាករទាំងអស់ទេដែលអាចឆ្លើយបាន ។ </span></p>
<p><span style="color: #000000;">ប្រភពព័ត៌មានបន្ដទៀតថា គាត់ទទួលស្គាល់ថា Floyd គឺជាកីឡាករមានរហ័សនាមពូកែការពារ ហើយគាត់ក៏មិនបន្ទោស <span>Floyd ដែរ</span> ប៉ុន្ដែអ្វីដែលគាត់ចង់ បន្ទោសគឺក្រុមអ្នកគ្រប់គ្រងទាំងអស់ អនុញ្ញាតិ ឲ្យ Floyd វ៉ៃក្នុងលក្ខណៈបែបហ្នឹងទៅកើត។ ហើយរឿងមួយវិញទៀត គឺផ្នែកចៅក្រមប្រកួត គឺបច្ចុប្បន្នមើលឃើញ និង ដាក់ពិន្ទុតែកីឡាករណាដែរ ប្រើការការពារច្រើនជាងវ៉ៃទៅវិញ ហេតុចឹងហើយ បានជា Floyd ពូកែគេច គឺប្រកួតមិនដែល ចាញ់ទាល់តែសោះទាំង ៤៨ ប្រកួត ។ Floyd វ៉ៃតាមបែបការមើលឃើញនិង សម្រេចចិត្ដរបស់ចៅក្រម អ្នកណាគេចច្រើនជាង អ្នកនោះគឺជាអ្នកឈ្នះ ដូច្នេះគាត់ធ្វើបានច្រើនល្អជាងគេក្នុងអាជីពជាកីឡាករប្រដាល់។ </span></p>
<p><span style="color: #000000;">Floyd គាត់ដឹងច្បាស់ពីយុទ្ធសាស្ដ្រដែលងាយយកពិន្ទុពីចៅក្រម គឺគាររត់គេចនេះឯង មិនមែនជាការវ៉ៃនោះទេ ដូច្នេះ គាត់ក៏រត់ច្រើនជាង វ៉ៃ ដោយសង្ឃឹមថា ចុងការប្រកួតគាត់នឹងបានពិន្ទុច្រើន ជាមិនខាន។ </span></p>
<p><a class="thickbox" title="" href="/FileManager/Commons/2015/5/8/5-8-2015-2-44-12-pm-08-05-2015--14-49-21.png"><img src="/FileManager/Articles/mce/2015/5/8/5-8-2015-2-44-12-pm-08-05-2015--14-49-21.png" alt="" /></a></p>
<p><a class="thickbox" title="" href="/FileManager/Commons/2015/5/8/5-8-2015-2-43-08-pm-08-05-2015--14-49-37.png"><img src="/FileManager/Articles/mce/2015/5/8/5-8-2015-2-43-08-pm-08-05-2015--14-49-37.png" alt="" /></a></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ boxingscene</span></p>