<p style="text-align: justify;">ទន្លេមេគង្គដ៏មហិមាជាសរសៃឈាម ដែលហូរកាត់ចំកណ្តាល បេះដូងនៃតំបន់អាស៊ីអគ្នេយ៍។ <br />ដោយមានប្រភពពី ខ្ពង់រាបទីបេត៍ប្រទេសចិន ទន្លេនេះបានហូរកាត់ប្រទេសចិន មីយ៉ាន់ម៉ា <br />ថៃ ឡាវ កម្ពុជា និងវៀតណាម មុនពេលហូរចាក់ទៅសមុទ្រចិនខាងត្បូងវិញ។ នៅពេលទន្លេ<br />នេះហូរកាត់កម្ពុជា វាបានហូរចាក់បំពេញទៅបឹងទន្លេសាបរបស់កម្ពុជា ដែលជាបឹងដ៏ធំបំផុត<br />នៅអាស៊ីអគ្នេយ៍។</p>
<p style="text-align: justify;">នៅពេលទស្សនាកម្ពុជាអ្នកទេសចរអាចធ្វើដំណើរតាមដងទន្លេមេគង្គ និងគយគន់ទេសភាព<br />ដ៏ត្រកាល តាមបណ្តោយច្រាំងទន្លេ។ មានសហគមន៍ជាច្រើនរស់នៅប៉ប្រះនឹងមាត់ទន្លេអស់<br />រយៈពេលជាច្រើនសតវត្សរ៍កន្លងមកហើយ។ អ្នកទេសចរ អាចឈប់សំចតដើម្បីទទួលទាន<br />ទឹកតែដ៏ឆ្ងាញ់ពិសាទស្សនាភូមិតូចៗ នៅតាមបណ្តោយច្រាំងទន្លេ គយគន់បា្រសាទដែល<br />អើតលឹមៗពីចម្ងាយ និងស្រូបយកខ្យល់អាកាសដ៏បរិសុទ្ធ នៅកណ្តាលបឹងធម្មជាតិនេះ។</p>
<p style="text-align: justify;">កាណូតទេសចរណ៍ គ្រប់ធុនរង់ចាំដឹក ភ្ញៀវទេសចរនៅតាមបណ្តោយច្រាំងទន្លេ ហើយតាម<br />ធម្មតា នៅចន្លោះផ្លូវ១៤៤និង១៣០ និងនៅឯកំពង់ផែអ្នកដំណើរក្បែរផ្លូវ១០៤ ហើយអ្នកអាច<br />រកកាណូតទេសចរណ៍ និង ការផ្សព្វផ្សាយនៅទីនោះបានផងដែរ។ ចាប់ពីម៉ោងប្រហែលជា<br />៤-៥:៣០នាទីល្ងាច អ្នកអាចជិះកាណូតទេសចរណ៍គយគន់ថ្ងៃលិច ដែលមានតម្លៃពី៤-៥<br />ដុល្លារ សំរាប់បរទេស ក្នុងម្នាក់ៗ និង ប្រជាពលរដ្ឋកម្ពុជា តំលៃ ១ដុល្លារ។</p>
<p style="text-align: justify;">ភ្ញៀវទេសចរ ក៏អាចជួលកាណូតឯកជន បានផងដែរ ដែលមានតំលៃ អាចមានចាប់ពី១០-១៥<br />ដុល្លារក្នុងរយៈពេល១ម៉ោង ដោយផ្តល់ជូននូវសេវាកម្មធ្វើដំណើរតាមលក្ខណៈស្តង់ដារ៕</p>
<p style="text-align: justify;">សូមទស្សនា រូបភាព ខាងក្រោម!!!</p>
<p style="text-align: justify;"><a class="thickbox" title="" href="/FileManager/Commons/2013/8/14/1-14-08-2013--11-41-58.jpg"><img src="/FileManager/Articles/mce/2013/8/14/1-14-08-2013--11-41-58.jpg" alt="" /></a></p>
<p style="text-align: justify;"><a class="thickbox" title="" href="/FileManager/Commons/2013/8/14/2-14-08-2013--11-42-08.jpg"><img src="/FileManager/Articles/mce/2013/8/14/2-14-08-2013--11-42-08.jpg" alt="" /></a></p>
<p style="text-align: justify;"><a class="thickbox" title="" href="/FileManager/Commons/2013/8/14/3-14-08-2013--11-42-18.jpg"><img src="/FileManager/Articles/mce/2013/8/14/3-14-08-2013--11-42-18.jpg" alt="" /></a></p>
<p style="text-align: right;">ដោយ៖ វណ្ណៈ<br />ប្រភព៖ tourismcambodia</p>