<p>រដ្ឋធានីរបស់ប្រទេសរុស្ស៊ី កាលពីម្សិលមិញ ទទួលបានផ្ទៃដីទំហំ ១៥០,០០០ហិចតា ពីតំបន់ភាគ<br />ឦសាន ក្បែរក្រុងមួយនេះ ដោយយោងទៅតាមគម្រោងពង្រីកដែលត្រូវបានអនុម័តដោយនាយក<br />រដ្ឋមន្ដ្រី Dmitry Medvedev កាលពីឆ្នាំទៅ។</p>
<p><a class="thickbox" title="" href="/FileManager/Commons/2012/7/2/traffic-eases-past-the-fo-007-02-07-2012--15-33-22.jpg"><img src="/FileManager/Articles/mce/2012/7/2/traffic-eases-past-the-fo-007-02-07-2012--15-33-22.jpg" alt="" /></a></p>
<p class="Normal">ផ្ទៃដីថ្មីរបស់រដ្ឋធានី Moscow រួមមានទីក្រុងចំនួន ២ ក្នុងតំបន់រដ្ឋធានី គឺ Shcherbinka និង Troitsk<br />ក៏ដូចជា តំបន់តូចៗ ចំនួន ១៩ផ្សេងទៀត។ ក្នុងរយៈពេលត្រឹមតែមួយយប់ប៉ុណ្ណោះ ប្រជាពលរដ្ឋ<br />ប្រមាណជា ២៣២.០០០នាក់ បានក្លាយជាអ្នករដ្ឋធានី។</p>
<p class="Normal">ផ្ទៃដីដែលត្រូវបានពង្រីកទ្វេដងនេះ ក៏ជួយអោយក្រុង Moscow អាចបន្ថយបាន នូវកម្រិតដង់ស៊ីតេ <br />ពី ១០,៧០០នាក់ មកនៅ ៤.៦០០នាក់/គីឡូម៉ែត្រការ៉េ។</p>
<p class="Normal">RIA Novosti ដកស្រង់សំដីចៅហ្វាយក្រុង Moscow លោក Sergei Sobyanin កាលពីម្សិលមិញ បាន<br />អោយដឹងថា ការពង្រីកក្រុង គឺដើម្បីជួយរំដោះការស្ទះចរាចរណ៍នៅកណ្ដាលក្រុង ដែលនឹងអនុញ្ញាត<br />អោយប្រជាជននៅក្នុងក្រុង បានរីកចម្រើនប្រកបដោយភាពត្រឹមត្រូវ។</p>
<p class="Normal"><a class="thickbox" title="" href="/FileManager/Commons/2012/7/2/moscow-1-02-07-2012--15-33-37.jpg"><img src="/FileManager/Articles/mce/2012/7/2/moscow-1-02-07-2012--15-33-37.jpg" alt="" /></a></p>
<p class="Normal">លោកចៅហ្វាយក្រុងក៏បានអះអាងថា ការពង្រីកក្រុង នឹងជួយបង្កើតការងារថ្មីៗច្រើនបន្ថែមទៀត។<br />មជ្ឈមណ្ឌលបច្ចេកវិទ្យាថ្មីនឹងត្រូវបានបង្កើតឡើងនៅ Troitsk និង Skolkovo ខណៈដែលមជ្ឈមណ្ឌល<br />ហិរញ្ញវត្ថុអន្ដរជាតិនឹងត្រូវបានបង្កើតឡើងក្បែរផ្លូវហាយវេ Rublyovo-Arkhangelskoye ។</p>
<p class="Normal">បច្ចុប្បន្ន ក្រុង Moscow គឺជាទីក្រុងមួយក្នុងចំណោមទីក្រុងធំជាងគេទាំង ១០ ក្នុងពិភពលោក ដោយ<br />មានពលរដ្ឋចុះឈ្មោះជាផ្លូវការឡើងដល់ ១០,៥លាននាក់៕</p>
<p class="Normal" style="text-align: right;">ដោយ ៖ សូរីយ៉ា<br />ប្រភព ៖ VE</p>
<p class="Normal"> </p>