<div class="short_intro txt_666">លោកប្រធានាធិបតីអាមេរិច Barack Obama មិនបានដឹងខ្លួនឡើយថា រូបគាត់បានក្លាយទៅជា អ្នកជួយផ្សាយពាណិជ្ជកម្ម ដោយអចេតនាឲ្យ Samsung។</div>
<div class="short_intro txt_666"></div>
<p class="Normal">កាលពីថ្ងៃទី ០១ ខែមេសា ឆ្នាំ២០១៤ កន្លងទៅថ្មីៗនេះ លោកប្រធានាធិបតី Obama បានធ្វើកិច្ច ស្វាគមន៍ ក្រុមកីឡា Baseball Boston Red Sox នៅសេតវិមាន ហើយក្នុងឱកាសនោះ កីឡាករ David Ortiz បានធ្វើការស្នើសុំថតរូប Selfie (ថតដោយខ្លួនឯង) ជាមួយលោកប្រធានាធិបតី។ ក្រោយមក Ortiz បានធ្វើការចែករំលែកថា កាលពីពីរបីខែមុន មុនពេលដែលខ្លួនធ្វើដំណើរទៅដល់ Washington DC, Samsung បានជូនកាដូដល់រូបគាត់នូវ ស្មាតហ្វូន Galaxy Note 3 សម្រាប់កីឡាករ នេះប្រើប្រាស់។</p>
<p class="Normal"><a class="thickbox" title="" href="/FileManager/Commons/2014/4/5/tech-1-2863-1396656423-05-04-2014--10-59-13.jpg"><img src="/FileManager/Articles/mce/2014/4/5/tech-1-2863-1396656423-05-04-2014--10-59-13.jpg" alt="" /></a></p>
<p class="Normal">ជាក់ស្តែង Samsung គឺពិតជាមិនបានដឹងមុនថា Ortiz នឹងប្រើស្មាតហ្វូនដែលក្រុមហ៊ុនជូននោះ ដើម្បីថតរូបក្នុងសកម្មភាពអ្វី និងជាមួយអ្នកណានោះទេ។ ក្រោយមកពួកគេពិតជាមានក្តីរំភើប និង ភ្ញាក់ផ្អើលយ៉ាងខ្លាំង នៅចំពោះរឿងដែល Ortiz អាចធ្វើការអញ្ជើញលោក Obama ថតរូបជាមួយ បាន។</p>
<p class="Normal">Ortiz បានឲ្យដឹងថាៈ "រូបថតជាមួយលោកប្រធានាធិបតី គឺជាឱកាសមានតែម្តងគត់ ក្នុងជីវិត។ ខ្ញុំមិនដឹងឡើយថា រូបគាត់ព្រមឲ្យខ្ញុំថតរូបជាមួយ<span class="Normal">"។ រូបថតនេះ ត្រូវបានចែករំលែកតគ្នាយ៉ាងច្រើន សន្ធឹក និងយ៉ាងឆាប់រហ័សនៅលើ Twitter។ ក្នុងនោះ សេតវិមាន បានបង្ហាញពីការមិនសប្បាយ ចិត្ត នៅចំពោះរឿងដែលលោកប្រធានាធិបតី សហរដ្ឋអាមេរិច ត្រូវបានអូសចូលដោយអចេតនា ក្នុងយុទ្ធនាការផ្សាយពាណិជ្ជកម្មផលិតផលដូច្នេះ៕</span></p>
<p class="Normal" style="text-align: center;"><span class="Normal"><object width="500" height="400" data="http://www.youtube.com/v/aksonrfdwJA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/aksonrfdwJA&rel=1" /></object><br /></span></p>
<p class="Normal"><span class="Normal"><br /></span></p>
<p class="Normal" style="text-align: right;"><span class="Normal">ប្រែសម្រួល៖ សិលា<br />ប្រភព៖ vexpress<br /></span></p>