<p><span style="color: #000000;"><strong>(ភ្នំពេញ)៖</strong> នារីកម្មការិនីរោងចក្រម្នាក់ បានជិះម៉ូតូឌុបពីរនាក់ប្តី ទាំងទឹកមុខក្រៀមក្រំ មកឈប់នៅប៉ុសិ៍តនគរបាលចោមចៅ ដើម្បីឲ្យសមត្ថកិច្ចជួយអន្ដរាគមន៍ រកម៉ូតូរបស់ខ្លួនក្រោយពីមានបុរសម្នាក់ បានស៊ីដាច់ម៉ូតូយកទៅបាត់ នៅព្រឹកថ្ងៃទី២៧ ខែកក្កដា ឆ្នាំ២០១៦ នៅម្តុំរោងចក្រ៦ជាន់ ផ្លូវវេងស្រេង ភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ។</span></p>
<p><span style="color: #000000;">មន្ដ្រីនគរបាល ខណ្ឌពោធិ៍សែនជ័យ បានឲ្យដឹងថា នារីរងគ្រោះឈ្មោះ ធឿន ស្រីមុំ អាយុ២៣ឆ្នាំ ជាកម្មការិនីរោងចក្រ ស្នាក់នៅភូមីជ្រៃកោង សង្កាត់ចោមចៅ ខណ្ឌពោធិ៍សែនជ័យ ដែលមានស្រុកកំណើតនៅខេត្តព្រៃវែង ហើយម៉ូតូដែលជនសង្ស័យយកទៅបាត់នោះម៉ាក Honda Dream C125 ស្លាកលេខភ្នំពេញ 1CE-6074។ ចំណែកជនសង្ស័យ ដែលស៊ីដាច់ម៉ូតូនោះ ត្រូវបានស្គាល់ថាឈ្មោះ ថៃ អាយុ១៨ឆ្នាំ ស្នាក់នៅផ្ទះជួលក្បែរបន្ទប់គ្នា។</span></p>
<p><span style="color: #000000;">បើតាមការរៀបរាប់របស់នារីរងគ្រោះ បានឲ្យដឹងថា រូបខ្លួនបានបាត់ប្អូនប្រុសម្នាក់២ថ្ងៃមកហើយ លុះមកដល់ថ្ងៃកើតហេតុ ខ្លួនក៏បានពឹងជនសង្ស័យខាងលើ ជូនទៅរកប្អូននៅម្តុំរោងចក្រ៦ជាន់ លុះដល់ខ្លួនចុះពីលើម៉ូតូ ស្រាប់តែពេលនោះជនសង្ស័យក៏ជិះម៉ូតូទៅបាត់តែម្តង។ ក្រោយពេលមានហេតុការណ៍ នារីរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលចោមចៅ ដើម្បីឲ្យសមត្ថកិច្ច ជួយស្វែងរកជនសង្ស័យខាងលើ មកផ្តោន្ទាទោសតាមច្បាប់៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-14-19-55-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-14-19-56-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-14-19-56-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-27-14-19-56-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>