<div class="article-content">
<p><strong>កំពង់ស្ពឺៈ</strong> នៅក្នុងការត្រៀមលក្ខណៈ ដើម្បីធ្វើលំហាត់បាញ់សាកល្បងគ្រាប់ពិត នូវអាវុធប្រភេទ<br /> BM21 និង អាវុធធុនធ្ងន់១៣០មីល្លីម៉ែត្រ ឲ្យទទួល បានជោគជ័យនោះ កាលពីព្រឹកថ្ងៃទី៣១ ខែ<br />មីនាកន្លងទៅនេះ លោក នាយឧត្តមសេនីយ៍ ប៉ុល សារឿន អគ្គមេបញ្ជាការ កងយោធពល ខេមរ<br />ភូមិន្ទ បានដឹកនាំក្រុមការងារ ចុះទៅដល់ទីតាំងបាញ់គ្រាប់ពិត ដើម្បីត្រួតពិនិត្យ ស្ថានភាពភូមិ<br />សាស្រ្ត និងលក្ខណៈបច្ចេកទេសនៃការបាញ់។</p>
<p>តាមការគ្រោងទុក កងយោធពលខេមរភូមិន្ទ នឹងធ្វើការបាញ់សាកល្បងនូវអាវុធ ប្រតិកម្ម BM21 <br />និង អាវុធធុនធ្ងន់១៣០មម នៅព្រឹកថ្ងៃទី២ ខែមេសា នេះនៅតំបន់អា-សេ-អូ ស្ថិតក្នុងភូមិសាស្រ្ត<br />ស្រុកភ្នំស្រួច ខេត្តកំពង់ស្ពឺ ក្រោមអធិបតីភាព លោក នាយឧត្តម សេនីយ៏ ទៀ បាញ់ ឧបនាយក<br />រដ្ឋមន្រ្តី រដ្ឋមន្រ្តីក្រសួងការពារជាតិ តំណាងសម្តេចតេជោ ហ៊ុន សែន នាយករដ្ឋមន្រ្តី។</p>
<p>លោកឧត្តមសេនីយ៍ឯក ឥត សារ៉ាត់ អគ្គមេបញ្ជាការរង ដែលបានអមដំណើរ នាឱកាសនោះ ក៏បាន<br />ឲ្យដឹងផងដែរថា ដំណើររបាញ់បានចែកចេញជា ២ដំណាក់កាល ដំណាក់កាលទី១ បាញ់អាវុធធុន<br />ធ្ងន់ ១៣០មីល្លីម៉ែត្រ ១គ្រាប់ម្តង និងដំណាក់កាលទី២បាញ់អាវុធប្រតិកម្ម BM21 ក្នុងរយៈ ចម្ងាយ <br />១៦គីឡូម៉ែត្រ ឆ្ពោះទៅកាន់គោលដៅភ្នំចង្អោធំ ជាប់ព្រំប្រទល់៣ស្រុក គឺស្រុកបរសេដ្ឋ ស្រុកសំរោង<br />ទង និងស្រុកភ្នំស្រួច ក្នុងខេត្តកំពង់ស្ពឺ។</p>
<p>លោកឧត្តមសេនីយ៍បានបន្តថា អាវុធដែលបានយកមកសាកល្បង បាញ់នាពេលនេះ គឺជាអាវុធថ្មី<br /> ដែលទើបនាំចូលពីបរទេស ដើម្បីបំពាក់ដល់ កងយោធពលខេមរភូមិន្ទ ក្នុងការការពារបូរណភាព<br />ទឹកដី ខុសពីអាវុធ ដែលបានបាញ់សាកល្បង កាលពីឆ្នាំ២០១០កន្លងទៅ នៅឯស្រុកទឹកផុស ខេត្ត<br />កំពង់ឆ្នាំង ដែលជាអាវុធចាស់ៗសល់ពីសង្គ្រាម។</p>
<p>លោកនាយឧត្តមសេនីយ៍ ប៉ុល សារឿន បានវាយតម្លៃខ្ពស់ ចំពោះការខិតខំប្រឹង ប្រែងរវាងគណៈកម្ម<br />ការហ្វឹកហ្វឺន អគ្គបញ្ជាការ បញ្ជាការដ្ឋានកង អង្គរក្ស កងទ័ពជើងទឹក និងក្រុមយោធាចារ្យរបស់ជំនាញ<br />កាំភ្លើងធំ ដែលបានសហការគ្នាល្អ និងបានបំពេញតាមតួនាទី ប្រកបដោយការទទួល ខុសត្រូវខ្ពស់។</p>
<p>លោកបានចាត់ទុក ការបាញ់សាកល្បងនាពេលនេះថា ជាព្រឹត្តិការណ៍ដ៏មានអត្ថន័យ ក្នុងការបង្ហាញ<br />នូវសមត្ថភាពរបស់ កងយោធពលខេមរភូមិន្ទ អំពីបច្ចេកទេសប្រើប្រាស់អាវុធ ដើម្បីការពារបូរណភាព<br /> ទឹកដី ទប់ទល់រាល់មហិច្ឆតារំលោភឈ្លានពាន របស់ខ្មាំងសត្រូវ។</p>
<p>នាយឧត្តមសេនីយ៍ ប៉ុល សារឿន ក៏បានណែនាំដល់កងកម្លាំងទាំងអស់ ត្រូវសហការគ្នាឲ្យបានល្អ <br />ជាមួយអាជ្ញាធរដែនដី ដើម្បីការពារសន្តិសុខ តំបន់គ្រាប់ធ្លាក់ ធានាបានសុខសុវត្ថិភាពល្អជូនប្រជា<br />ពលរដ្ឋ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-014/that-0009.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-014/that-0010.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>