<p>កាលពីឆ្នាំ ១៩៩៩ មានរឿងមួយ បានផុសចេញឡើង ក្នុងពិភព ហូលីវូដដែល ទទួលបានការគាំទ្រ និងកោតសរសើរ ជាខ្លាំងដែលរឿង មានឈ្មោះថា The Matrix ។ The Matrix គឺជារឿង បែបបាញ់ ប្រហារ វាយតប់កាប់ចាក់ ដោយប្រើវិជ្ជាគុន ហើយបូកផ្សំ ជាមួយនិង វិទ្យាសាស្ត្រទៀត ធ្វើអោយ ផ្ទៃរឿង ពិតជាមាន ភាពខុសប្លែក ពីរឿងដទៃៗ ។</p>
<p><img src="http://kenh14.vcmedia.vn/k:thumb_w/600/QuickNewsK14/4071215/2014/03/img_20140302074949432/bo-ba-phim-ma-tran-sap-tai-ngo-khan-gia.jpg" alt="Bộ ba phim "Ma trận" sắp tái ngộ khán giả 1" /><br /><br />ឥលូវនេះ Camnews មានដំណឹងល្អ មួយសំរាប់ ទស្សនិកជន ដែលចូលចិត្តរឿង The Matrix គឺថា អ្នកដឹកនាំរឿង ២ នាក់បងប្អូន ដ៏ល្បីត្រកូល Wachowski បានប្រកាស អំពីការថតរឿង The Matrix វគ្គ ៤ ហើយ ។ បើតាមប្រភព ព័ត៌មាន បានអោយដឹង បងប្អូន Wachowski បានចាប់ផ្តើម ប្រមូល ផ្តុំសាច់រឿង ពីវគ្គមួយ ដល់វគ្គ ៣ ចូលគ្នាហើយ ក៏បានសរសេរ សាច់រឿងត្រួសៗ ដាក់អោយក្រុម ហ៊ុន Warner Bros មើលរួចហើយដែរ ។ យើងមិនទាន់ ដឹងថា សាច់រឿងថ្មី The Matrix 4 នេះគឺជា សាច់រឿងបន្ត ពីភាគមុនៗ រឺក៏ជាសាច់ រឿងថ្មីនោះទេ ។ យើងក៏មិនបាន ដឹងដែរថា តារាសំដែង Keanu Reeves នឹងសំដែង ជាតួឯកម្តងទៀត ឬយ៉ាងណានោះទេ ។ ឥលូវនេះ យើងមានតែពាក្យ ចចាមអារ៉ាម ខ្លះៗថារឿង នេះនឹងដាក់បញ្ចាំង ក្នុងឆ្នាំ ២០១៧ ជាមួយនិងរឿង Avatar 3 ។</p>
<p><img src="http://kenh14.vcmedia.vn/k:QuickNewsK14/4071215/2014/03/img_201403020749536752/bo-ba-phim-ma-tran-sap-tai-ngo-khan-gia.jpg" alt="Bộ ba phim "Ma trận" sắp tái ngộ khán giả 2" /><br /><br />គួរបញ្ជាក់ផងដែរថា The Matrix ចេញដំបូង បំផុតនៅឆ្នាំ ១៩៩៩ ហើយវគ្គ២ The Matrix: Reload នៅក្នុងខែ ឧសភា ២០០៣ ហើយបន្តទៅវគ្គ ៣ នៅខែតុលា ឆ្នាំ ២០០៣ ដដែល ដែលបានទទួល ប្រាក់ចំនូល ដល់ទៅរាប់ពាន់ លានដុល្លារ ៕ </p>
<p><img src="http://kenh14.vcmedia.vn/k:thumb_w/600/QuickNewsK14/4071215/2014/03/img_201403020933005122/bo-ba-phim-ma-tran-sap-tai-ngo-khan-gia.jpg" alt="Bộ ba phim "Ma trận" sắp tái ngộ khán giả 5" /></p>
<p> </p>
<p style="text-align: right;">ប្រែសម្រួល ៖ លីលី<br />ប្រភព ៖ k14 </p>