<p><strong>សិង្ហបុរី ៖ និស្សិតនៃសកលវិទ្យាល័យជាតិសិង្ហបុរីម្នាក់ដែលមានវ័យ ២៥ ឆ្នាំ ត្រូវបាន<br />រក</strong><strong>ឃើញថា បានដេកស្លាប់នៅក្បែរតុកុំព្យូទ័ររបស់គេ បន្ទាប់ពីបានលេងហ្គេមកុំព្យូទ័រ<br />ពេញ</strong><strong>មួយយប់ នេះបើតាមរបាយការណ៍ Shin Min Daily កាលពីម្សិលមិញ។</strong></p>
<p><strong><a class="thickbox" title="" href="/FileManager/Commons/2012/7/10/mainpic16-10-07-2012--10-15-05.jpg"><img src="/FileManager/Articles/mce/2012/7/10/mainpic16-10-07-2012--10-15-05.jpg" alt="" width="482" height="312" /></a><br /></strong></p>
<p> <span style="color: #3366ff;"> រូបថតនិស្សិតវ័យ 25 ឆ្នាំដែលបានស្លាប់ (ឆ្វេង) និង រូបថតបុរសជាឪពុក (ស្តាំ)</span></p>
<p>និស្សិតឆ្នាំទី ៣ រូបនេះមានឈ្មោះថា Xu Kaixiang ហើយសាកសពរបស់គេត្រូវបានគេរកឃើញ<br />ដេកស្លាប់ស្តូកស្តឹងនៅក្បែរកុំព្យូទ័ររបស់គេ ស្របពេលដែលវានៅបើកនៅឡើយ ។ ក្រោយពី<br />បានធ្វើកិច្ចសម្ភាសន៏ ជាមួយឪពុករបស់បុរសម្នាក់នេះ បានអោយដឹងថា កូនប្រុសរបស់គាត់<br />ញៀនលេងហេ្គមកុំព្យូទ័រ ដោយមិនខ្វល់ពីការសិក្សា ក្នុងអំឡុងពេលឈប់សំរាក ពីការសិក្សា <br />ហើយមានពេលខ្លះ កូនរបស់គាត់បានចំណាយពេលដល់ទៅពេញមួយយប់ក្នុងការលេងហេ្គម<br />កុំព្យូទ័រនេះ។</p>
<p>គួរបញ្ជាក់ផងដែរថា នៅថ្ងៃដែលនិស្សិតរូបនេះបានស្លាប់ ដំបូងឪពុកម្តាយរបស់គាត់ បានឡើង<br />ទៅដាស់នៅឯជាន់ខាងលើ លុះពេលទៅដល់ ពួកគាត់បានឃើញកូនរបស់គាត់ដេកនៅលើឥដ្ឋ<br />ខណៈ ពេលដែលកុំព្យូទ័រនៅបើកនៅឡើយ បន្ទាប់មកពួកគាត់បានព្យាយាមដាស់កូនរបស់ខ្លួន<br />អោយងើបឡើង តែកូនរបស់គាត់មិនមានការឆ្លើយតបអ្វីនោះទេ ស្របពេល ដែលខ្លួនប្រាណ<br />របស់គេត្រជាក់ដូចទឹកកក រំពេចនោះ ពួកគេក៏ប្រញាប់ប្រញាល់បញ្ជូនគេទៅកាន់មន្ទីរពេទ្យ តែ<br />ក្រោយមកត្រូវបានបញ្ជាក់អះអាងថា គេបានស្លាប់បាត់ទៅហើយ។</p>
<p><a class="thickbox" title="" href="/FileManager/Commons/2012/7/10/pic3118-10-07-2012--10-16-46.jpg"><img style="display: block; margin-left: auto; margin-right: auto;" src="/FileManager/Articles/mce/2012/7/10/pic3118-10-07-2012--10-16-46.jpg" alt="" /></a></p>
<p>ទន្ទឹមនឹងការស្លាប់នេះ បើយោងទៅតាមអ្នកជំនាញប្រឹក្សាយោបល់ខាងជម្ងឺបេះដូង គឺលោកវេជ្ជ<br />បណ្ឌិត Yuan Zhixiong បានអោយដឹងថា ករណីនេះវាអាចបណ្តាលមកពី ជម្ងឺបេះដូង ហើយ<br />ខណៈពេលដែលនិស្សិតវ័យ ២៥ ឆ្នាំរូបនេះជារឿយៗបានចំណាយពេលដល់ទៅពេញមួយយប់<br />ក្នុងការលេងហ្គេមកុំព្យូទ័រនោះ វាអាចជាលទ្ធផលដែលអាចអោយគេមានជម្ងឺបេះដូង ពោលគឺ<br />វាអាចកើតទៅបានដោយសារភាពតានតឹង ជាពិសេសនៅពេលដែលស្ថានភាពបេះដូងស្ថិតនៅ<br />ក្នុងសភាពរន្ធត់ នោះវាគឺជាមូលហេតុដែលអាចនាំអោយកើតមានជម្ងឺបេះដូង ហើយឈានទៅ<br />ដល់ការបាត់បង់ជីវិតតែម្តង៕</p>
<p style="text-align: right;">ដោយ ៖ រិទ្ធី<br />ប្រភព ៖ yourhealth</p>