<p><strong>ភ្នំពេញៈ</strong> តារាសម្តែងធ្លាប់ ល្បីឈ្មោះល្បី គួរសម ស្រីស្រស់សាច់សខ្ចី ដូចបណ្ដូលចេក ឆាយ<br /> ស្រីពេជ្រ ដែលបានបាត់មុខពី លំហរសិល្បៈ អស់រយៈពេល ជាងពីរឆ្នាំរួចមក ស្រាប់តែថ្មីនេះ <br />នាងបានរំលេចខ្លួន វិលមកចាប់អាជីព សិល្បៈសារជាថ្មី ម្ដងទៀត និងលេចមុខថតរឿងថ្មី ដែល<br />មាន ចំណងជើងថា "ម៉ឺនុយធ្នាក់អន្ទាក់ស្នេហ៍" របស់ផលិតកម្ម មហាហង្ស ដែលទើបតែរៀបចំ <br />ពិធីក្រុងពាលី កាលពីម្សិលមិញនេះ ។</p>
<p>ជួបដោយផ្ទាល់ជាមួយ LookingTODAY នៅក្នុងពិធីក្រុងពាលី នាព្រឹកថ្ងៃទី៣១ ខែកក្កដា ឆ្នាំ<br />២០១៣ នេះ ស្រីស្រស់សម្រស់ ឆើតឆាយ កញ្ញា ឆាយ ស្រីពេជ្រ បានប្រាប់ឲ្យដឹងថា មូល<br />ហេតុដែល នាងបាត់វត្តមាន ពីវិស័យសិល្បៈ អស់មួយរយៈពេលធំនោះ ដោយសារតែនាង <br />មានការមមាញឹក ជាមួយការងារខាងក្រៅ ច្រើនទើប មិនសូវមានពេល គ្រប់មកចាប់អាជីព <br />សិល្បៈច្រើន ដូច្នេះហើយបានជា នាងត្រូវដកឃ្លា ពីការងារមួយ រយៈពេលធំ។ ប៉ុន្តែពេលនេះ<br /> នាងមានពេល ទំនេរគ្រប់គ្រាន់ អាចមកចាប់អាជីព សិល្បៈវិញបានហើយ ។</p>
<p>ស្រីស្រស់សាច់សខ្ចី សម្ដីស្រទន់ ដែលបានបាត់មុខពី សង្វៀនសិល្បៈ កញ្ញា ឆាយ ស្រីពេជ្រ <br />បានប្រាប់ឲ្យដឹង បន្ថែមទៀតថា" ពីមុនខ្ញុំជាប់ធ្វើការ នៅក្នុងក្រុមហ៊ុន ឯកជន មួយជាក្រុមហ៊ុន<br />របស់បង (គូស្នេហ៍) តែពេលនេះ ដោយសារ គូស្នេហ៍បណ្តូលចិត្ត របស់ខ្ញុំ បានចេញទៅ ក្រៅ<br />ប្រទេស ទើបធ្វើឲ្យខ្ញុំ មានពេលទំនេរ ចូលមកចាប់ អាជីពចាស់វិញ ។ ក៏ស្រាប់ពេល ខាងក្រុម<br />ហ៊ុន មហាហង្ស ត្រូវការតួថតរឿងថ្មី ទើបខ្ញុំចូលរួមសម្តែងតែម្តងទៅ...! " ។</p>
<p>ឆាយ ស្រីពេជ្រ បានប្រាប់ឲ្យដឹងថា មិនតែប៉ុណ្ណោះ នៅក្នុងរឿងថ្មីនេះ នាងក៏រំពឹងថា ចង់ក្លាយ<br />ជាតារា សម្តែងស្រីមួយរូប ដែលមានភាពលេចធ្លោរ ដូចពេលមុន។ នាងបម្ថែមថា " តាមរយៈ<br />រឿងថ្មីនេះ ជាក្តីសង្ឃឹមរបស់ខ្ញុំ អាចធ្វើឲ្យខ្ញុំទទួលបាន ប្រជាប្រិយភាព កាន់តែខ្លាំងជាងមុន <br />ដោយសារតែរឿងនេះ មានចេញទៅថតក្រៅ ប្រទេសទៀតផង។ ម្យ៉ាង តួសម្តែង ក្នុងរឿងនេះ <br />មានសុទ្ធតែ តារាសម្តែងជើង ចាស់ល្បីឈ្មោះច្រើន ពួកគាត់ក៏ជួយជម្រុញ លើកទឹកចិត្តខ្ញុំ ឲ្យ<br />ចូលរួមសម្តែងផង ។ ដូច្នេះទើបខ្ញុំសម្រេចចិត្ត ចូលរួមថតរឿងនេះ..!" ។</p>
<p>តារាស្រីរាងតូចច្រឡឹង ឆាយ ស្រីពេជ្រ ក៏បានព្រលយប្រាប់ បែបលាក់ក្បាល លាក់កន្ទុយ ជុំវិញ<br />រឿងស្នេហារបស់នាងថា "តាមពិតទៅខ្ញុំ មានម្ចាស់បេះដូង រួចទៅហើយ ដោយខ្ញុំបានទាក់ទង<br /> មើលចិត្ត ថ្លើមគ្នាជិត ៥ឆ្នាំមកហើយ គ្រាន់តែខ្ញុំមិនចង់បើកចំហរ និងគ្មានគម្រោង រៀបការនៅ<br />ឡើយទេ ព្រោះម្ចាស់ស្នេហ៍គាត់ មានភារកិច្ចច្រើន ត្រូវបំពេញ ហើយក៏ឧស្សាហ៍ ចេញចូលក្រៅ<br />ប្រទេសដែរ.."។</p>
<p>ជាការពិត ទស្សនិកជន ដែលធ្លាប់គាំទ្រ និងធ្លាប់ស្គាល់តារា សម្ដែងសាច់សសម្រស់ ទាក់ទាញ<br /> កញ្ញា ឆាយ ស្រីពេជ្រ បានធ្វើការសន្និដ្ឋានថា ប្រសិនបើនាង ដាក់ចិត្តដាក់កាយ ចូលប្រឡូកក្នុង<br />អាជីព សម្ដែងលើកនេះម្តងទៀត កេរ្តិ៍ឈ្មោះរបស់នាង នឹងហក់ស្ទុះឡើង យ៉ាងឆាប់រហ័ស អាច<br />ប្រជែងយកប្រជាប្រិយភាព បានយ៉ាងងាយស្រួល ព្រោះនាងមានបទពិសោធន៍ និងភាពប៉ិនប្រសព្វ<br /> ក្នុងការសម្ដែងរួចជាស្រេច ។</p>
<p>ទម្រង់មុខរបស់នាង ក៏អាចបត់បែនតាមសាច់រឿង បានគ្រប់ពេលវេលា ហើយកាលពីពេលកន្លងទៅ<br /> នាងក៏ធ្លាប់ថតរឿង ឲ្យផលិតកម្ម មហាហង្ស មួយដែលមាន ចំណងជើងថា "ហង្សអន្ទាក់ស្នេហ៍" និង<br />ថ្មីៗនេះ រឿង "ម៉ឺនុយធ្នាក់អន្ទាក់ស្នេហ៍" គឺជារឿងថ្មីទី២ ដែលនាងបានថតឲ្យ ផលិតកម្មមួយនេះ៕</p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0761.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0762.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0763.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0764.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0765.jpg" alt="" width="500" /></p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធដោយ ៖ </p>