<p><strong>កូរ៉េ៖</strong> នាង Hwayoung ដែលជាអតីតសមាជិក ក្នុងក្រុមតារាចម្រៀងស្រី T-ara ថ្មីៗនេះ បានជួបគ្រោះថ្នាក់ចរាចរណ៍ ។</p>
<p>អ្នកតំណាងរបស់ Hwayoung បានប្រាប់ថា “កាលពីថ្ងៃទី ២ កុម្ភៈ ម្សិលមិញនេះថា Hwayoung បានជិះឡានជាមួយមិត្តភក្តិរបស់នាង។ ខណៈពេលដែលឡានឈប់ ស្រាប់តែមានឡានមួយគ្រឿងទៀត មកបុកពីក្រោយឡានរបស់នាងតែម្តង។ ប៉ុន្តែសំណាងល្អ នាងពុំមានរងរបូសធ្ងន់ធ្ងរនោះទេ”។</p>
<p>អ្នកតំណាងរបស់ Hwayoung បានបន្តថា “បន្ទាប់ពីពិនិត្យនៅមន្ទីរពេទ្យរួច Hwayoung ក៏បានត្រឡប់ផ្ទះវិញ។ ប៉ុន្តែថ្ងៃទី៣ កុម្ភៈ នាងបានទៅពិនិត្យម្តងទៀត តាមបញ្ជារបស់គ្រូពេទ្យ។ គ្រូពេទ្យបានប្រាប់ឲ្យនាងសំរាក រហូតទាល់តែជាសះស្បើយសិន”៕</p>
<p><a class="thickbox" title="" href="/FileManager/Commons/2014/2/4/piseth-015-04-02-2014--08-50-01.jpg"><img src="/FileManager/Articles/mce/2014/2/4/piseth-015-04-02-2014--08-50-01.jpg" alt="" /></a></p>
<p style="text-align: right;">ផ្តល់សិទ្ធដោយ ៖ ដើមអម្ពិល</p>