<p>គ្រូបង្វឹកបាល់ទាត់ម្នាក់ មានជំងឺធ្ងន់ ដែលពិបាកនឹងឆ្លងផុត ។ មិត្តភក្តិគាត់ដែលជាគ្រូបង្វឹកបាល់ទាត់ដែរ និយាយជាមួយគាត់៖ <br /><strong>មិត្តភក្តិ៖</strong> លោកបង ត្រូវខិតខំរកមធ្យោបាយផ្តល់ ដំណឹងអោយខ្ញុំដឹងពីពិភពលោកខាងណោះ ផងណា៎ ។ <br />កន្លះឆ្នាំក្រោយទូរស័ព្ទរោទិ៍ឡើង ។ នៅដើមខ្សែខាងណោះ គឺសម្លេងរបស់គ្រូបង្វឹកបាល់ទាត់ ដែលបានអនិច្ចកម្ម</p>
<p><a class="thickbox" title="" href="/FileManager/Commons/2013/12/31/1-31-12-2013--16-04-30.jpg"><img src="/FileManager/Articles/mce/2013/12/31/1-31-12-2013--16-04-30.jpg" alt="" /></a><br /><strong>គ្រូបង្វឹកបាល់ទាត់៖</strong> ពិភពដែលខ្ញុំរស់នៅ ក៏មានបាល់ទាត់ដែរ ។ពេលនេះខ្ញុំមានដំណឹងអាក្រក់មួយ ល្អមួយចង់ប្រាប់បងឯង ។ <br /><strong>មិត្តភក្តិ៖</strong> បើអ៊ីចឹង ប្រាប់ដំណឹងល្អមុនមក <br /><strong>គ្រូបង្វឹកបាល់ទាត់៖</strong> លោកបងឯង ជិតមានឱកាសដណ្តើមពានរង្វាន់ C1 ជាលើកដំបូងក្នុងជីវិតហើយ ។ <br /><strong>មិត្តភក្តិ៖</strong> អស្ចារ្យមែន ! ចុះដំណឹងអាក្រក់? <br /><strong>គ្រូបង្វឹកបាល់ទាត់៖</strong> ក្រុមបាល់ទាត់ឋាននរក និងក្រុមបាល់ទាត់ឋានសួគ៌ឈានដល់ វគ្គផ្តាច់ព្រ័ត្រដូចគ្នា ក្នុងការប្រកួតជម្រុះដណ្តើមយកពានរង្វាន់C1 ខាងមុខ ។ហេតុនេះសប្តាហ៍ក្រោយ លោកបងឯងត្រូវបានយមរាជតែងតាំង ជាគ្រូបង្វឹកក្រុមបាល់ទាត់ ឋាននរកហើយ ៕</p>
<p style="text-align: right;">ដោយ៖ វណ្ណៈ<br />ប្រភព៖ khmerjoke</p>