<p>ដើមសប្ដាហ៍នេះ Facebook បានអះអាងថា នឹងលុបចោលមុខងារ chat ចេញពីបណ្ដាកម្មវិធី<br />ដែលដំណើរការនៅលើឧបករណ៍ចល័ត នាប៉ុន្មានថ្ងៃខាងមុខ។ អ្នកលេង Facebook តាមរយៈ<br />ស្មាតហ្វូន គួរត្រៀមខ្លួន ដើម្បីទាញយក Messenger មកជំនួស។</p>
<p style="text-align: center;"><a class="thickbox" title="" href="/FileManager/Commons/2014/7/30/facebook-messenger-apps-100363720-large-30-07-2014--15-25-51.png"><img src="/FileManager/Articles/mce/2014/7/30/facebook-messenger-apps-100363720-large-30-07-2014--15-25-51.png" alt="" /></a></p>
<p>អ្នកនាំពាក្យរបស់ Facebook ឱ្យដឹងថា ៖ “ក្នុងរយៈពេលប៉ុន្មានថ្ងៃខាងមុខទៀត យើងនឹងចេញ<br />សេចក្ដីប្រកាសមួយ ដល់អ្នកប្រើប្រាស់ថា ប្រសិនពួកគេចង់ទទួល ឬផ្ញើសារតាម Facebook<br /> ពួកគេត្រូវតែទាញយកកម្មវិធី Messenger” ។</p>
<p>គម្រោងនេះ ត្រូវបានប្រកាសតាំងពីខែមេសា ហើយកំពុងត្រៀមអនុវត្ត នៅលើកម្មវិធីរបស់ <br />Facebook សម្រាប់ iOS និង Android ។ អ្នកលេង Facebook ដែលប្រើប្រាស់កំណែ Web<br /> (លេងតាមកុំព្យូទ័រ) គឺនៅតែអាចប្រើប្រាស់កម្មវិធី chat នេះ ដូចធម្មតា។</p>
<p>គួររំលឹកថា កាលពីដើមឆ្នាំនេះ Facebook បានទិញយក WhatsApp (សេវាកម្ម ដូចទៅនឹង<br />Messenger) ក្នុងតម្លៃដល់ទៅ ១៩.០០០.០០០.០០០ដុល្លារអាមេរិក។ ដូច្នេះ គោលបំណងរបស់ បណ្ដាសង្គមធំបំផុតក្នុងពិភពលោកមួយនេះ គឺប្រែក្លាយ Messenger ទៅជាសេវាកម្មផ្ញើ និង<br />ទួលសារចល័ត លំដាប់កំពូល និងដើម្បីជៀសវាង ការផ្ដល់សេវាកម្ម ២ ដូចគ្នា។ សកម្មភាពនេះ<br /> នឹងជួយបង្កើនចំនួនអ្នកប្រើប្រាស់ Messenger បន្ថែមទៀត (បច្ចុប្បន្ន អ្នកប្រើប្រាស់ភាគច្រើន <br />នៅតែជ្រើសរើសឧបករណ៍ chat ដែលមានស្រាប់នៅលើ Facebook)។</p>
<p style="text-align: center;"><a class="thickbox" title="" href="/FileManager/Commons/2014/7/30/facebookmessenger-30-07-2014--15-28-18.jpg"><img src="/FileManager/Articles/mce/2014/7/30/facebookmessenger-30-07-2014--15-28-18.jpg" alt="" /></a></p>
<p>ក្នុងកិច្ចប្រជុំរាយការណ៍អំពីហិរញ្ញវត្ថុ កាលពីសប្ដាហ៍មុន CEO របស់ Facebook លោក Mark <br />Zuckerberg ក៏បានសង្កត់ធ្ងន់ថា ពួកគេកំពុងតែចាត់ទុក Messenger ថា ជាផ្នែកពាណិជ្ជកម្ម<br />សំខាន់។ កម្មវិធី Messenger មានអ្នកប្រើប្រាស់ជាង ២០០លាននាក់ ជារៀងរាល់ខែ គឺស្មើនឹង<br /> ១/៥ នៃសមាជិកសរុបរបស់ Facebook ។ ក្រៅពីផ្ញើ និងទទួលសារ កម្មវិធី Messenger ក៏បាន<br />អនុញ្ញាតឱ្យអ្នកប្រើប្រាស់ ធ្វើការហៅទូរស័ព្ទ តាមរយៈការតភ្ជាប់អ៊ីនធឺរណែត ជជែកជាក្រុម ឬ<br />ចែករំលែករូបថត វីដេអូ ។ល។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ pcworld<br /><br /></p>