<p><span style="color: #000000;">ព័ត៌មានអន្តរជាតិ ៖ យ៉ាងហោចណាស់ មនុស្ស ២ នាក់ បានស្លាប់បាត់បង់ជីវិត ខណៈច្រើនជាង ៥០ នាក់ ផ្សេងទៀត បានទទួលរងរបួសធ្ងន់ និង ស្រាល បន្ទាប់ពីមានករណី គ្រោះថ្នាក់ រត់ជាន់គ្នា កើតឡើងនៅឯ ភាគខាងកើតប្រទេស ឥណ្ឌា ពោលស្ថិតនៅក្នុងរដ្ឋ Bihar កាលពីវេលាល្ងាច ថ្ងៃ សុក្រ ម្សិលមិញ នេះបើ យោងតាមសម្តីមន្រ្តីជាន់ខ្ពស់ ប្រចាំតំបន់ កើតហេតុ ។ </span></p>
<p><a class="thickbox" title="" href="/FileManager/Commons/2014/10/4/a22f46b1e1027826610f6a7067008d33-04-10-2014--10-42-49.jpg"><img src="/FileManager/Articles/mce/2014/10/4/a22f46b1e1027826610f6a7067008d33-04-10-2014--10-42-49.jpg" alt="" /></a></p>
<p><span style="color: #000000;">លើសពីនេះ ប្រភពសារព័ត៌មាន ពីទំព័រសារព័ត៌មានរដ្ឋចិន ស៊ិនហួរ បានចេញផ្សាយ អោយដឹងថា ករណី រត់ជាន់គ្នា រហូតដល់ថ្នាក់សម្លាប់មនុស្ស អស់រាប់សិបនាក់ លើកនេះ អាចកើតឡើងទៅបាន ក៏ដោយសារ តែមនុស្សរាប់ពាន់នាក់ បានផ្អើលនាំគ្នាចេញពី Gandhi Maiden (ទីវាលធំ ប្រជុំទៅដោយមនុស្សច្រើនកុះ ករ) ទៅកាន់ផ្លូវធំ បន្ទាប់ពីប្រារព្ធកម្មវិធីបុណ្យសាសនា ហិណ្ឌូ Dussera នៅវេលាម៉ោង ៧ និង ៣០ នាទី ល្ងាច (ម៉ោងក្នុងស្រុក ប្រទេសឥណ្ឌា ) ដោយនៅក្នុងនោះ ហេតុការណ៍ គ្រោះអកុសល លើក នេះ បានផ្ទុះ ឡើងភ្លាមៗ និង មួយរំពេច ដោយសារតែមានពាក្យចចាមអារ៉ាម ថាមានការឆក់ ដោយ សារតែបន្លាលួស មាននៅលើដី នេះបើយោងតាមសម្តីមន្រ្តី ម្នាក់ គូសបញ្ជាក់អោយដឹង ក្នុងន័យសុំមិនបញ្ចេញឈ្មោះ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/10/4/hindu-religion-burn-04-10-2014--10-42-58.jpg"><img src="/FileManager/Articles/mce/2014/10/4/hindu-religion-burn-04-10-2014--10-42-58.jpg" alt="" /></a><br /></span></p>
<p><span style="color: #000000;">របាយការណ៍ បញ្ជាក់អោយដឹងថា ករណីរត់ជាន់គ្នា អាចកើតឡើងទៅបាន ខណៈ មនុស្សរាប់ពាន់នាក់ បានព្យាយាមរត់គេចខ្លួន ស្របពេលដែលច្រកចេញមានតែមួយគត់ ដែលបានបើកទ្វារ ។ យ៉ាងណាមិញ ខណៈមានមនុស្ស ស្លាប់ដល់ទៅ ៣២ នាក់ ក្នុងនោះ ជនរងគ្រោះ ត្រូវបានអាជ្ញាធរ ក្នុងតំបន់ បញ្ជូនភ្លាមៗ ទៅកាន់មន្ទីរពេទ្យដែលនៅជិតបំផុត ដើម្បីធ្វើការសង្គ្រោះ បន្ទាន់ ។ ការតាមដានស៊ើបអង្កេត ជាផ្លូវការត្រូវ បានអាជ្ញាធរក្នុងស្រុក ដាក់បញ្ជាអោយចាត់វិធានការជាបន្ទាន់ ។ ជាការចូលរួមរំលែក មរណទុក្ខ រដ្ឋាភិបា លឥណ្ឌា បានបញ្ជាអោយមានការផ្តល់ជាប្រាក់សំណង ដល់ទៅ ៦០០០ ដុល្លារ ជូន ដល់ក្រុមគ្រួសារម្នាក់ ៗដែលបានបាត់បង់សមាជិកគ្រួសាររបស់ខ្លួន ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/4/s3reutersmedianet-04-10-2014--10-43-08.jpg"><img src="/FileManager/Articles/mce/2014/10/4/s3reutersmedianet-04-10-2014--10-43-08.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ស៊ិនហួរ</span></p>