<p>ព័ត៌មានអន្តរជាតិ ៖ បើយោងតាមការដកស្រង់ព័ត៌មាន ដែលបានចេញអត្ថបទផ្សាយ ដោយ<br />គេហទំព័រសារព័ត៌មានបរទេស chinadaily បានបញ្ជាក់អោយដឹងថា សិស្សសាលាបឋម<br />ប្រមាណជាង ២៥៤ នាក់ ដេកពេទ្យ ដោយមានការសង្ស័យថា ទំនងមកពីការពុលអាហារ។</p>
<p><a class="thickbox" title="" href="/FileManager/Commons/2013/4/5/article-knife-1214-05-04-2013--13-53-44.jpg"><img src="/FileManager/Articles/mce/2013/4/5/article-knife-1214-05-04-2013--13-53-44.jpg" alt="" width="448" height="304" /></a></p>
<p>លើសពីនេះទៅទៀត ប្រភពសារព័ត៌មានដដែលបន្ថែមថា ករណីខាងលើនេះ បានកើតឡើង<br />នៅឯខេត្ត Sichuan ភាគនិរតី ប្រទេសចិន។ គួររំឭកផងដែរថា សិស្សសាលាបឋមទាំងនោះ<br />ត្រូវបានបញ្ចូនទៅសម្រាកព្យាបាលនៅមន្ទីរពេទ្យ ៤ ផ្សេងៗពីគ្នា បន្ទាប់ពីពួកគេទាំងអស់<br />នោះបានចាប់ផ្តើមធ្វើទុក្ខ ដោយម្នាក់ៗកើនកម្តៅខ្លាំង និងខ្លះទៀតក្អូតចង្អោរថែមទៀតផង។</p>
<p>យ៉ាងណាមិញ ក្នុងចំណោមសិស្សសាលាបឋមទាំងអស់ សិស្សសាលា ៦ នាក់ហើយបាន<br />ត្រលប់មកផ្ទះវិញ បន្ទាប់ពីមានការសម្រាកព្យាបាលនៅឯមន្ទីរពេទ្យ ។ ដោយឡែក ករណី<br />ខាងលើនេះ ក៏កំពុងតែស្ថិតនៅក្រោមការតាមដានស៊ើបអង្កេតនៅឡើយ៕</p>
<p style="text-align: right;">ដោយ ៖ ពិសី<br />ប្រភព ៖ chinadaily</p>