<p><span style="line-height: 1.8;"><strong>ភ្នំពេញ៖</strong> អ្នកប្រើប្រាស់ មួយចំនួន ជាពិសេសយុវ វ័យបានចោទ ជាចំងល់ពាក់ព័ន្ធ ទៅនឹងការ សង្ស័យ ថា ក្រុមហ៊ុន ទូរស័ព្ទដ៏ធំ និងឈានមុខគេ របស់កម្ពុជា គឺក្រុមហ៊ុន Mobitel នោះបានទិញ យកក្រុមហ៊ុន ទូរស័ព្ទចល័ត ដែលជា គូប្រជែង របស់ខ្លួន Smart ។</span></p>
<p>ការដាក់ក្តីសង្ស័យ បែបនេះនៅត្រង់ថា រយៈពេលប៉ុន្មាន ថ្ងៃចុងក្រោយនេះ អតិថិជនដែល ប្រើប្រាស់ ប្រព័ន្ធទូរស័ព្ទ Smart បានចុចឆែក គណនី ទឹកប្រាក់ របស់ខ្លួន ដោយវាយរបៀប ឆែករបស់ក្រុមហ៊ុន Mobitel បែរជា បង្ហាញគណនី ទឹកប្រាក់របស់ខ្លួន ដូចការវាយរបៀប ឆែកទាំងប្រាក់របស់ Smart ដែរ បានសេចក្តីថា អតិថិជន Smart អាចវាយ #124# សញ្ញាបញ្ជូន ដែលជាការ ឆែកគណនី របស់ក្រុមហ៊ុន Cellcard នោះក៏បង្ហាញ គណនីទឹកបា្រក់ បានដែរ។</p>
<p>ជាធម្មតាការ ឆែកគណនី ទឹកប្រាក់ របស់ក្រុមហ៊ុន Smart គេប្រើ *888# ចុចសញ្ញាបញ្ជូន ឬសម្រាប់ អតិថិជន ក្រុមហ៊ុន Hello ដែលបានបញ្ជូល គ្នាជាមួយ Smart អាចវាយ *100# ចុចសញ្ញាបញ្ជូន ។</p>
<p>យ៉ាងណាក៏ដោយ បើតាមប្រភពព័ត៌មាន ដែលគួរឲ្យ ទុកចិត្តមួយ បានប្រាប់ LookingTODAY អោយដឹងថា ក្នុងរយៈពេល ចុងក្រោយនេះ ពិតជា មានករណីដែល ក្រុមហ៊ុន Smart អាចប្រើប្រាស់ របៀបឆែក គណនី ដូចនឹងក្រុមហ៊ុន Mobitel មើលទឹកប្រាក់ ដែលនៅសល់មែន ហើយថា នេះមកពី បញ្ហាបច្ចេកទេស ដែលអ្នក បច្ចេកទេស របស់ក្រុមហ៊ុនកំពុង តែងឿងឆ្ងល់ និងដោះស្រាយ។</p>
<p>ដោយឡែក សម្រាប់ព័ត៌ មានដែលថា ក្រុមហ៊ុន Mobitel ទិញយក ក្រុមហ៊ុន ទូរស័ព្ទ Smart ដែលជាគូ ប្រកួតប្រជែងដ៏ខ្លាំង នៅកម្ពុជានោះ គឺជារឿងមិនពិតនោះទេ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-100/r_0147.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/25857--mobitel-smart-.html"><span style="color: #0000ff;">ដើមអំពិល</span></a></p>