<p><span style="color: #000000;"><strong>ភ្នំពេញ</strong>៖ តារាចម្រៀង មានទឹកដមសំនៀងពីរោះផ្អែមស្រទន់ ដូចរៃកណ្ដឹង មានឈ្មោះល្បីរន្ទឺរាប់ឆ្នាំ អ្នកនាង ម៉េង កែវពេជ្ជតា បានចេញមុខស្នើ ទៅដល់ទស្សនិកជន ក៏ដូចជាអ្នកដែលនិយមលេងបណ្តាញ ទំនាក់ទំនង សង្គមយក្ស Facebook ទាំងអស់ សូមមេត្តាកុំយករូបភាព អាសអាភាសមកបង្ហោះ នៅលើបណ្តាញមួយនេះ ព្រោះថា វាជាទង្វើអសីលធម៌ និងធ្វើឲ្យក្មេងៗ ឃើញរូបភាពបែបនោះ នាំឲ្យមានការភ្លើតភ្លើន។</span></p>
<p><span style="color: #000000;">តាមរយៈសារដ៏វែងអន្លាយ របស់តារាចម្រៀងល្បីឈ្មោះ អ្នកនាង ម៉េង កែវពេជ្ជតា បានសរសេររៀបរាប់ ឲ្យដឹងថា «មិនមែនសំណូមពរទេ តែជាការរំឭកដល់បងប្អូន ដែលចូលចិត្ត post រូបទាំងឡាយ មានលក្ខណៈ អសីលធម៌ គ្រប់បែបយ៉ាងនេះ ល្មមដល់ពេលបញ្ឈប់បានហើយ ។ ថ្វីត្បិត ប្រព័ន្ធសង្គម Facebook គឺជាបណ្តាញសារព័ត៌ មានសារធារណៈ ប៉ុន្តែអ្នកនិយមលេង Facebook ឬប្រព័ន្ធដទៃទៀតទាំងអស់ ក៏មានអ្នកភាគច្រើន មិនចូល ចិត្តឃើញរូបភាពបែប អានាចារ ដូច្នេះដែរ ព្រោះគាត់មានកូនស្រី ប្អូនស្រី ដែលមានវ័យក្មេងសេចក្តី មិនចង់ ឲ្យប៉ះពាល់ ដល់ការអប់រំ ក្នុងគ្រួសាររបស់ពួកគាត់»។</span></p>
<p><span style="color: #000000;">តារាចម្រៀងវ័យជ្រេ ប៉ុន្តែអាចរក្សាកេរ្តិ៍ឈ្មោះ នៅល្បីដដែលរូបនេះ បានរៀបរាប់ទៀតថា «ការយករូបបែប នេះ(រូបអាសអាភាស) មកបង្ហាញ ប្រៀបបាននឹងការបញ្ជ្រៀប ផ្នត់គំនិតបែបអាវាសែ ពីបរទេសដល់ក្មេងស្រី ប្រុស ឲ្យភ្លើតភ្លើន ធ្វើតាម ព្រោះយល់ច្រឡំថា ជារឿងធម្មតា ក្នុងសម័យជឿនលឿន របស់ពិភពលោក ដែលវាប្រាសចាកឆ្ងាយពីវប្បធម៌ សីលធម៌ ដ៏ថ្លៃថ្នូរបស់ខ្មែរ និងរបស់ប្រទេសជាតិទាំងមូល ។ អ្នកធ្វើ គេមានបំណងរបស់គេ ឯអ្នកមើលខ្វះការពិចារណា យកមកអនុវត្តតាម គឺទទួលគ្រោះថ្នាក់។ ឧទាហរណ៍ជាក់ស្តែង បច្ចុប្បន្ន ដែលចេះតែមានករណី ចាប់រំលោភ និងសកម្មភាព អសីលធម៌ផ្សេងៗ គ្រប់រូបភាពកើតឡើង ដែលភាគីបុរស មិនថាក្មេង ឬចាស់ សូម្បីតាចាស់ជិតស្លាប់ ក៏អាចប្រព្រឹត្តអានាចារលើកុមារ ឬលើស្ត្រីមួយចំនួនបានដែរ ។ នេះគឺមកពីការផ្សព្វផ្សាយ និង យុវតីមួយចំនួនគាត់ចូលចិត្តស្លៀកពាក់ បិទបាំងស្ទើរមិនជិតបូកផ្សំនឹងការ បង្ហោះរូបភាពបញ្ចេញ សាច់កណ្តាលវាលទៀត ..»។</span></p>
<p><span style="color: #000000;">ក្នុងន័យនេះ តារាចម្រៀងសំនៀងរៃកណ្ដឹង ម៉េង កែវពេជ្ជតា បានសង្កត់ធ្ងន់ថា «លោកអ្នកចាប់អារម្មណ៍ទេ ? តាំងពីមានប្រព័ន្ធផ្សព្វផ្សាយ បែបទំនើប ជាសាធារណៈមក បទឧក្រិដ្ឋប្លែកៗ កើតឡើង ក្មេងទំនើងក៏ច្រើន ហើយភាសានិយាយក៏មិនសម ពាក្យលេងយកធ្វើមែន ពាក្យមែនយកធ្វើលេង ច្របល់អស់ហើយ ។ និយាយឲ្យចំខ្មែរមួយចំនួន លែងចង់ស្គាល់ អត្តសញ្ញាណរបស់ខ្លួនអស់ហើយ ជាហេតុធ្វើឲ្យបរទេសហ៊ានមាក់ងាយ ជនជាតិខ្មែរត្រង់ៗតែម្តង ។ ដូចពាក្យចាស់ពោលថា "វប្បធម៌រលត់ ជាតិរលាយ វប្បធម៌ពណ្ណារាយ ជាតិថ្កើនថ្កាន"..»៕</span></p>
<p><a class="thickbox" title="" href="/FileManager/Commons/2015/6/9/70-09-06-2015--15-20-51.jpg"><img src="/FileManager/Articles/mce/2015/6/9/70-09-06-2015--15-20-51.jpg" alt="" /></a></p>
<p><a class="thickbox" title="" href="/FileManager/Commons/2015/6/9/71-09-06-2015--15-21-01.jpg"><img src="/FileManager/Articles/mce/2015/6/9/71-09-06-2015--15-21-01.jpg" alt="" /></a></p>
<p><a class="thickbox" title="" href="/FileManager/Commons/2015/6/9/72-09-06-2015--15-21-09.jpg"><img src="/FileManager/Articles/mce/2015/6/9/72-09-06-2015--15-21-09.jpg" alt="" /></a><a class="thickbox" title="" href="/FileManager/Commons/2015/6/9/71-09-06-2015--15-21-01.jpg"></a><a class="thickbox" title="" href="/FileManager/Commons/2015/6/9/70-09-06-2015--15-20-51.jpg"></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>