<p>យោងតាមទំព័រ Seasky នៅក្នុងឆ្នាំ ២០១៥ នឹងមានព្រឹត្តិការណ៍ធម្មជាតិដ៏អស្ចារ្យជាច្រើនកើត<br />ឡើង ក្នុងនោះ ក៏មានបាតុភូតសូរ្យគ្រាសទាំងស្រុង សូរ្យគ្រាសរាងព្រះចន្ទ ឬចន្ទគ្រាសពណ៌<br />ឈាមជាដើមផងដែរ។</p>
<p style="text-align: center;"><a class="thickbox" title="" href="/FileManager/Commons/2014/12/30/lunar-eclipse-30-12-2014--16-47-12.jpg"><img src="/FileManager/Articles/mce/2014/12/30/lunar-eclipse-30-12-2014--16-47-12.jpg" alt="" /></a></p>
<p>ខាងក្រោមនេះ យើងខ្ញុំសូមលើកយកបាតុភូតដែលទាក់ទិននឹងព្រះអាទិត្យ ព្រះចន្ទ និងផែនដី ៖</p>
<p><strong>១. ថ្ងៃទី ២០មិនា ៖ សូរ្យគ្រាសទាំងស្រុង</strong></p>
<p>នេះគឺជាបាតុភូតធម្មជាតិមួយ ដែលគួរឱ្យចាប់អារម្មណ៍ នៅក្នុងឆ្នាំ ២០១៥។ សូរ្យគ្រាសទាំង<br />ស្រុងនេះ កើតឡើងនៅពេលព្រះចន្ទដើរដល់ចំនុចដែលអាចបាំងព្រះអាទិត្យទាំងស្រុង ប៉ុន្ដែ<br /> រស្មីជារង្វង់មូល នៅតែមាន បង្កជាទិដ្ឋភាពស្រស់ត្រកាល គួរចង់ទស្សនា។</p>
<p>បាតុភូតនេះ នឹងចាប់ផ្ដើមពីតំបន់កណ្ដាលសមុទ្រអាត្លង់ទិច ក្រោយមកវានឹងឆ្លងកាត់តំបន់<br /> Greenland រហូតដល់តំបន់ Siberia ភាគខាងជើង។ សូមកុំបោះបង់ឱកាសដែលអាចឱ្យអ្នកបាន<br />ទស្សនាទិដ្ឋភាពសូរ្យគ្រាសទាំងស្រុង ដែលនឹងកើតឡើងនៅថ្ងៃទី ២០មិនា។</p>
<p style="text-align: center;"><a class="thickbox" title="" href="/FileManager/Commons/2014/12/30/lunar-eclipse1-30-12-2014--16-48-46.jpg"><img src="/FileManager/Articles/mce/2014/12/30/lunar-eclipse1-30-12-2014--16-48-46.jpg" alt="" /></a></p>
<p style="text-align: center;">សូរ្យគ្រាស កើតឡើងនៅពេលព្រះចន្ទដើរដល់ចំនុចដែលអាចបាំងព្រះអាទិត្យ មិនឱ្យជះពន្លឺមកផែនដី<br /><br /></p>
<p><strong>២. ថ្ងៃទី ៤មេសា ៖ ចន្ទគ្រាសពណ៌ឈាម</strong></p>
<p>នៅថ្ងៃទី ៤ ខែមេសា ឆ្នាំ ២០១៥ ស្រមោលងងឹតរបស់ផែនដី នឹងគ្របដណ្ដប់ទាំងស្រុង ទៅលើ<br />ព្រះចន្ទ ដែលគេហៅថា ចន្ទគ្រាស ឬរាហុរចាប់ចន្ទ។ ពេលនោះ ព្រះចន្ទនឹងលែងបញ្ចេញពន្លឺ<br />ដូចធម្មតា ប៉ុន្ដែ វាបែរទៅជាពណ៌ក្រហម ដែលនាំឱ្យគេហៅថា បាតុភូត “ព្រះចន្ទឈាម” (Blood<br /> Moon)។</p>
<p>ប្រជាជននៅក្នុងតំបន់អាមរិកខាងជើង អាមេរិកខាងត្បូង អាស៊ីខាងកើត និងអូស្ដ្រាលី នឹងបានទស្សនាទាំងស្រុងនូវបាតុភូតតារាសាស្ដ្រនេះ។</p>
<p><strong>៣. ថ្ងៃទី ១៣ កញ្ញា ៖ សូរ្យគ្រាសរាងព្រះចន្ទ</strong></p>
<p>បាតុភូតនេះ កើតឡើងនៅពេលព្រះចន្ទ ហោះមកបាំងមួយផ្នែករបស់ព្រះអាទិត្យ។ មួយផ្នែក<br />របស់ព្រះអាទិត្យដែលមិនត្រូវបានបាំង នៅតែបញ្ចេញពន្លឺ ប៉ុន្ដែ មានសភាពស្រទន់។ យោង<br />តាមក្រុមអ្នកជំនាញការ គេអាចទស្សនាបានពេញភ្នែកនូវបាតុភូតនេះ នៅក្នុងទ្វីបអាហ្វ្រិក និង<br /> Madagascar ។</p>
<p style="text-align: center;"><a class="thickbox" title="" href="/FileManager/Commons/2014/12/30/lunar-eclipse2-30-12-2014--16-50-46.jpg"><img src="/FileManager/Articles/mce/2014/12/30/lunar-eclipse2-30-12-2014--16-50-46.jpg" alt="" /></a></p>
<p style="text-align: center;">នេះជារូបភាពបង្ហាញពីបាតុភូត ចន្ទគ្រាស ៖ ចន្ទគ្រាសកើតឡើងនៅពេលផែនដីបាំងព្រះអាទិត្យ<br /> មិនឱ្យជះពន្លឺទៅលើព្រះចន្ទ<br /><br /></p>
<p><strong>៤. ថ្ងៃទី ២៨កញ្ញា ៖ រាហុរចាប់ចន្ទទាំងស្រុង</strong></p>
<p>បាតុភូតដែលគេហៅថា រាហុរចាប់ចន្ទ ឬចន្ទគ្រាសនេះ កើតឡើងនៅពេលព្រះចន្ទ ដើរចូលទៅ<br />ក្នុងស្រមោលងងឹតរបស់ផែនដី ធ្វើឱ្យព្រះចន្ទ មិនអាចទទួលបានពន្លឺពីព្រះអាទិត្យ។ ប្រជាជន<br />នៅអាស៊ីខាងកើត អាហ្វ្រិក អាមេរិកខាងជើង/ត្បូង និងអឺរ៉ុប សុទ្ធតែមើលឃើញទិដ្ឋភាពនេះ។</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Seasky </p>