<p>ផ្លែចេក សម្បូរទៅដោយសារធាតុ ប៉ូតាស្យូម ជួយឱ្យសក់ដុះលូតលាស់មករឹងមំា កាត់សក់បែក<br />ចុង និង ព្យាបាលសក់ខូច។ ផ្លែចេក ក៏អាចជួយកុំឱ្យស្ងួតខ្លាំង ដោយសារតែ នៅក្នុងផ្លែមានផ្ទុក<br />នូវសារធាតុប្រេងធម្មជាតិ និង សារធាតុទឹកប្រហែលជា ៧៥ភាគរយ។</p>
<p>សក់មានសុខភាពរឹងមាំ មិនស្ងួត គឺអាចកាត់បន្ថយនូវសក់រួញ និង ជំពាក់ប្រទាក់គ្នា។ បន្ថែមពី<br />នេះទៅទៀត ផ្លែឈើនេះមានផ្ទុកនូវសារធាតុ វីតាមីនA, B6, C និងE ក៏ដូចជាសារធាតុស័ង្កសី<br />និង សារធាតុដែកផងដែរ។</p>
<p>ខាងក្រោមនេះ យើងនឹងណែនាំអ្នក នូវវិធីងាយៗ ដើម្បីព្យាបាលធ្វើឱ្យ សក់មានសុខភាពល្អ<br />ដុះលូតលាត់ឆាប់រហ័ស និង មានឬសសក់ជ្រៅ។</p>
<p><strong>គ្រឿងផ្សំ៖</strong></p>
<p><strong><a class="thickbox" title="" href="/FileManager/Commons/2013/10/25/1thumb-25-10-2013--09-41-07.jpg"><img src="/FileManager/Articles/mce/2013/10/25/1thumb-25-10-2013--09-41-07.jpg" alt="" /></a><br /></strong></p>
<p>-ផ្លែចេក ១ផ្លែ<br />-ទឹកខ្ទិះដូង<br />-ប្រេងដូង<br />-ទឹកឃ្មុំ<br />-កូនចាន គោម១<br />-ស្លាបព្រាបាយ ១</p>
<p><strong>វិធីផ្សំគ្រឿង៖ </strong></p>
<p>១/ យកផ្លែចេក ១ផ្លែ កាត់ជាដុំតូចៗ ដាក់ទៅក្នុងកូនចានគោម<strong></strong><br />២/ ចាក់ទឹកខ្ទិះដូង ២ស្លាបព្រាបាយ ចូលទៅក្នុងកូនចានគោម<br />៣/ ចាក់បន្ថែមប្រេងដូង ១ស្លាបព្រាបាយ ចូលទៅក្នុងកូនចានគោម<br />៤/ ចាក់ទឹកឃ្មុំ ២ស្លាបព្រាបាយ ចូលទៅក្នុងកូនចានគោម<br />៥/ បន្ទាប់ កូរគ្រឿងផ្សំទាំងអស់ ចូលគ្នារយៈពេល ៤៥ ទៅ ៦០វិនាទី ឱ្យសព្វល្អ </p>
<p><strong>វិធីព្យាបាល៖ </strong></p>
<p>១. យកគ្រឿងផ្សំរួចខាងលើ មកលាបនៅលើសក់<br />២. រួចម៉ាស្សា ថ្នមៗ នៅលើសក់ និង ស្បែកក្បាល ឱ្យសព្វ បន្ទាប់មក យកថង់<strong></strong><br />ប្លាស្ទីច ឬ ឧបករណ៍សំរាប់គ្របសក់ គ្របពីលើសក់របស់អ្នក<br />៣. ទុករយៈពេល ៣០នាទី <br />៤. លាងសំអាតសក់ ជាមួយនឹងសាប៊ូកក់សក់ ចេញជាការស្រេច៕</p>
<p><strong>ចំណាំ៖ </strong>សូមព្យាបាលតាមវិធីនេះ ១សប្តាហ៍ ១ម្តង!</p>
<p style="text-align: right;">ប្រែសម្រួលដោយ៖ វណ្ណៈ<br />ប្រភព៖top10homeremedies<br /><br /></p>