<p><span style="line-height: 1.5;">រួមជាមួយនឹងស្មាតហ្វូន OPPO N3 ក្រុមហ៊ុនទូរស័ព្ទចិន OPPO ក៏បានបង្ហាញណែនាំនូវស្មាតហ្វូន 64-bit ដំបូងរបស់ខ្លួនផងដែរ នោះគឺ OPPO R5។ បើតាម OPPO នេះគឺជាស្មាតហ្វូនស្តើងជាងគេ បំផុតលើពិភពលោក ក្នុងពេលបច្ចុប្បន្ននេះ ជាមួយនឹងកម្រាស់តែ 4,85mm។</span></p>
<p id="aui_3_2_0_1471">ជាមួយនឹងកម្រាស់នេះ OPPO R5 ស្តើងជាងច្រើន បើប្រៀបជាមួយរៀមច្បងរបស់ខ្លួន R3 (6,3mm)។ ស៊ុមនៃស្មាតហ្វូននេះ ត្រូវធ្វើឡើងពីអាលុយមីញ៉ូម និងខាត់ឲ្យរលោងដោយដៃ។ </p>
<p style="text-align: center;"><a class="thickbox" title="" href="/FileManager/Commons/2014/10/29/1347130-29-10-2014--16-43-05.jpg"><img src="/FileManager/Articles/mce/2014/10/29/1347130-29-10-2014--16-43-05.jpg" alt="" /></a></p>
<p>បើនិយាយពីលក្ខណៈសម្បត្តិវិញ OPPO R5 មានអេក្រង់ AMOLED 5.2 inch រីសូលុយហ្សិន Ful-HD ជាមួយកំរិតដង់ស៊ីតែភិចហ្សែល 423 PPI។ នៅក្នុងពិធីបង្ហាញខ្លួន OPPO បានពាណិជ្ជកម្មឲ្យដឹងថា អេក្រង់របស់ស្មាតហ្វូន មានកំរិតពន្លឺភ្លឺច្បាស់ល្អ កំរិតនៃភាពរលោងទាប និងមានសមត្ថភាព បង្ហាញ ពន្លឺពណ៌ បានល្អឥតខ្ចោះ។ </p>
<p>ស្មាតហ្វូននេះបំពាក់នូវ CPU 64-bit Snapdragon 615 8 Core របស់ Qualcomm ដែលរួមមាន 4 Core 1.8GHz និង 4 Core 1GHz រួមជាមួយក្រាហ្វិក Adreno 405។ កាមេរ៉ាក្រោយរបស់វាមានទំហំ 13MP ប្រើប្រាស់ Sensor របស់ Sony (IMX214) និងកាមេរ៉ាមុខ 5MP។ ដោយសារតែកម្រាស់នៃតួស្មាតហ្វូន ស្តើងខ្លាំង ដូច្នេះធ្វើឲ្យផ្នែកនៃកាមេរ៉ាក្រោយ រាងលយចេញក្រៅច្រើនគួរសម។ </p>
<p style="text-align: center;"><a class="thickbox" title="" href="/FileManager/Commons/2014/10/29/1347133-29-10-2014--16-43-43.jpg"><img src="/FileManager/Articles/mce/2014/10/29/1347133-29-10-2014--16-43-43.jpg" alt="" /></a></p>
<p style="text-align: center;"><em>Camera ក្រោយលយចេញក្រៅច្រើនគួរសម<br /></em></p>
<p>ហើយក៏ដោយសារកម្រាស់ស្តើងនេះ ទើបធ្វើឲ្យ OPPO R5 បំពាក់នូវថាមពលថ្មទាបតែ 2000 mAh ប៉ុណ្ណោះ។</p>
<p>OPPO R5 នឹងមានតំលៃលក់ 499 USD។ បច្ចុប្បន្ននៅមិនទាន់មានព័ត៌មានណាមួយ បញ្ជាក់ឲ្យដឹង ពីពេលវេលាដាក់លក់ស្មាតហ្វូននេះ នៅឡើយទេ៕</p>
<p style="text-align: right;"> </p>
<p style="text-align: right;">ប្រែសម្រួល៖ សិលា<br />ប្រភព៖ GSMarena, Vreview</p>
<p> </p>