<p><strong>ភ្នំពេញៈ</strong> នាពេលកន្លងមក បានលេចឮព័ត៌មាន ជារឿយៗ ថាតារាសម្តែង និងជាពិធីការិនី ក្នុង<br />កម្មវិធី “តន្ត្រីលើទឹក” កញ្ញា សារ៉ាយ សក្ខណា តែងតែមានការដួលសន្លប់ ជាញឹកញាប់នៅពេល<br /> ដែលនាងចេញថត ដោយសារតែនាង មានបញ្ហាសុខភាព ទើបធ្វើឲ្យនាងឧស្សាហ៍ ដួលសន្លប់<br />បែបនេះ។</p>
<p>ទាក់ទងទៅនឹងបញ្ហានេះដែរ ត្រូវបានម្ចាស់សាម៉ីខ្លួនកញ្ញា សារាយ សក្ខណា បានប្រាប់ Looking<br /> TODAY ឲ្យដឹងនៅល្ងាចថ្ងៃទី២០ ខែធ្នូ ឆ្នាំ២០១២នេះថា ចំពោះការដែលលេចឮព័ត៌ មានថានាង<br />ដួលសន្លប់នោះ គឺមុនពេលនាងរៀបចំ ខ្លួនចេញទៅថតរឿង “ស្នេហាក្លែងក្លាយ” តែមិនបានទៅ<br />សន្លប់នៅ កន្លែងថតដូចគេនិយាយទេ ហើយការសន្លប់នេះ ក៏មិនមែន ដោយសារតែនាង មាន<br />បញ្ហាសុខភាពដែរ។</p>
<p>តារាបង្ហាញម៉ូដដែលកំពុងតែ មានឈ្មោះបោះសំឡេងខ្លាំង និងកំពុងតែគ្រងតំណែង ជាតួឯកស្រី<br />បន្តបន្ទាប់ សក្ខណា បានប្រាប់ឲ្យដឹង លាយឡំសំណើចថា “ខ្ញុំមិនប្រកែកទេបង... ចំពោះពាក្យ<br />ចចាមអារ៉ាមនោះ គឺខ្ញុំពិតជាបានដួលសន្លប់ម្តងមែន ។ដោយសារតែខ្ញុំមានការហត់នឿយ បូករួម<br />ជាមួយអារម្មណ៍មិនសូវល្អផងក៏ដួលសន្លប់ ដោយមិនដឹងខ្លួន ។ តែខ្ញុំបានទៅពិនិត្យសុខភាពហើយ<br />ពេទ្យប្រាប់ថាអត់ មានបញ្ហាអីទេ មកពីសុខភាពខ្ញុំខ្សោយ ដោយសារតែមិនសូវមានពេល សម្រាក<br />គ្រប់គ្រាន់ហត់នឿយពេក តែប៉ុណ្ណឹងអត់មានអីធំដុំទេ”។</p>
<p>ពិធីការិនីសម្បុរស្រអែមស្រស់ មានស្នាមញញឹម និងទម្រង់មុខស្រទន់ មានមន្តស្នេហ៍រូបនេះ បាន<br />ប្រាប់ឲ្យដឹងទៀតថា នាងទទួលស្គាល់ថា បច្ចុប្បន្ន គឺនាងសម្រុកការងារច្រើន បន្តកន្ទុយ គ្នារហូត<br />គ្មានពេលសម្រាកទេ ពេលខ្លះក្នុងមួយថ្ងៃ ត្រូវចេញទៅថត២ ទៅ៣កន្លែង ជាប់ៗគ្នា តាមការពិត <br />នាងក៏មាន ការហត់នឿយចង់ រកពេលសម្រាកដែរ ។តែត្រូវសម្រុកថតរឿងផង ថតស្ពតពាណិជ្ជ<br />កម្មផង ពិធីការិនី ឲ្យខាងស្ថានីយទូរទស្សន៍ផង និងពិធីការិនីនៅតាមកម្មវិធី ខាងក្រៅផង រកពេល<br />ដកឃ្លាមិនរួច ទាល់តែសោះ ទើបចេះតែកើតអាការដួល សន្លប់ញឹកញាប់បែបនេះ៕</p>
<p><a class="thickbox" title="" href="/FileManager/Commons/2012/12/21/s0464-21-12-2012--11-40-57.jpg"><img src="/FileManager/Articles/mce/2012/12/21/s0464-21-12-2012--11-40-57.jpg" alt="" /></a></p>
<p><a class="thickbox" title="" href="/FileManager/Commons/2012/12/21/s0465-21-12-2012--11-41-13.jpg"><img src="/FileManager/Articles/mce/2012/12/21/s0465-21-12-2012--11-41-13.jpg" alt="" /></a></p>
<p><a class="thickbox" title="" href="/FileManager/Commons/2012/12/21/s0465-21-12-2012--11-41-13.jpg"></a><a class="thickbox" title="" href="/FileManager/Commons/2012/12/21/s0467-21-12-2012--11-41-30.jpg"><img src="/FileManager/Articles/mce/2012/12/21/s0467-21-12-2012--11-41-30.jpg" alt="" /></a></p>
<p style="text-align: right;">ដោយ៖ lookingtoday<br />ផ្តល់សិទ្ធិដោយ៖ <span style="color: #0000ff;"><a href="http://lookingtoday.com/entertainment-general-news/12169-2012-12-20-10-28-19.html"><span style="color: #0000ff;">ដើមអំពិល</span></a></span></p>