<div class="article-content">
<div class="summary">
<p>ជាមួយនឹងអេក្រង់ទំហំឡើងដល់ 4,8 inch, iPhone 6 នឹងមានអេក្រង់ជិតស្មើជាមួយនឹង បណ្តា ផលិតផលលំដាប់កំពូលដែលប្រើ Android ហើយ ជាទូទៅមានទំហំនៅចាប់ពី 5 ដល់ 5,2 inch។</p>
</div>
<div class="content">
<p>ថ្មីៗនេះ អ្នកវិភាគ Timothy Arcuri របស់ Cowen & Company ស្រាប់តែធ្វើការកំណត់បញ្ជាក់មួយ ដូចជាច្បាស់យ៉ាងខ្លាំង ដោយបានឲ្យដឹងថា Apple បានសម្រេចចិត្តជ្រើសរើសយក ទំហំអេក្រង់ សម្រាប់ iPhone ជំនាន់ថ្មីហើយ។ ឧបករណ៍នេះ នឹងមានប្រើប្រាស់អេក្រង់ទំហំ 4,8 inch ពេលវា បង្ហាញខ្លួនជាផ្លូវការ។</p>
<p><a class="thickbox" title="" href="/FileManager/Commons/2014/1/23/iphone6-23-01-2014--11-17-02.jpg"><img src="/FileManager/Articles/mce/2014/1/23/iphone6-23-01-2014--11-17-02.jpg" alt="" /></a></p>
<p>បើតាម GSMArena, ព័ត៌មានខាងលើត្រូវបានចចាមអារាម លេចឮចេញមកក្រៅ ពីកន្លែងផ្គត់ផ្គង់ ឧបករណ៍គ្រឿងផ្សំដល់ Apple។ ក្រៅតែពីមានអេក្រង់ធំ iPhone ជំនាន់ថ្មី នឹងមាន Support នូវ Wi-Fi 802.11ac រួមជាមួយនឹងការធ្វើកំណែឲ្យកាន់តែប្រសើរឡើងស្តីពី Softwares នៅក្នុងវើហ្សិន iOS បន្ទាប់។</p>
<p>ព័ត៌មានស្តីពីរឿងដែល Apple បង្ហាញនូវគំរូ iPhone អេក្រង់ធំជាងមុន គឺបានលេចឮជាយូរមក ហើយ។ ក្រៅតែពី iPhone 6, Apple ត្រូវបានគេឲ្យដឹងថា នឹងបង្ហាញនូវគំរូ iPhablet មួយទៀត ដែលមានបំពាក់អេក្រង់ដល់ទៅ 5,7 inch។</p>
<p>បើតាមទម្លាប់ Apple នឹងធ្វើការប្រកាសបង្ហាញ iPhone ថ្មីនៅក្នុងខែ កញ្ញា ជារៀងរាល់ឆ្នាំ។ ជាក់ស្តែង តាមរបាយការណ៍ថ្មីមួយ (ចចាមអារាម) បានបញ្ជាក់ថា Apple នឹងធ្វើការជុំរុញល្បឿន ពេលវេលា នៃការបង្ហាញផលិតផលថ្មី មកនៅក្នុងខែមិថុនា ខាងមុខនេះវិញ៕</p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>
</div>