<p>នៅក្នុងខែវិច្ឆិកានេះ តុលាការខេត្រ ស្វាយរៀង នឹងកំណត់ពេលបើកសវនាការសំណុំរឿងអតីត <br />អភិបាលក្រុងបាវិតលោក ឈូក បណ្ឌិត ដែលបានបាញ់ប្រហារទៅលើហ្វូងកម្មករបណ្តាល ឲ្យ<br />កម្មការិនីបីនាក់រងរបួស នៅក្នុងតំបន់សេដ្ឋកិច្ចពិសេស Manhattan ក្រុងបាវិត។</p>
<p><a class="thickbox" title="" href="/FileManager/Commons/2012/11/3/chook-03-11-2012--09-22-39.gif"><img style="display: block; margin-left: auto; margin-right: auto;" src="/FileManager/Articles/mce/2012/11/3/chook-03-11-2012--09-22-39.gif" alt="" width="261" height="346" /></a><br />ព្រះរាជអាជ្ញាអមសាលាដំបូងខេត្តស្វាយរៀង លោកហ៊ីង ប៊ុនជាបានថ្លែងឲ្យដឹងថា ដោយសារ<br />តែមានការមមាញឹក និងមានបុណ្យច្រើនពេក ទើបធ្វើឲ្យសំណុំរឿងនេះដំណើរការយឺតជាងនិតិ<br />វិធីកំណត់។ លោកថា ករណីជនសង្ស័យនៅក្រៅឃុំតាមនិតិវិធី គឺតុលាការនឹងធ្វើចំណាត់ការមិន<br />ឲ្យហួសពី១ខែទេ។ លោកបន្ដថា តុលាការនឹងកំណត់ថ្ងៃបើកសវនាការនៅពាក់កណ្តាលខែវិច្ឆិកា<br /> ឬចុងខែវិច្ឆិការនេះ។<br /> <br /> សូមរំលឹកថា នៅថ្ងៃទី ១៨ ខែមេសា ឆ្នាំ២០១២ លោក ឈូក បណ្ឌិត អតីតអភិបាលក្រុងបាវិត <br />ត្រូវបានតុលាការខេត្តស្វាយរៀង សម្រេចចោទប្រកាន់ពីបទបង្ករបួសស្នាមដោយអចេតនា ទាក់<br />ទិននៅនឹងព្រឹត្តិការណ៍ថ្ងៃទី២០ ខែកុម្ភៈ ដែលមានកម្មករជាង ៦០០០ នាក់មកពីរោងចក្រ ៤ ក្នុង<br />តំបន់សេដ្ឋកិច្ចពិសេស Manhattan ក្នុងក្រុងបាវិត បានធ្វើការតវ៉ាទាមទារប្រាក់ឈ្នួល និងលក្ខ<br />ខណ្ឌការងារប្រសើរជាងមុន ហើយលោកឈូក បណ្ឌិតអតីតអភិបាលក្រុងបាវិតបានបាញ់កម្មករ<br />៣នាក់ឲ្យរងរបួស។</p>
<p>ក្នុងសំណុំរឿងដែលបានអូសបន្លាយអស់រយៈពេលជាច្រើនខែមកនោះ កម្មការិនី ៣ នាក់ដែល<br />បានរងរបួសដោយសារការបាញ់ប្រហារពីសំណាក់អតីតអភិបាល ក្រុងបាវិត បានដាក់ពាក្យ<br />បណ្តឹងប្រឆាំងទៅនឹងលោកឈូក បណ្ឌិត ដោយទាមទារសំណងម្នាក់ៗ ៤៥ ០០០ដុល្លារ៕</p>
<p> </p>
<p style="text-align: right;">ដោយ ៖ សូរីយ៉ា<br />ប្រភព ៖ rfi</p>