<p><strong>ព័ត៌មានអន្តរជាតិ ៖ </strong> ស្រ្តីជាម្តាយចិត្តខ្មៅម្នាក់ ត្រូវបានក្រុមភ្នាក់ងារមានសមត្តកិច្ចចាប់ញាត់<br />គុក បន្ទាប់ពីត្រូវបានរកអោយឃើញថា បានព្យាយាមសម្លាប់កូនតូចដែលទើបនឹងកើតរបស់<br />ខ្លួន ដោយក្របួចជាប់នៅក្នុងថង់ប្លាស្ទិច រួចយកទៅចោលក្នុងថុងសំរាម នេះបើយោងតាម<br />សេចក្តីរាយការណ៍របស់ទំព័រសារព័ត៌មានបរទេសស្កាយ ដែលទើបតែបានចេញផ្សាយកាល<br />ពីពេលកន្លងទៅ។</p>
<p>គួរបញ្ជាក់ផងដែរថា ស្រ្តីជាម្តាយរូបនោះ មានឈ្មោះថា Angela Marie Janecka វ័យ ៣៩ឆ្នាំ<br />ជាពលរដ្ឋរស់នៅក្នុងរដ្ឋ Virginia សហរដ្ឋអាមេរិក បានកុហកប្តីរបស់ខ្លួនថា ទារិកាតូចដែល<br />ទើបតែនឹងកើតបានស្លាប់បាត់បង់ជីវិតបាត់ទៅហើយ នៅក្នុងផ្ទះរបស់នាង តែតាមពិតទៅ<br />ទារិកាតូចរូបនោះ កើតមកដោយមានសុខភាពល្អទៅវិញនោះទេ ស្របពេលដែលនាងបាន<br />វេចខ្ចប់គេក្នុងថង់ប្លាស្ទិច រួចយកទៅចោលក្នុងថុងសំរាម។</p>
<p><a class="thickbox" title="" href="/FileManager/Commons/2013/3/18/angela-marie-janecka244x183-18-03-2013--09-05-24.jpg"><img src="/FileManager/Articles/mce/2013/3/18/angela-marie-janecka244x183-18-03-2013--09-05-24.jpg" alt="" width="444" height="332" /></a></p>
<p>រឿងហេតុខាងលើបានបែកការ បន្ទាប់ពីបុរសជាស្វាមីបានត្រលប់មកផ្ទះ ដើម្បីលួងដល់<br />ភរិយារបស់ខ្លួន ខណៈពេលដែលបានបាត់បង់ទារិកាតូចដែលទើបតែនឹងកើត។ លុះបន្តិច<br />ក្រោយមក គាត់ក៏បានរៀបចំឥវ៉ានក្នុងផ្ទះ បន្ទាប់ពីស្រ្តីជាម្តាយសំរាលកូនដោយខ្លួនឯង<br />តែអ្វីដែលនឹកស្មានមិនដល់នោះគឺថា គាត់បែរជារូបឃើញទារិកាតូចនៅក្នុងថង់ប្លាស្ទិចក្នុង<br />ថុងសំរាមទៅវិញ ស្របពេលដែលគាត់យកឥវ៉ាន់ទៅចោល។</p>
<p>ភ្លាមៗនោះ គាត់ក៏បានទូរស័ព្ទហៅក្រុមភ្នាក់ងារសង្គ្រោះបន្ទាន់ ដើម្បីជួយអាយុជីវិតទារិកា<br />តូច ដោយមានការអន្តរាគមន៍បានទាន់ពេល ទារិកាតូចរូបនោះ ត្រូវបានជួយសង្រ្គោះបាន<br />យ៉ាងជោគជ័យ រីឯ ម្តាយចិត្តខ្មៅរូបនោះ ត្រូវបានភ្នាក់ងារមានសមត្តកិច្ចចាប់ឃាត់ខ្លួន <br />ដើម្បីរង់ចាំការផ្តន្ទាទោសទៅតាមផ្លូវច្បាប់របស់ប្រទេសនេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ ស្កាយ</p>