<p><strong>ភ្នំពេញ៖</strong> នៅសល់ប្រមាណ មួយសប្តាហ៍ទៀតប៉ុណ្ណោះ តារាកំប្លែងប្រុសស្រី ល្បីឈ្មោះប្រចាំ CTN នាយពាក់មី និងនាងខ្ញុង នឹងត្រៀមខ្លួន ដឹកដៃគ្នា ឡើងយន្តហោះ ចេញទៅសម្តែងលើទឹកដី មហាអំណាច រយៈពេល១ខែ។ មុនពេលចេញដំណើរទៅនោះ តារាកំប្លែង ដែលមានភាពលេចធ្លោប្រចាំ ក្រុមកំប្លែងបានប្រាប់ឲ្យដឹងថា មុនពេល ជិតដល់ថ្ងៃ ទៅសម្តែង នៅក្រៅប្រទេស គឺលោកកាន់តែមមាញឹកក្នុង ការសម្រុកថតរឿងបញ្ចប់ និងមានការងារមួយចំនួន លោក ត្រូវបង្ខំចិត្ត ផ្អាកមិនទទួលបន្ថែមទេ ខ្លាចថតរឿង មិនចប់ទាន់ពេល ។<br />ក្នុងជំនួបតាមទូរស័ព្ទ ជាមួយគេហទំព័រ LookingTODAY តាមទូរស័ព្ទ កាលពីពេល កន្លងទៅថ្មីៗនេះថា ចាប់តាំងពីលោកមាន គម្រោងចេញទៅ សម្តែង នៅក្រៅប្រទេសភ្លាម គឺការងារចាប់ផ្តើម សម្រុកខ្លាំង ស្ទើរតែគ្មានពេលទំនេរ ជាពិសេសការថតរឿង គឺលោកត្រូវប្រញាប់ សម្រុក ថតបញ្ចប់មុន ពេលដែលលោកឡើងយន្តហោះ ចេញទៅ សម្តែង នៅក្រៅប្រទេស ។</p>
<p>តារាកំប្លែងរូបនេះ បានប្រាប់ឲ្យដឹងថា "មួយរយៈនេះខ្ញុំ រវល់ណាស់ គ្មានពេលសម្រាកទេ ហើយការងារកំប្លែង តាមខនសឺត មួយចំនួន ខ្ញុំមិនទទួលទេ ព្រោះគ្មានពេល ។ ម្យ៉ាងខ្លាចការងារ មិនចប់ទាន់ពេល ហើយមូលហេតុដែលខ្ញុំ ត្រូវថតរឿងបញ្ចប់ មុនចេញក្រៅប្រទេសនោះ គឺរឿងនេះត្រូវចាក់បញ្ចាំង នៅខែវិច្ឆិកា ខាងមុខនេះ ដូច្នេះខ្ញុំមិនចង់ឲ្យ ស្នាដៃដំបូង មានការខ្វះចន្លោះនោះទេ "។</p>
<p>នាយ ពាក់មី បានប្រាប់ឲ្យដឹងទៀតថា ចុងខែ កក្កដានេះ លោក នឹងត្រូវដឹកដៃ ខ្ញុង ចេញទៅសម្តែងនៅអាម៉េរិកជា លើកដំបូង លោកពិតជា មានអារម្មណ៍ ភ័យអរខ្លាំងណាស់ ដែលអាចមានឱកាស បានចេញទៅ សម្តែងនៅប្រទេសនេះ ហើយលោករំពឹងថា សម្រាប់ការសម្តែងនេះ នឹងអាចទទួលបានជោគជ័យច្រើន មិនចាញ់ ការសម្តែងមុនទេ ព្រោះថា លោកនិងដៃគូ បានត្រៀមការសម្តែង និងបទចម្រៀងច្រើន សម្រាប់បម្រើអារម្មណ៍ ទស្សនិកជន និងបងប្អូន រស់នៅទីនោះ ។ សម្រាប់លទ្ធផល យ៉ាងណាៗនោះ គឺទាល់ តែរង់ចាំលោកត្រឡប់មកវិញ ទើបដឹងលទ្ធផលច្បាស់ជាងនេះ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-141/MSP-03470.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-141/MSP-0368.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-141/MSP-03468.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-141/MSP-03469.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-141/MSP-03472.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-141/MSP-03471.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/32553---2-brothers-.html" target="_blank">ផ្តល់សិទ្ធដោយ ៖ ដើមអម្ពិល</a></p>