<p>ស្ត្រីកុលសម្ព័ន្ធ Maasai ក្នុងប្រទេសកេនយ៉ា មិនមានសិទ្ធិយកស្វាមីតាមចិត្តនោះទេ ពួកគេភាគច្រើនមានគូស្រករទៅតាមការរៀបចំផ្គូផ្គងពីចាស់ទុំ។ ចំណែកពួកបុរសវិញ បើមានសត្វ<br />ចិញ្ចឹមកាន់តែច្រើន នឹងអាចយកប្រពន្ធបានកាន់តែច្រើន។</p>
<p style="text-align: center;"><a class="thickbox" title="" href="/FileManager/Commons/2015/6/30/massai1-30-06-2015--11-03-08.jpg"><img src="/FileManager/Articles/mce/2015/6/30/massai1-30-06-2015--11-03-08.jpg" alt="" /></a></p>
<p>កុលសម្ព័ន្ធ Maasai រស់នៅលើតំបន់វាលស្មៅដ៏ធំមួយ ជុំវិញជ្រលងភ្នំ Great Rift នៅប្រទេស <br />កេនយ៉ា។ នៅក្នុងតំបន់នេះ មានអាកាសធាតុល្អ ដីមានជីជាតិ ហើយស្មៅ និងរុក្ខជាតិក៏លូត<br />លាស់យ៉ាងខៀវខ្ចី ដូច្នេះ វាជាកន្លែងដ៏ទាក់ទាញសម្រាប់សត្វស៊ីស្មៅជាអាហារ។</p>
<p>ជនជាតិនេះ រស់នៅដោយប្រមូលផ្ដុំគ្នាជាភូមិ ហើយផ្ទះរបស់ពួកគេ មានលក្ខណៈតូចល្មម ធ្វើ<br />អំពីលាមកគោក្របី បូកទៅលើរុក្ខជាតិ ដោយយល់ថា លាមកគោនឹងជួយដេញសត្វចង្រៃមិន<br />ឱ្យចូលមកបៀតបៀន។</p>
<p style="text-align: center;"><a class="thickbox" title="" href="/FileManager/Commons/2015/6/30/massai2-30-06-2015--11-04-48.jpg"><img src="/FileManager/Articles/mce/2015/6/30/massai2-30-06-2015--11-04-48.jpg" alt="" /></a></p>
<p>កុលសម្ព័ន្ធ Maasai មានទម្លាប់ផឹកឈាមស្រស់ នៅពេលពួកគេសម្លាប់សត្វ។ ពួកគេជឿថា <br />ឈាមស្រស់គឺជារបស់ប៉ូវ ដូច្នេះ អ្នកដែលបានផឹកឈាមស្រស់ច្រើន គឺជាអ្នកក្លាហាន។</p>
<p>បុរសក្នុងកុលសម្ព័ន្ធនេះ តែងខ្វះធ្មេញលើ ពីមុខ មួយៗដូចគ្នា។ ពេលឈានដល់វ័យកម្លោះ<br /> បណ្ដាបុរសត្រូវបានហៅឱ្យទៅជុំគ្នា នៅវាលធំ ហើយមេកុលសម្ព័ន្ធនឹងដកធ្មេញកម្លោះទាំង<br />នោះដោយផ្ទាល់ដៃ។ នេះត្រូវបានចាត់ទុកថា ជាពិធីបុណ្យបំពេញវ័យដ៏សំខាន់មួយ។ ក្រោយ<br />ពីបានកាច់ធ្មេញ កម្លោះទាំងនោះចាប់ផ្ដើមមានសិទ្ធិសម្រេចជោគវាសនារបស់ខ្លួន។ បើសិន<br />បុរសណាម្នាក់ មិនទាន់កាច់ធ្មេញ ចេះត្រចៀក ពួកគេនឹងត្រូវបានគេចាត់ទុកថា មិនទាន់ពេញ<br />វ័យ ហើយស្រីៗក៏នឹងមិនយកភ្នែកមើលនោះដែរ។</p>
<p style="text-align: center;"><a class="thickbox" title="" href="/FileManager/Commons/2015/6/30/massai1jpgc-30-06-2015--11-05-53.jpg"><img src="/FileManager/Articles/mce/2015/6/30/massai1jpgc-30-06-2015--11-05-53.jpg" alt="" /></a></p>
<p>រីឯស្រីភេទវិញ ពួកគេតែងតែកោរសក់្យត្រងោល និងពាក់គ្រឿងអលង្ការច្រើនប្រភេទដែល<br />មានចម្រុះពណ៌។ គ្រឿងអលង្ការនៅលើរាងកាយ នឹងប្រាប់អ្នកអំពីអាយុ និងថ្នាក់ ឬងាររបស់<br />ស្ដ្រីម្នាក់ នៅក្នុងគ្រួសារ។ អាយុដែលត្រូវយកប្ដីរបស់ស្ដ្រីជនជាតិនេះ គឺចាប់ពី ១៣ ដល់ <br />១៦ឆ្នាំ។</p>
<p>កុលសម្ព័ន្ធ Maasai នៅតែរក្សាទម្លាប់យកប្រពន្ធច្រើន។ បុរសម្នាក់អាចយកប្រពន្ធយ៉ាងច្រើន<br />តាមចិត្ត ឱ្យតែមានសត្វចិញ្ចឹមច្រើន។ សត្វចិញ្ចឹមគឺជាជំនូនសម្រាប់អាពាហ៍ពិពាហ៍របស់<br />ពួកគេ។</p>
<p style="text-align: center;"><a class="thickbox" title="" href="/FileManager/Commons/2015/6/30/massai1jpgajpgl-30-06-2015--11-04-03.jpg"><img src="/FileManager/Articles/mce/2015/6/30/massai1jpgajpgl-30-06-2015--11-04-03.jpg" alt="" /></a></p>
<p>ពិធីរៀបការរបស់ពួកគេ ត្រូវបានធ្វើឡើងដូចទៅនឹងពិធីបុណ្យធំ។ មនុស្សទាំងអស់ក្នុងភូមិ ត្រូវបានអញ្ជើញឱ្យមកចូលរួមពិធីជប់លៀងថ្ងៃអាពាហ៍ពិពាហ៍។</p>
<p>ក្រោយពីរៀបការ និងមុនពេលទៅផ្ទះខាងប្ដី កូនក្រមុំតែងត្រូវបានចាស់ទុំ ដាក់ដើមស្មៅខ្ចីមួយ<br />ដើម នៅពីមុខដើមទ្រូង ដែលតំណាងឱ្យសុភមង្គល និងស្រស់ស្រាយ។ ក្នុងពិធីរៀបការ <br />បុរសជាឪពុកបង្កើត នឹងស្ដោះទឹកមាត់លើក្បាលកូនស្រីខ្លួន ជំនួសឱ្យពាក្យជូនពរ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ travelplusstyle</p>