<p>អាការធាតុបច្ចុប្បន្ន ឡើងកំដៅខ្លាំង គួរឱ្យព្រួយបារម្ភ ពិសេសគឺនៅក្នុងរដូវក្ដៅនេះ។ អ្នកអាច<br />ប្រើម៉ាស៊ីនត្រជាក់ពេញមួយថ្ងៃ ដើម្បីដោះស្រាយបញ្ហាក្ដៅ ប៉ុន្តែប្រការនេះ នឹងធ្វើឱ្យខ្ទង់<br />ចំណាយរបស់អ្នកកើនឡើងមិនតិចនោះដែរ។</p>
<p>ដើម្បីជួយឱ្យផ្ទះរបស់អ្នកបានត្រជាក់ និងមិនចាំបាច់ចំណាយច្រើនលើថ្លៃភ្លើង សូមធ្វើតាមវិធី<br />ខាងក្រោម ៖</p>
<p><strong>១.បិទវាំងននបង្អួច</strong></p>
<p style="text-align: center;"><strong><a class="thickbox" title="" href="/FileManager/Commons/2015/6/30/cold-30-06-2015--16-32-08.jpg"><img src="/FileManager/Articles/mce/2015/6/30/cold-30-06-2015--16-32-08.jpg" alt="" /></a><br /></strong></p>
<p><strong></strong>ការពិសោធបែបវិទ្យាសាស្ដ្រ បានឱ្យឃើញថា ៣០% នៃកំដៅក្នុងផ្ទះរបស់អ្នក គឺបានមកពី<br />បង្អួច។ ដូច្នេះ បិទវាំងននបង្អួចពណ៌ងងឹតរបស់អ្នកនៅពេលថ្ងៃ។ ប្រការនេះនឹងជួយកាត់បន្ថយ<br />ថ្លៃភ្លើង បាន ៧% ព្រមទាំងជួយឱ្យផ្ទះរបស់អ្នក បានត្រជាក់ ថែមមួយកម្រិត។</p>
<p><strong>២.ការបិទទ្វារគ្រប់ពេល មិនមែនជាប្រការល្អ</strong><br />ការបិទទ្វារនៅពេលមេឃត្រជាក់ ពិសេសគឺពេលព្រលប់ នឹងធ្វើឱ្យអ្នកខាតបង់ប្រាក់ថែមមួយ<br />ចំនួន ដោយសារថា អ្នកត្រូវបើកកង្ហារ ឬម៉ាស៊ីនត្រជាក់។ ជំនួសមកវិញ អ្នកគួរបើកទ្វារនៅ<br />ពេលមេឃត្រជាក់ ដើម្បីនាំខ្យល់បរិសុទ្ធចូលផ្ទះ និងបណ្ដេញខ្យល់ក្ដៅវចេញ។</p>
<p><strong>៣.កង្ហារបក់ទឹកកក</strong><br />អ្នកមិនចាំបាច់បើកម៉ាស៊ីនត្រជាក់គ្រប់ពេលនោះទេ ព្រោះកង្ហារ និងទឹកកកក៏អាចធ្វើឱ្យផ្ទះ<br />របស់អ្នកត្រជាក់បាន។ ចូរយកទឹកកកពីរបីដុំ ដាក់ក្នុងធុងស្នោដែលមានចោះប្រហោង ហើយ<br />ដាក់កង្ហារឱ្យបកពីលើ ធ្វើបែបនេះ ជាតិត្រជាក់របស់ទឹកកកនឹងសាយភាយពេញផ្ទះមិនខាន។</p>
<p><strong>៤.ផ្អាកប្រើពូក</strong><br />រដូវក្ដៅមកដល់គឺជាពេលដែលត្រូវនិយាយថាលាចំពោះពូក។ ប៉ុន្តែបើសិនអ្នក នៅតែចង់ដេក<br />ពូក អ្នកក៏គួរយកកន្ទេលកក់ទៅក្រាលពីលើពូក ដើម្បីកាត់បន្ថយកំដៅ។<br /><br /><strong>៥.ធ្វើឱ្យរាងកាយអ្នក ត្រជាក់</strong> <br />ជំនួសឱ្យការយកចិត្តទុកដាក់ទៅលើតែភាពត្រជាក់របស់បន្ទប់ អ្នកគួរធ្វើឱ្យរាងកាយត្រជាក់<br />វិញ។ អ្នកគួរស្លៀកពាក់ខោអាវស្ដើងខ្លី យកកន្សែងត្រជាក់គ្របលើកន្លែងក្ដៅលើរាងកាយ <br />ដូចជា ក ទ្រូង។ល។ ហើយផឹកទឹកត្រជាក់។</p>
<p><strong>៦.បើកកង្ហារបន្សុទ្ធខ្យល់ក្នុងបន្ទប់ទឹក និងផ្ទះបាយ</strong><br />បែបនេះនឹងជួយបណ្ដេញខ្យល់ក្ដៅដែលកើតឡើងពីចង្ក្រាន និងបន្ទប់ទឹក ចេញទៅខាង<br />ក្រៅ។</p>
<p><strong>៧.បន្ថែមរុក្ខជាតិក្នុងផ្ទះ</strong></p>
<p style="text-align: center;"><strong><a class="thickbox" title="" href="/FileManager/Commons/2015/6/30/cool-30-06-2015--16-34-36.jpg"><img src="/FileManager/Articles/mce/2015/6/30/cool-30-06-2015--16-34-36.jpg" alt="" /></a><br /></strong></p>
<p><strong></strong><br />ការដាក់រុក្ខជាតិពណ៌បៃតងក្នុងផ្ទះ ឬដាំរុក្ខជាតិវល្លិនៅពីលើរានហាល ក៏នឹងជួយឱ្យបរិយាកាល<br />ក្នុងផ្ទះរបស់អ្នក បានត្រជាក់មួយកម្រិត។</p>
<p><strong>៨.វិធីសាស្ដ្រយូរអង្វែង</strong><br />បើសិនអ្នកចង់រក្សាឱ្យផ្ទះរបស់អ្នកបានត្រជាក់ជាយូរអង្វែង អ្នកគួរគិតដល់វិធីមួយចំនួន ដូចជា<br />ប្រើផ្ទាំងការពារពន្លឺបិទលើកញ្ចក់បង្អួច បំពាក់ផ្ទាំងការពារកំដៅពីខាងក្រោមដំបូលស័ង្កសី។ល។<br /> ដែលអ្នកអាចសុំយោបល់ពីក្រុមវិស្វករ ឬហាងលក់គ្រឿងសំណង់៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ KHTV </p>