<div class="summary">
<p>Nokia ធ្លាប់មានបំណង ធ្វើការរចនាម៉ូត interface អ្នកប្រើ Android ដោយឡែក នៅលើឧបករណ៍ Asha ថ្មីមួយ។ តាមរយះ "គម្រោង N", Nokia បានរៀបចំផែនការបង្កើត និងអភិវឌ្ឍ ស៊េរីទូរស័ព្ទ Android ក្រោមស្លាកយីហោ Asha ។ "គម្រោង N" នេះត្រូវបានផ្តល់ឲ្យ Egil Kvaleberg និងមិត្តៗ រួមការងាររបស់លោក។ Peter Skillman នឹងទទួលភារកិច្ចលើ interface អ្នកប្រើប្រាស់។ នេះគឺជា ក្រុមមួយដែលធ្លាប់ទទួលភារកិច្ចអភិវឌ្ឍ និងពិនិត្យអង្កេត Asha 501។</p>
</div>
<div class="content">
<p>បន្ទាប់ពីបង្កើតបានហើយ ក្រុមនេះនឹងធ្វើការងារជាមួយនឹងឧបករណ៍ថ្មីមួយរបស់ស៊េរី Asha, ហើយ Nokia ចាប់ផ្តើមនឹកគិតដល់ ការជ្រើសរើសនូវប្រព័ន្ធប្រតិបត្តិការ ដ៏សក្តិសមមួយដល់វា។ Android គឺជាគម្រោងមួយ ក្នុងចំណោមគម្រោងមួយចំនួនទៀត ដែលត្រូវបានដាក់ចេញមក។ ជាក់ស្តែង ក្រុមហ៊ុននេះ បានបោះបង់ចោលនូវឱកាសប្រើប្រាស់ Android ជាមួយនឹង interface អ្នកប្រើប្រាស់ Swipe នៅឆ្នាំ២០១២។</p>
<p style="text-align: center;"><a class="thickbox" title="" href="/FileManager/Commons/2013/12/28/bcm1rmcyaawo911pnglarge11-28-12-2013--10-05-43.png"><img src="/FileManager/Articles/mce/2013/12/28/bcm1rmcyaawo911pnglarge11-28-12-2013--10-05-43.png" alt="" /></a></p>
<p style="text-align: center;"><em><span style="color: #808080;">ព័ត៌មានស្តីពី Nokia Normandy នៅតែទទួលបានការចាប់អារម្មណ៍ ក្នុងពិភពបច្ចេកវិទ្យា (រូបភាព៖ @evleaks)</span></em></p>
<p>រូបភាពមួយចំនួននៃ Nokia Normandy ដែលត្រូវបានគេចាត់ទុកថាជាឧបករណ៍ Android ដំបូងគេ របស់ Nokia ត្រូវបានលេចចេញចចាមអារាម ជាបន្តបន្ទាប់។ ព័ត៌មានចចាមអារាមជាច្រើន បាន ឲ្យដឹងថា ទូរស័ព្ទនេះ នឹងមានបំពាក់នូវអេក្រង់ទំហំ 4 inch ប្រើស៊ីមពីរ 2 SIM។</p>
<p>អ្នកជំនាញវិភាគបានឲ្យដឹងថា គឺដោយសារតែកិច្ចព្រមព្រៀង នៃការទិញលក់របស់ Microsoft និង Nokia បានធ្វើឲ្យរាំងស្ទះដំណើរការអភិវឌ្ឍ និងការបង្ហាញខ្លួនរបស់ Normandy។ ជាក់ស្តែង ប្រភព ជាច្រើនបានបញ្ជាក់ថា Nokia នឹងនៅតែបង្ហាញខ្លួន ឧបករណ៍នេះ បើទោះជាវានឹងមានផល ប៉ះពាល់ ដល់ការទិញលក់ជាមួយ Microsoft ក៏ដោយ៕</p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>