<p>បុរសជនជាតិអូស្ដ្រាលី បានរៀបគម្រោងនឹងជួបជុំមិត្តភ័ក្ដិជាង ១.០០០ នាក់ក្នុង Facebook <br />ដើម្បីញ៉ាំកាហ្វេ។</p>
<p style="text-align: center;"><a class="thickbox" title="" href="/FileManager/Commons/2014/10/12/f1-12-10-2014--16-17-05.jpg"><img src="/FileManager/Articles/mce/2014/10/12/f1-12-10-2014--16-17-05.jpg" alt="" /></a></p>
<p>ចាប់ពីខែមុន Kulesza បានចាប់ផ្ដើមអនុវត្តគម្រោង “1000+ Coffee” របស់ខ្លួន។ Kulesza បាន<br />សេសេរថា ៖ “ខ្ញុំបានរៀបចំគម្រោងដើម្បីអាចញ៉ាំកាហ្វេជាមួយនឹងមិត្តភ័ក្ដិ Facebook ម្ដងម្នាក់<br /> ក្នុងចំណោម ជាង ១.០០០នាក់ ក្នុងរយៈពែលប្រហែល ៣ឆ្នាំ ឬរហូតដល់គម្រោងបានសម្រេច<br />ជាស្ថាពរ”។</p>
<p style="text-align: center;"><a class="thickbox" title="" href="/FileManager/Commons/2014/10/12/f5-12-10-2014--16-24-23.jpg"><img src="/FileManager/Articles/mce/2014/10/12/f5-12-10-2014--16-24-23.jpg" alt="" /></a></p>
<p>Kulesza អាយុ ២៨ឆ្នាំ ឱ្យដឹងថា ៖ “ជាការពិត ខ្ញុំមិនមានមិត្តភ័ក្ដិដល់ទៅជាង ១.០០០នាក់ នៅ<br />ក្នុងជីវិតប្រចាំថ្ងៃនោះទេ។ ប្រការសំខាន់ក្នុងគម្រោងនេះ គឺដើម្បីដឹងថា មិត្តក្នុង Facebook គឺ<br />ជាអ្នកណា និងដើម្បីរាប់អានពួកគេ”។</p>
<p style="text-align: center;"><a class="thickbox" title="" href="/FileManager/Commons/2014/10/12/f2-12-10-2014--16-19-57.jpg"><img src="/FileManager/Articles/mce/2014/10/12/f2-12-10-2014--16-19-57.jpg" alt="" /></a></p>
<p>រហូតមកដល់ពេល Kulesza បានជួបមុខ និងហូបកាហ្វេជាមួយនឹងមនុស្សចំនួន ២៩នាក់ ក្នុង<br />ចំណោម ១០៨៨ នៅលើ Facebook របស់គាត់។ Kulesza ថ្លែងថា ៖ “ខ្ញុំពិតជាសប្បាយរីករាយ<br />ខ្លាំងណាស់ នៅពេលបានជួបជុំ និងហូបកាហ្វេជាមួយពួកគេ នៅពេលល្ងាច។ ខ្ញុំបានជួបមិត្ត<br />ភ័ក្ដិចាស់ កាលពីជំនាន់រៀននៅមធ្យមសិក្សា នោះគឺ Balraj Sokhi ជាមិត្តភ័ក្ដិម្នាក់ ដែលខ្ញុំមិន<br />ធ្លាប់បានជួប ក្នុងអំឡុងពេល ១០ឆ្នាំមកនេះ។</p>
<p><a class="thickbox" title="" href="/FileManager/Commons/2014/10/12/f4-12-10-2014--16-23-37.jpg"><img style="display: block; margin-left: auto; margin-right: auto;" src="/FileManager/Articles/mce/2014/10/12/f4-12-10-2014--16-23-37.jpg" alt="" /></a></p>
<p>"ប្រការដែលខ្ញុំបានដឹង គឺថា Balraj Sokhi បានប្ដូរផ្លាស់សម្លេងនិយាយ។ កាលពីនៅរៀន <br />Balraj Sokhi បញ្ចេញសម្លេង បែប ជនជាតិ កេនយ៉ា និងឥណ្ឌា ប៉ុន្ដែ ពេលនេះ សម្លេងរបស់<br />គាត់ គឺដូចទៅនឹងជនជាតិអូស្ដ្រាលីទាំងស្រុង។ ដោយសារតែមានជីវភាពល្អ មិនមានល្បែង<br />ស្រា ស្រី និងថែមទាំងមានខ្សែក្រវាត់ខ្មៅនៃក្បាច់គុន Taekwondo ផងនោះ គាត់មើលទៅមាំ<br />មួនជាងមុន”។</p>
<p style="text-align: center;"><a class="thickbox" title="" href="/FileManager/Commons/2014/10/12/f7-12-10-2014--16-24-58.jpg"><img src="/FileManager/Articles/mce/2014/10/12/f7-12-10-2014--16-24-58.jpg" alt="" /></a></p>
<p>Kulesza បញ្ជាក់ថា គាត់បានដាក់គោលដៅ ហូបកាហ្វេជាមួយមិត្តក្នុង Facebook ឱ្យបាន ៥<br />នាក់ ក្នុងមួយសប្ដាហ៍។ ដូច្នេះ គម្រោងរបស់គាត់ នឹងសម្រេចជាស្ថាពរ នៅចុងឆ្នាំ ២០១៨។<br /> Kulesza បន្ដថា ៖ “ខ្ញុំមិនចាត់ទុកគម្រោងនេះ ជាភារកិច្ចនោះទេ។ ប៉ុន្ដែ ខ្ញុំចូលចិត្តជួបជុំមិត្ត<br />ភ័ក្ដិ”។</p>
<p style="text-align: center;"><a class="thickbox" title="" href="/FileManager/Commons/2014/10/12/f3-12-10-2014--16-18-00.jpg"><img src="/FileManager/Articles/mce/2014/10/12/f3-12-10-2014--16-18-00.jpg" alt="" /></a></p>
<p>គម្រោងរបស់ Kulesza នេះ បាននាំសំណាងល្អដល់គាត់។ Kulesza ទទួលបានការងារក្រៅ<br />ម៉ោងមួយ ដោយសារមិត្តម្នាក់ក្នុងចំណោម មិត្ត Facebook ដែលគាត់បានជួប។ Kulesza ប្រាប់<br />ថា ៖ “ខ្ញុំបានស្គាល់ “មេ” ថ្មីរបស់ខ្លួន ក្នុងប៉ុន្មានឆ្នាំមកនេះ តាមរយៈ Facebook ។ គាត់កំពុងតែ<br />ស្វែងរកបុគ្គលិកធ្វើការក្រៅម៉ោង ហើយខ្ញុំក៏មានការងារមួយបន្ថែមទៀត”។</p>
<p>ដើម្បីជ្រាបច្បាស់ ឬក៏តាមដានសកម្មភាពនៃគម្រោងរបស់ Kulesza អ្នកអាចចូលទៅកាន់ទំព័រ<br />Facebook <span style="color: #0000ff;"><a href="https://www.facebook.com/1000pluscoffees" target="_blank"><span style="color: #0000ff;">https://www.facebook.com/1000pluscoffees</span></a></span> ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Yahoo/Facebook</p>