<div class="article-content">
<p><strong>ស្វាយរៀង ៖</strong> ករណីអំពើ ឃាតកម្មធ្វើគត ទៅលើព្រះចៅអធិការ វត្ដថ្លាញ ស្ថិតក្នុងក្រុង បាវិត<br /> ខេត្ដស្វាយរៀង និង ការរកឃើញសព គ្រូបង្រៀនម្នាក់ ដែលគេសម្លាប់យកទៅ បោះចោលនៅ<br />ក្បែរវត្ដនោះ ឥឡូវត្រូវបាន គេកំណត់ មូលហេតុច្បាស់លាស់បានហើយ គឺជាអំពើប្លន់សម្លាប់ <br />និងធ្វើគត បំបិទមាត់ ខណៈដែលក្រុមចោរបានធ្វើសកម្មភាព ប្លន់ សម្លាប់គ្រូបង្រៀន ដើម្បី<br />យកម៉ូតូនិងសម្ភារៈ ជាប់ខ្លួន ហើយយកសពទៅបោះចោលក្បែរ វត្ដ ត្រូវព្រះចៅអធិការឃើញ<br />ក្រុមចោរក៏ សម្លាប់បំបិទមាត់បន្ថែមទៀត។</p>
<p>កាលពីព្រឹកថ្ងៃទី២៦ ខែឧសភា ឆ្នាំ ២០១៣កន្លងទៅនេះ ជនសង្ស័យចំនួន៣ នាក់ ត្រូវបាន<br />សមត្ថកិច្ចនគរបាលខេត្ដស្វាយ រៀង ធ្វើការឃាត់ខ្លួន សង្ស័យពាក់ព័ន្ធទៅ នឹងករណីឃាតកម្ម<br />ខាងលើនេះ ។ ក្រោយ សមត្ថកិច្ចធ្វើការសាកសួរ ជនសង្ស័យបាន ឆ្លើយសារភាពថា មុន<br />ដំបូងពួកខ្លួនបានធ្វើ សកម្មភាពស្ទាក់ប្លន់សម្លាប់គ្រូបង្រៀន នៅ យប់ថ្ងៃទី២៣ ខែឧសភា <br />ដើម្បីយកម៉ូតូ កុំព្យូទ័រ និងសម្ភារៈមួយចំនួនទៀត ដែលនៅ ជាប់ខ្លួន ។ ក្រោយ ប្លន់សម្លាប់<br />គ្រូបង្រៀន ហើយ ក៏អូសសពយកទៅបោះចោលនៅក្នុង ប្រឡាយទឹកក្បែរវត្ដ ស្រាប់តែ<br />ព្រះចៅអធិការ ចេញមកឃើញ ទើបពួកគេនាំគ្នា សម្លាប់ព្រះ ចៅអធិការបន្ថែមទៀត ដើម្បី<br />បំបិទមាត់។</p>
<p>សូមបញ្ជាក់ថា កាលពីព្រឹកថ្ងៃទី២៤ ខែ ឧសភា ស្ថិតនៅក្នុងវត្ដថ្លាញ ដែលមានទីតាំង នៅ<br />ក្រុងបាវិត ខេត្ដស្វាយរៀង គេបានប្រទះ ឃើញ សាកសព ព្រះចៅអធិការវត្ដ ព្រះនាម កែវ<br /> ពេជ្រ នៅក្នុងបរិវេណវត្ដ ដោយមាន ស្នាមឈាមនៅលើផ្ទៃមុខទៀតផង ។ ក្រោយ មាន<br />ករណីឃាតកម្មទៅ លើ ព្រះ ចៅអធិការ វត្ដ ជំហានដំបូងសមត្ថកិច្ចបានធ្វើការសន្និដ្ឋាន ថា<br /> ឃាតកអាចធ្វើគតព្រះអង្គ ដើម្បីប្លន់ យកទ្រព្យសម្បត្ដិ ព្រោះក្រោយប្រទះឃើញ សព <br />ព្រះអង្គ លោកគ្រូបង្រៀនម្នាក់ ឈ្មោះ សំ វុទ្ធី ដែលមកស្នាក់នៅក្នុងវត្ដជាមួយ លោក ក៏បាត់<br />ខ្លួនផងដែរ ទើបធ្វើឱ្យសមត្ថកិច្ច ធ្វើការសន្និដ្ឋានថា គ្រូបង្រៀនខាងលើ អាច មានពាក់ព័ន្ធ<br />ទៅនឹងករណីការធ្វើគតព្រះអង្គនេះ ។ ប៉ុន្ដែក្រោយមកគេក៏បានរកឃើញ សាកសពគ្រូ<br />បង្រៀនខាងលើ ត្រូវបាន គេ សម្លាប់បោះចោលនៅក្បែរប្រឡាយទឹកជិតវត្ដនោះដែរ ទើប<br />សមត្ថកិច្ចបើកការស៊ើប អង្កេតសារជាថ្មី ទើបឈានដល់ការឃាត់ ខ្លួនជនសង្ស័យបាន<br />ចំនួន៣នាក់តែម្ដងទៅ ហើយទើបដឹងថា ករណីនេះគឺជារឿងប្លន់ សម្លាប់និងធ្វើគតបំបិទមាត់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0560.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0561.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0562.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0563.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>