<p><span style="color: #000000;"><strong>(អេហ្ស៊ីប)៖</strong> ក្រសួងការពារជាតិរបស់ប្រទេសក្រិច បានឲ្យដឹងថា អាជ្ញាធររបស់អេហ្ស៊ីប បានរកបំណែកនៃសាកសព និងកៅអ៊ីចំនួន២ ព្រមទាំងវ៉ាលីផងដែរ នៅក្នុងប្រតិបត្តិការស្វែងរកយន្តហោះ EgyptAir ជើងហោះហើរ Flight 804 ដែលបានធ្លាក់នៅក្នុងសមុទ្រមេឌីទែរ៉ាណេ នេះបើយោងតាមការចេញផ្សាយសារព័ត៌មាន AP ចេញផ្សាយ Update មុននេះបន្តិច។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/21/14f-21-05-2016--10-55-13.jpg"><img src="/FileManager/Articles/mce/2016/5/21/14f-21-05-2016--10-55-13.jpg" alt="" /></a><br /></span></p>
<p><span style="color: #000000;">នៅមុននេះបន្តិច អ្នកនាំពាក្យក្រុមយោធាស្វែងរកយន្តហោះអេហ្ស៊ីប ក៏បានប្រកាសឲ្យដឹងថា បានរកឃើញបំណែកយន្តហោះ EgyptAir នៅចម្ងាយ ២៩០គីឡូម៉ែត្រ ពីភាគខាងជើងទីក្រុង Alexindria នៅក្នុងសមុទ្រមេឌីរ៉ាណេ។ ដោយឡែកយោធាអេហ្ស៊ីប ក៏កំពុងតែព្យាយាមស្វែងរកសញ្ញារបស់ប្រអប់ខ្មៅផងដែរ ព្រោះវាជា វត្ថុសំខាន់បំផុត ដែលនឹងប្រាប់ថា មានអ្វីខ្លះដែលបានកើតឡើង និងនាំឲ្យយន្តហោះធ្លាក់។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/21/14h-21-05-2016--10-55-21.jpg"><img src="/FileManager/Articles/mce/2016/5/21/14h-21-05-2016--10-55-21.jpg" alt="" /></a><br /></span></p>
<p><span style="color: #000000;">ពាក់ព័ន្ធនឹងករណីនេះ មន្រ្តីជំនាញរបស់សហរដ្ឋអាមេរិកបានសន្និដ្ឋាន និងសង្ស័យថា យន្តហោះខាងលើនេះ ត្រូវបានដាក់បង្កៃគ្រាប់បែកឲ្យផ្ទុះនៅលើអាកាស បន្ទាប់ពីវាបានហោះចេញពីទីក្រុងប៉ារីសប្រទេសបារាំង ឆ្ពោះទៅកាន់រដ្ឋធានីគែររបស់អេហ្ស៊ីប ព្រោះប្រទេសទាំងពីរកំពុងតែប្រឈមមុខនឹងអំពើភេរវកម្ម។</span></p>
<p><span style="color: #000000;">គួរបញ្ជាក់ផងដែរថា យន្តហោះ EgyptAir ជើងហោះហើរ Flight 804 បានបាត់ពីរ៉ាដា ខណៈហោះចេញពីអាកាសយានដ្ឋាន Charles de Gaulle ក្នុងទីក្រុងប៉ារីស ប្រទេសបារាំង នៅម៉ោង ២៣៖០៩នាទី ទៅកាន់អាកាសយានដ្ឋាន Cairo Airport ទីក្រុងគែ ប្រទេសអេហ្ស៊ីប ដោយផ្ទុកមនុស្ស ៦៦នាក់ ក្នុងនោះមានសហនាវិក ១០នាក់ ហើយត្រូវបានក្រុមហ៊ុន និងរដ្ឋាភិបាលអេហ្ស៊ីបបញ្ជាក់ថា បានធ្លាក់នៅក្នុងសមុទ្រ៕</span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-20-18-32-43-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-20-18-32-43-2.jpg" alt="" width="730" /></span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/21/14b-21-05-2016--10-54-36.jpg"><img src="/FileManager/Articles/mce/2016/5/21/14b-21-05-2016--10-54-36.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/5/21/14c-21-05-2016--10-54-47.jpg"><img src="/FileManager/Articles/mce/2016/5/21/14c-21-05-2016--10-54-47.jpg" alt="" /></a></p>
<p><br /><a class="thickbox" title="" href="/FileManager/Commons/2016/5/21/14d-21-05-2016--10-54-55.jpg"><img src="/FileManager/Articles/mce/2016/5/21/14d-21-05-2016--10-54-55.jpg" alt="" /></a></p>
<p><br /><a class="thickbox" title="" href="/FileManager/Commons/2016/5/21/14e-21-05-2016--10-55-03.jpg"><img src="/FileManager/Articles/mce/2016/5/21/14e-21-05-2016--10-55-03.jpg" alt="" /></a></p>
<p><br /><object width="480" height="380" data="http://www.youtube.com/v/3C7JFnrDoZk&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/3C7JFnrDoZk&rel=1" /></object></p>
<p><br /><object width="480" height="380" data="http://www.youtube.com/v/7IgEU_Ozda0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/7IgEU_Ozda0&rel=1" /></object><a class="thickbox" title="" href="/FileManager/Commons/2016/5/21/14e-21-05-2016--10-55-03.jpg"></a><a class="thickbox" title="" href="/FileManager/Commons/2016/5/21/14d-21-05-2016--10-54-55.jpg"></a><a class="thickbox" title="" href="/FileManager/Commons/2016/5/21/14c-21-05-2016--10-54-47.jpg"></a><span style="color: #000000;"><a class="thickbox" title="" href="/FileManager/Commons/2016/5/21/14b-21-05-2016--10-54-36.jpg"></a><br /></span></p>
<p style="text-align: right;"><span style="color: #000000;">ប្រភព៖ AP</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>