<p><strong>អ៊ីស្រាអែល:</strong> តាមសេចក្តីរាយការណ៍ របស់ប៉ូលិស អ៊ីស្រាអែល បានឲ្យដឹងថា បុរសម្នាក់ត្រូវបានចាប់ ខ្លួន ដោយរងការចោទប្រកាន់ ពីបទ ប៉ុនប៉ងធ្វើ មនុស្សឃាតលើ ប៉ូលីសស្រីម្នាក់ អាយុ១៩ឆ្នាំ។</p>
<p>តាមហេតុការណ៍ បានបង្ហាញថា Omar Souad អាយុ ២៣ឆ្នាំ រស់នៅតំបន់ Nahaf គេជាជនសង្ស័យ ម្នាក់ ដែលត្រូវកាត់ទោសឲ្យ នៅបម្រើក្នុង សហគមន៍ នៅឯស្ថានីយ៍ប៉ូលីស Carmiel។ Omar បានសុំ លេខទូរស័ព្ទពីប៉ូលីសស្រីស្ម័គ្រចិត្តម្នាក់ ដែលធ្វើការនៅតំបន់ ជាមួយគ្នាជាច្រើនដង ប៉ុន្តែនាងបដិសេធ មិនព្រមឲ្យលេខទូរស័ព្ទ ផ្ទាល់ខ្លួនទេ និងបានប្តឹងថ្នាក់លើ ទៀតផង។</p>
<p>មេប៉ូលីសបានហៅ Omar ទៅអប់រំ និងប្រាប់ឲ្យនៅឆ្ងាយពី ប៉ូលីសស្រីនោះ ដែលជាហេតុធ្វើឲ្យ Omar ខឹងជាខ្លាំង ហើយពីរថ្ងៃក្រោយមក Omar បានយកកាំបិត មកប៉ុស្តិ៍ប៉ូលីស និងចាក់ទៅលើ ប៉ូលីសស្រី នោះ បណ្តាលឲ្យរងរបួស យ៉ាងធ្ងន់ធ្ងរ។ Omar ត្រូវបានចាប់ខ្លួនបញ្ជូន ទៅតុលាការ កាត់ទោសផង ដែរ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-099/v_0193.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>