<div>
<p><span style="color: #000000;"><strong>(តូក្យូ)៖</strong> មន្ត្រីអប់រំនៅជប៉ុនបានបើកការស៊ើបអង្កេតលើករណីមួយ ដែលនាយកសាលាបានប្រាប់កូនសិស្សស្រីរាប់រយនាក់ថា ការមានកូន គឺជារឿងសំខាន់ជាងការទៅរៀននៅមហាវិទ្យាល័យ និងប្រកបការងារ ។</span></p>
<p><span style="color: #000000;">លោកនាយកនៅវិទ្យាល័យមួយក្នុងទីក្រុងអូសាកា ឈ្មោះ Hisao Terai បានប្រាប់សិស្សប្រមាណ៦០០នាក់ថា រឿងសំខាន់បំផុតសម្រាប់ស្ត្រីគឺការបង្កើតកូនឲ្យបាន២ ឬច្រើននាក់ដែលមានតម្លៃជាងការទៅរៀនបន្តនៅមហាវិទ្យាល័យ និងការធ្វើការ ។</span></p>
<p><span style="color: #000000;">ការលើកឡើងរបស់លោក Terai បានរងប្រតិកម្មយ៉ាងខ្លាំង ពីសំណាក់អាណាព្យាបាលសិស្ស និងមហាជន ហើយក៏មានការចោទសួរយ៉ាងខ្លាំងផងដែរ ប៉ុន្តែនាយកសាលារូបនេះចាត់ទុកថា សំដីរបស់លោកហាក់ដូចជាគ្មានអ្វី ខុសឡើយ ព្រោះវាគ្រាន់តែបង្កើតភាពរីករាយដល់នារីៗ សម្រាប់ការមានបុត្រប៉ុណ្ណោះ ។</span></p>
<p><span style="color: #000000;">កាលពីខែមុន រដ្ឋាភិបាលជប៉ុនបានប្រកាសថា អត្រាចំនួនប្រជាពលរដ្ឋក្នុងប្រទេសមានការធ្លាក់ចុះជិត១លាននាក់ បើប្រៀបធៀបនឹងរយៈពេល៥ឆ្នាំកន្លងទៅនេះ ៕</span></p>
<p style="text-align: center;"><a class="thickbox" title="" href="/FileManager/Commons/2016/3/16/15-16-03-2016--11-13-44.jpg"><img src="/FileManager/Articles/mce/2016/3/16/15-16-03-2016--11-13-44.jpg" alt="" /></a></p>
<p style="text-align: center;"><span style="color: #000000;">រូបភាពតំណាង</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>