<p>ប្តីប្រពន្ឋ១គូ ទើបនឹងរៀបការហើយថ្មីៗ ដោយប្រពន្ឋមិនសូវប្រសព្វ ធ្វើម្ហូប ប៉ុន្តែដោយចង់យកចិត្តស្វាមី គាត់បានរៀបចំធ្វើម្ហូប ដែលទើបនឹងរៀនចេះតាមសៀវភៅធ្វើម្ហូបថ្មីៗ <br /><strong>ភរិយា៖</strong> ត្រឡប់មកវិញហើយ ឬបងសម្លាញ់ !ថ្ងៃនេះអូនស្លម្ផូរគ្រឿង សាច់គោ ដែលបងចូលចិត្តនោះអី ! ទៅផ្លាស់ខោអាវទៅ អាលនឹងមកញ៉ាំបាយទាំងអស់គ្នា ! <br />ភរិយាបន្ទន់សំឡេង ជំរុញស្ចាមី ព្រោះចង់បង្អួតស្នាដៃធ្វើម្ហូប ដែលទើបនឹងតែរៀនមក ។ក្រោយពីផ្លាស់ខោអាវរួចហើយ ស្វាមីក៏ត្រឡប់មកទទួលទានបាយ ។</p>
<p><a class="thickbox" title="" href="/FileManager/Commons/2013/12/20/istockphoto11659859-valentine-s-senior-lover-couple-holding-hands-cartoon-grandfather-grandmother-20-12-2013--10-38-25.jpg"><img src="/FileManager/Articles/mce/2013/12/20/istockphoto11659859-valentine-s-senior-lover-couple-holding-hands-cartoon-grandfather-grandmother-20-12-2013--10-38-25.jpg" alt="" /></a><br /><strong>ស្វាមី៖</strong> សម្លម្ផូរគ្រឿង មែនទេអូនសម្លាញ់? ហ្អេ! មើលទៅគួរអោយចង់ទទួលទាន ដល់ហើយ ! <br /><strong>ភរិយា៖</strong> មែនហ្នឹងបង ! អូនខំប្រឹងធ្វើយ៉ាងណា អស់ពីចិត្តដើម្បីបងហ្នឹងណា សាកភ្លក្សមើលទៅ! <br />ស្វាមីដួសសម្លម្ផូរគ្រឿង ដាក់ចូលក្នុងមាត់ តែមិនទាន់ទាំងបាន ភ្លក្សរសជាតិស្រួលបួលផង ភរិយាក៏ហាមាត់និយាយឡើង៖ <br /><strong>ភរិយា៖</strong> យ៉ាងម៉េចដែរ លោកប្តី? <br /><strong>ស្វាមី៖</strong> អឺ! អូនឯងពូកែផ្សំគ្រឿងគ្រាន់បើ មានគ្រប់រសជាតិតែម្តងហើយ <br /><strong>ភរិយា៖</strong> ពិតមែនឬ? ដឹងអីទេបងឯងនេះ អូនអៀនដល់ហើយ ! <br /><strong>ស្វាមី៖</strong> មែនណា ! មានគ្រប់រសជាតិតែម្តង លើកលែងតែរសជាតិឆ្ងាញ់! <br /><strong>ភរិយា៖</strong> អុញ!!!</p>
<p style="text-align: right;">ដោយ៖ វណ្ណៈ<br />ប្រភព៖ khmerjoke</p>