<p>ស្របនឹងការវិវឌ្ឍន៍ ស្ទើរគ្រប់សម័យកាល នៃបច្ចេកវិទ្យា ក្រុមហ៊ុន Suzuki ក៏បានសម្របខ្លួនឲ្យសាកសមទៅតាមការប្រែប្រួលនេះ យ៉ាងណាមិញដូចជាតម្រូវការប្រើប្រាស់ក៏ត្រូវមានការកើនឡើង ជាអតិបរិមាទៅតាមស្រទាប់យុវវ័យផងដែរ។</p>
<p>ដើម្បីឆ្លើយតបទៅនឹងតម្រូវការអតិថិជន ក្រុមហ៊ុន Suzuki បានធ្វើការឆ្នៃប្រឌិតនូវប្រភេទម៉ូតូមួយទៀត ដែលមានរូបរាង សង្ហា រឹងមាំ ហាប់ គួរជាទីទំនុកចិត្ដ នោះគឺ Suzuki ម៉ាក TU250X ស៊េរី ២០១៥។ Suzuki TU250X ស៊េរី ២០១៥ ចេញថ្មីនេះ គឺជាប្រភេទម៉ូតូដែល ផលិតឡើងផ្អែកលើតម្រូវការចាំបាច់របស់អតិថិជន ជាពិសេសបទពិសេាធន៍ កន្លងមកក្នុងការធ្វើដំណើរជាមួួយនិងភាពខ្វះខាត។ ប៉ុន្ដែមកដល់ពេលនេះ ក្រុមហ៊ុនផ្ដល់ជូននូវ Suzuki TU250X ដែលមានកម្លាំងខ្លាំង ហើយធន់គ្រប់ស្ថានភាពនៃការធ្វើដំណើរ។</p>
<p>ជាមួយនឹងភាពប៉ិនប្រសប់របស់ Suzuki TU250X ក្រុមហ៊ុនបានភ្ជាប់មកជាមួយគុណសម្បត្ដិពិសេសច្រើន ដែលក្នុងនោះមានបង្ហាញលើផ្ទាំងរូបភាពដូចជា ៖ ជាប្រភេទម៉ូតូ ប្រើកម្លាំងម៉ាស៊ីន ២៤៩ cc សមត្ថភាពល្បឿនប្រហែល ១៣៦ គ.ម ក្នុងមួួយម៉ោង ប្រើដំណាក់ម៉ាស៊ីន ៥ លេខ មានស៊ីម៉ាំង ១ ប្រើចរន្ដអគ្គិសនីដើម្បីបញ្ឆេះម៉ាស៊ីន ប្រើហ្រ្វាំងប្រេង ធុងសាំងអាចផ្ទុកបាន ៣.២ លីតរួមបញ្ចូលសាំងនៅសល់ ចំណែកចង្កៀងមុខ មូល ប្រើចំងាយឆ្ងាយដោយប្រើកញ្ចក់កែវថ្លា ហើយរាងម៉ូតូមានព៌ណខ្មៅលាយទឹកប្រាក់រលើបរលោង ហើយកាន់តែពិសេសទៀតនោះ ចំពោះ Suzuki TU250X ត្រូវបានទទួលការធានាលើសេវាកម្មជួសជុលរយៈពេលមួយឆ្នាំ។ រីឯតម្លៃវិញបើយោងតាមគេហទំព័រ Topspeed បានបង្ហាញថា ៤៣៩៩ ដុល្លារ ក្នុងមួយគ្រឿង។</p>
<p><a class="thickbox" title="" href="/FileManager/Commons/2014/8/18/suzuki-tu250x-3w-18-08-2014--15-30-02.jpg"><img src="/FileManager/Articles/mce/2014/8/18/suzuki-tu250x-3w-18-08-2014--15-30-02.jpg" alt="" /></a><a class="thickbox" title="" href="/FileManager/Commons/2014/8/18/yamaha-sr400-a-18-08-2014--15-31-12.jpg"><img src="/FileManager/Articles/mce/2014/8/18/yamaha-sr400-a-18-08-2014--15-31-12.jpg" alt="" /></a><a class="thickbox" title="" href="/FileManager/Commons/2014/8/18/suzuki-250x-02-0713-de-18-08-2014--15-31-37.jpg"><img src="/FileManager/Articles/mce/2014/8/18/suzuki-250x-02-0713-de-18-08-2014--15-31-37.jpg" alt="" /></a></p>
<p><object width="498" height="427" data="http://www.youtube.com/v/9YaxWPaqJfs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/9YaxWPaqJfs&rel=1" /></object></p>
<p style="text-align: right;">ប្រែសម្រួលដោយ៖ អឿ អ៊ុយ<br />ប្រភព៖ topspeed</p>