<p>ចោរប្លន់ម្នាក់ ជាជនជាតិអាមេរិក បានគេចខ្លួនបាត់ស្រមោល ជាមួយនឹងប្រាក់ជាង ១០០០<br />ដុល្លារអាមេរិក ក្រោយពីបានអង្គុយរទេះរុញសម្រាប់ជនពិការជើង ទៅប្លន់ធនាគារ។</p>
<p>កាមេរ៉ាសុវត្ថិភាព បានបង្ហាញថា ជនល្មើសជាបុរសវ័យក្មេង អាយុប្រហែល ជាងម្ភៃឆ្នាំនេះ បានធ្វើដំណើរតាមរទេះសម្រាប់ជនពិការជើង មកកាន់ធនាគារ Santander នៅវេលាម៉ោង<br />ប្រមាណជា ២រសៀល។</p>
<p style="text-align: center;"><a class="thickbox" title="" href="/FileManager/Commons/2015/7/2/thief-02-07-2015--15-16-37.jpg"><img src="/FileManager/Articles/mce/2015/7/2/thief-02-07-2015--15-16-37.jpg" alt="" /></a></p>
<p style="text-align: center;">រូបដែលគេថតចេញពីកាមេរ៉ាសុវត្ថិភាពរបស់ធនាគារ<br /><br /></p>
<p>មកដល់ភ្លាម ជនល្មើស បានហុចក្រដាស់មួយសម្លឹកទៅឱ្យបុគ្គលិកធនាគារ រួចក៏ទទួលបាន<br />ប្រាក់ ១២០០ដុល្លារ។ នគរបាលឱ្យដឹងថា ជនល្មើសបានគំរាមថា ខ្លួនមានកាំភ្លើង ប៉ុន្តែជាក់<br />ស្តែង គេមិនឃើញជននេះដកកាំភ្លើងចេញគំរាមនោះទេ នៅក្នុងពេលប្លន់។</p>
<p>ការគេចខ្លួនបានសម្រេចរបស់ជនល្មើសនេះ មើលទៅងាយស្រួលរហូតដល់នឹកស្មានមិនដល់ បើទោះត្រូវឆ្លងកាត់កន្លែងជាច្រើនក្នុងធនាគារ មុននឹងចេញផុតពីទ្វារ។ ប៉ុន្តែ ដោយសារមាន<br />កង់រទេះ ជននេះបានគេចខ្លួនក្នុងល្បឿនយ៉ាងលឿន សូម្បីតែនគរបាលដែលមានជំនួយពី<br />កម្លាំងឧទ្ធម្ភាគចក្រក៏មិនអាចតាមទាន់។</p>
<p style="text-align: left;">បច្ចុប្បន្ន សមត្ថកិច្ចកំពុងស៊ើបអង្កេតដើម្បីឱ្យដឹងថា តើចោរម្នាក់នេះ មានអ្នកសមគំនិតនៅ<br />ខាងក្នុងធនាគារដែរ ឬយ៉ាងណា។</p>
<p style="text-align: center;"><a class="thickbox" title="" href="/FileManager/Commons/2015/7/2/wheel30n-2-web-02-07-2015--15-19-56.jpg"><img src="/FileManager/Articles/mce/2015/7/2/wheel30n-2-web-02-07-2015--15-19-56.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2015/7/2/wheel30n-2-web-02-07-2015--15-19-56.jpg"></a>ធនាគារ Santander<br /><br /></p>
<p>អ្នកនាំពាក្យខាងធនារគារ បានប្រាប់ឱ្យដឹងថា "យើងខ្ញុំត្រេកអរ ព្រោះថា មិនមានអតិថិជន ឬ<br />បុគ្គលិកណាម្នាក់ រងរបួសក្នុងករណីនេះ។ យើងខ្ញុំមិនទាន់ហ៊ានអះអាងបែបណានោះទេ ដោយ<br />សារការស៊ើបអង្កេត កំពុងត្រូវបានធ្វើឡើង"៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ NYPost</p>