<p>ព័ត៌មានបរទេស ៖ ដោយយោងតាមប្រភពសារព័ត៌មានសឹង្ហបុរី channelnewsasia ដែលទើប<br />តែបានចេញផ្សាយកាលពីប៉ុន្មាននាទីមុននេះ បានអោយដឹងថា មកទល់នឹងពេលនេះ ចំនួន<br />ជនរងគ្រោះដែលបានស្លាប់បាត់បង់ជីវិត ក្នុងឧបទ្ទេវហេតុបាក់រលំអាគាររោងចក្រ កំពស់ ៨<br /> ជាន់នៅបង់ក្លាដេស្ស បានកើនឡើងដល់ ៤៨២ នាក់ហើយ មកទល់នឹងថ្ងៃសុក្រនេះ បន្ទាប់<br />ពីក្រុមជួយសង្គ្រោះ បានចំណាយពេលដល់ទៅពេញមួយយប់ ដោយទាញយកសាកសព<br />មនុស្ស ៤១ នាក់ ពីគំនរថ្មបាក់បែកនៃអាគារកំពស់ ៨ ជាន់មួយនេះ ។</p>
<p><a class="thickbox" title="" href="/FileManager/Commons/2013/5/3/3173485643601136084331808933706n-03-05-2013--09-25-54.jpg"><img src="/FileManager/Articles/mce/2013/5/3/3173485643601136084331808933706n-03-05-2013--09-25-54.jpg" alt="" width="447" height="175" /></a></p>
<p>គួររំឭកផងដែរថា សោកនាដកម្ម បាក់រលំអាគាររោងចក្រដែលមានកំពស់ដល់ទៅ ៨ ជាន់<br />មួយនេះ បានកើតឡើងកាលពីពេលកន្លងទៅ ពោលគឺនៅថ្ងៃទី ២៤ មេសា នៅក្រុង ដាកា<br />ប្រទេសបង់ក្លាដេស្ស ដោយបាក់រលំសង្កត់លើកម្មករជាង ៣០០០ នាក់ តែយ៉ាងហោច<br />ណាស់ កម្មករប្រមាណជាង ២៤៣៧ នាក់ ក៏ត្រូវបានសង្គ្រោះផងដែរ។</p>
<p><a class="thickbox" title="" href="/FileManager/Commons/2013/5/3/zzvrepca-03-05-2013--09-27-47.jpg"><img src="/FileManager/Articles/mce/2013/5/3/zzvrepca-03-05-2013--09-27-47.jpg" alt="" width="447" height="263" /></a></p>
<p>ដោយឡែក ករណីសោកនាដកម្មខាងលើនេះ ទំព័រសារព័ត៌មានយើងខ្ញុំ ក៏ធ្លាប់បានចេញ<br />ផ្សាយជាច្រើនដងរួចមកហើយ ទាក់ទិននឹងប្រធានបទខាងលើនេះ ស្របពេលដែលសារ<br />ព័ត៌មានចុងក្រោយ បាននិយាយពី ម្ចាស់អាគារវាយនភ័ណ្ឌ ដែលមានកំពស់ដល់ទៅ ៨ <br />ជាន់នេះ មានឈ្មោះ Mohammed Sohel Rana ត្រូវបានបញ្ជូនទៅក្រុងដាកាហើយតាមរយៈ<br />ឧទ្ធម្ភាចក្រ ដើម្បីធ្វើការកាត់ទោសទៅតាមផ្លូវច្បាប់ បន្ទាប់ពីកម្មករទាំងអស់ ត្រូវបានបង្ខំ<br />ចិត្តអោយបំពេញការងាររបស់ខ្លួន នៅក្នុងរោងចក្រមួយនោះ ពីសំណាក់ម្ចាស់រោងចក្រ បើ<br />ទោះជាមានការធ្វើបាតុកម្មសុំមិនបំពេញការងារ បន្ទាប់ពីរកអោយឃើញថា សំណង់អាគារ<br />មួយនេះ មានការបាក់បែកខ្លាំងក៏ដោយ៕</p>
<p style="text-align: right;">ដោយ ៖ រិទ្ធី<br />ប្រភព ៖ channelnewsasia</p>