<p><strong>ព័ត៌មានអន្តរជាតិ ៖</strong> បើតាមការអោយដឹងពីទំព័រសារព័ត៌មានបរទេស ដែលទើបតែបាន<br />ចេញផ្សាយនាវេលាព្រឹកនេះ បានបញ្ជាក់អោយដឹងថា យ៉ាងហោចណាស់ មនុស្ស ២៤ នាក់<br />ត្រូវបានរកអោយឃើញថា បានស្លាប់បាត់បង់ជីវិត បន្ទាប់ពីមានការរលំបាក់អាគារមួយកន្លែង<br />នៅក្នុងប្រទេសអេហ្ស៊ីប។</p>
<p><a class="thickbox" title="" href="/FileManager/Commons/2013/1/17/egypt-collapse2453608b-17-01-2013--11-19-00.jpg"><img src="/FileManager/Articles/mce/2013/1/17/egypt-collapse2453608b-17-01-2013--11-19-00.jpg" alt="" width="471" height="293" /></a></p>
<p>លើសពីនេះទៅទៀត ប្រភពដដែលបានបន្ថែមថា អ្នកទទួលខុសត្រូវម្នាក់នៃប៉ូលិសអេហ្ស៊ីប<br />រាយការណ៍ថា មនុស្សយ៉ាងតិច២៤នាក់ ស្លាប់ហើយជាច្រើននាក់ត្រូវរបួស ក្នុងការបាក់អគារ<br />មួយកាលពីព្រឹកថ្ងៃទី១៦ មករា នៅភាគកណ្តាលទីក្រុងអាឡិចសាន់ឌ្រីរបស់អេហ្ស៊ីប ។</p>
<p>គួររំឭកផងដែរថា ពួកអ្នកជួយសង្គ្រោះខិតខំកាយគំនរបាក់បែកនៃអគារស្នាក់នៅ នោះតាមរក<br />អ្នកដែលអាចនៅរស់រានមានជីវិត និងសាកសពមនុស្ស ។ការស៊ើបអង្កេតមួយត្រូវបានបើកធ្វើ<br />ដើម្បីកំណត់ពីមូលហេតុ នៃការបាក់អគារកម្ពស់៥ជាន់មួយនេះ ៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ dnaindia</p>