<p><strong>ភ្នំពេញៈ</strong> នៅល្ងាចថ្ងៃនេះ ជាថ្ងៃដែលរំជួលចិត្ត សម្រាប់តារាប្រុសស្រីល្បីឈ្មោះ ជាច្រើនដួង <br />នៅក្នុងប្រទេសកម្ពុជា ត្រៀមខ្លួន ក្នុងការទៅចូលរួមកម្មវិធី “អាណាចក្រតារា” ដើម្បីរង់ចាំអ៊ុត<br />មើលថា តារាណាខ្លះ មានប្រជាប្រិយភាពលេចធ្លោ និងអាចក្លាយខ្លួនជាម្ចាស់ពាន់រង្វាន់ <br />សម្រាប់ឆ្នាំ២០១៣នេះ។</p>
<p>នៅល្ងាចថ្ងៃទី១៥ ខែសីហា ឆ្នាំ២០១៣នេះ មានតារាជាច្រើនរយនាក់ បាននាំគ្នាទៅចូលរួម <br />នៅមជ្ឈមណ្ឌលកោះពេជ្រ ក្នុងកម្មវិធី អាណាចក្រតារា ដោយសិល្បករ-សិល្បការិនី ចាស់ថ្មី<br />ជាច្រើនរយនាក់ បានទៅជួបជុំគ្នានៅទីនោះ ។ មិនតែប៉ុណ្ណោះតារា ទាំងអស់នោះ បានត្រៀម<br />ជាមួយ ឈុតយ៉ាងស្រស់ស្អាត ខិតខំច្នៃម៉ូដយ៉ាងស្រស់ស្អាត បូករួមជាមួយការតុបតែងខ្លួន <br />យ៉ាងស្រស់បំព្រងចូលរួម បង្អួតសម្រស់គ្នាក្នុងកម្មវិធីដ៏ធំនេះ ។</p>
<p>ជួបជាមួយ LookingTODAY តាមទូរស័ព្ទ នៅថ្ងៃទី១៥ ខែសីហា ឆ្នាំ២០១៣នេះ ស្រីស្រស់<br />សម្បុរខ្មៅស្រអែមកញ្ញា សារាយ សក្ខណាបានប្រាប់ឲ្យដឹងថា នាងមានអារម្មណ៍សប្បាយ<br />រីករាយ និងរំភើបចិត្តអស្ចារ្យជាងឆ្នាំមុន អាចនិយាយបានថា ជាឆ្នាំចុងក្រោយ ដែលនាងបាន<br />ចូលរួមក្នុងកម្មវិធីនេះនាង បានត្រៀមខ្លួនក៏ដូចជាឈុតសម្រាប់ចូលរួមរួច ហើយដោយការ<br />ចូលរួមនេះ នាងតុបតែងខ្លួនបែបស្រគត់ស្រគំ ជាងមុន។</p>
<p>ពិធីការិនីនិងជាតារាសម្តែង ស្រីរូបស្រស់កញ្ញ សារាយ សក្ខណា បានប្រាប់បន្ថែមទៀតថា <br />“ទន្ទឹមនោះដែលខ្ញុំក៏មិនហ៊ាន និយាយថាអាចមានឱកាស បានទទួលពានដូចមុន ឫយ៉ាងណា<br />ទេ ព្រោះថាបច្ចុប្បន្នអ្នកសិល្បៈ មានសមត្ថភាពច្រើនណាស់ អាស្រ័យលើការដាក់ពិន្ទុពី<br />ទស្សនិកជន តែប៉ុណ្ណោះ”។</p>
<p>នៅក្នុងនោះដែរ កញ្ញា គង់ ច័ន្ទស្រីមុំ បានប្រាប់ពីចំណាប់អារម្មណ៍ផ្ទាល់ខ្លួន របស់នាងស្រដៀង<br />គ្នាថា នាងក៏មានអារម្មណ៍ រំភើបសប្បាយចិត្ត ដូចអ្នកសិល្បៈដទៃដូចគ្នា ហើយសម្រាប់ការត្រៀម<br />ខ្លួនទៅចូលរួមនោះ គឺនាងបានត្រៀមរួចជាមួយឈុត បែបស៊ីវិល័យសម័យថ្មី ព្រោះថានាងមិន<br />ចូលចិត្ត ស្លៀកឈុតដូចទេ គឺនាងចង់ស្លៀកពាក់បែបសិចស៊ី។</p>
<p>ស្រីស្រស់សម្បុរសសាច់ម៉ដ្ឋរលោងរូបនេះ បានប្រាប់ទៀតថា " សម្រាប់ឆ្នាំនេះ ខ្ញុំមិនរំពឹងថា<br /> អាចទទួលបានពាន់ដូចឆ្នាំមុនទេ ដោយសារតែក្នុងឆ្នាំនេះ ខ្ញុំហាក់ដូចជាឃ្លាតឆ្ងាយ ពីការងារ<br />សិល្បៈ យូរគួរសម ដូច្នេះរឿងថា បានពានឬអត់នោះ ខ្ញុំផ្ទាល់ក៏មិនច្បាស់ដែរ " ។</p>
<p>ដោយឡែក ស្រីស្អាតសម្រស់ផូរផង់ កញ្ញា គឹម លីហ្សា ដែលជាតារាសម្តែងកំពុងទទួលបាន ប្រជាប្រិយភាពក៏បានប្រាប់ពីអារម្មណ៍ផ្ទាល់ខ្លួន នាងថា នាងមិនច្បាស់ក្នុងចិត្តទេ ថាតើអាច<br />ទទួលបានពានឫយ៉ាងទោះ ជាពេលនេះនាងបង្ហាញមុខច្រើន នៅក្នុងពិភពសិល្បៈ ក៏ដោយ<br />ចុះ តែនាងមិនសង្ឃឹមថា អាចបានក្លាយជាម្ចាស់ពាននោះទេ ។</p>
<p>លីហ្សា បានប្រាប់ថា " ខ្ញុំដឹងថាខ្ញុំប្រហែលជា មិនអាច បានពានទេ តែការទៅចូលរួមនេះ <br />គឺគ្រាន់តែចង់ទៅជួបជុំជាមួយតារាទាំងអស់ មិនសំខាន់លើការលើកពានឬអត់ទេ ហើយ<br />មួយទៀតនោះ ខ្ញុំក៏ចង់ទៅសាទរជាមួយតារាដទៃដូចគ្នា " ។</p>
<p>ដូច្នេះរង់ចាំអ៊ុតមើលទាំងអស់គ្នា នៅល្ងាចនេះថា តើតារាប្រុសស្រីរូបណាខ្លះ ដែលបាន<br />ទទួលពានរង្វាន់នៅក្នុងកម្មវិធី អាណាចក្រតារា និងមានការតុបតែងខ្លួន បង្អួតភាពស៊ីវិ-<br />ល័យដាក់គ្នា ដល់កម្រិតណានាល្ងាចនេះ៕</p>
<p><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0421.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0419.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0420.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0422.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0423.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>