<p><strong>ព័ត៌មានអន្តរជាតិ ៖</strong> បុរសម្នាក់ ត្រូវបានរកអោយឃើញថា បានចេញមុខមកសារភាពដល់<br />ភ្នាក់ងារមានសមត្តកិច្ច បន្ទាប់ពីបានបាញ់សម្លាប់ភរិយា និងកូនស្រីរបស់ខ្លួន នេះបើតាម<br />ការអោយដឹងពីទំព័រសារព័ត៌មានអន្តរជាតិ worldnewstoday ដែលទើបតែបានចេញផ្សាយ<br />កាលពីពេលកន្លងទៅនេះ ។</p>
<p>គួរបញ្ជាក់ផងដែរថា បុរសដែលជាជនជាប់ចោទ និងដឹងទោសកំហុសរូបនោះ មានឈ្មោះ<br />ថា Dean Holmes ស្របពេលដែលភរិយា ដែលបានស្លាប់បាត់បង់ជីវិត មានឈ្មោះថា<br />Kristi Holmes វ័យ ៤១ ឆ្នាំ និង កូនស្រីវ័យ ១១ ឆ្នាំរបស់ខ្លួន មានឈ្មោះ Violet Holmes ។</p>
<p><a class="thickbox" title="" href="/FileManager/Commons/2013/3/4/limonspanawaymanturnshi-04-03-2013--08-38-57.jpg"><img src="/FileManager/Articles/mce/2013/3/4/limonspanawaymanturnshi-04-03-2013--08-38-57.jpg" alt="" width="454" height="261" /></a></p>
<p>លើសពីនេះទៅទៀត ប្រភពសារព័ត៌មានដដែលបានបន្ថែមថា ករណីខាងលើនេះ បាន<br />កើតឡើងនៅសហរដ្ឋអាមេរិកស្របពេលដែលមូលហេតុដែលបានធ្វើអោយបុរសជាស្វាមី<br />បានបែកគំនិតឆ្កួតៗក្នុងការបាញ់សម្លាប់ភរិយា និងកូនស្រីរបស់ខ្លួន ខណៈពេលដែលពួក<br />គេកំពុងតែគេងនោះ មិនទាន់បានដឹងច្បាស់នៅឡើយទេ ។ រហូតមកទល់នឹងពេលនេះ<br />បុរសដែលជាជនជាប់ចោទ កំពុងតែស្ថិតនៅក្រោមការសាកសួរ និងតាមដានស៊ើបអង្កេត<br />នៅឡើយ។</p>
<p>គួររំឭកផងដែរថា បុរសជាស្វាមី និងជាជនជាប់ចោទនោះបានសំរេចចិត្តចូលខ្លួនមកសារ<br />ភាព នៅឯប៉ុស្តិ៍ប៉ូលីសប្រចាំតំបន់ នាវេលាទាបភ្លឺ ពោលគឺនៅម៉ោង ៤ និង ៤៥ នាទីព្រឹក<br />បន្ទាប់ពីបានកើតមានឡើងនូវសោកនាដកម្មមួយនេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ worldnewstoday</p>