<p>Samsung SM-A500 នឹងមានគ្រោងធ្វើអំពីលោហធាតុទាំងស្រុង ហើយសម្បកខាងខ្នងរបស់វា<br /> មិនអាចដោះចេញ ប៉ុន្ដែ ស្មាតហ្វូននេះ នឹងមានតម្លៃទាប ព្រោះវាប្រើប្រាស់ហាតវែរថ្នាក់មធ្យម។</p>
<p style="text-align: center;"><a class="thickbox" title="" href="/FileManager/Commons/2014/9/9/alpha-09-09-2014--17-37-55.jpg"><img src="/FileManager/Articles/mce/2014/9/9/alpha-09-09-2014--17-37-55.jpg" alt="" /></a></p>
<p style="text-align: center;">Samsung Galaxy Alpha ថ្វីបើជាកូនច្បងរបស់ Samsung ដែលប្រើលោហធាតុ ប៉ុន្ដែ សម្បកខ្នង<br />របស់វា ធ្វើអំពីជ័រ ដូច្នេះ Samsung SM-A500 នឹងមានភាពប្រណិតជាង<br /><br /></p>
<p>យោងតាមព័ត៌មានថ្មីបំផុត ដែលបានចុះផ្សាយនៅលើទំព័រ SamMobile ក្រុមហ៊ុន Samsung រៀប<br />នឹងឧទ្ទេសនាមស្មាតហ្វូនថ្មីមួយទៀត ដែលមានឈ្មោះកូដថា SM-A500។ ស្មាតហ្វូននេះ ប្រើ<br />អេក្រង់ 5 inch រីសូលូសឹន 1280x720 pixel ។ អ្វីដែលអស្ចារ្យជាងនេះ គឺថា តួខ្លួនរបស់ SM-A500 នឹងត្រូវបានធ្វើអំពីលោហធាតុទាំងស្រុង ហើយសម្បកខាងខ្នងរបស់វា ត្រូវគេរចនាឡើង ដោយ<br />មិនអនុញ្ញាតឱ្យដោះចេញបាន។</p>
<p>សូមបញ្ជាក់ថា Samsung Galaxy Alpha ថ្វីបើត្រូវបានគេស្គាល់ថា ជាស្មាតហ្វូនដំបូងរបស់ក្រុម<br />ហ៊ុន Samsung ដែលត្រូវបានធ្វើឡើងអំពីលោហធាតុ ក៏ប៉ុន្ដែ សម្បកខាងខ្នងរបស់ស្មាតហ្វូននេះ<br /> នៅតែធ្វើអំពីជ័រ ដូច្នេះ SM-A500 នឹងនៅតែនាំមកនូវភាពប្រណិត និងលំដាប់ខ្ពស់ជាង បើធៀប<br />នឹង Galaxy Alpha ។</p>
<p>យ៉ាងណាក៏ដោយទំព័រ SamMobile ក៏បានឱ្យដឹងថា Samsung SM-A500 នឹងប្រើប្រាស់ឈីប <br />4-core Snapdragon 400 ដែលជាឈីបមួយប្រភេទ តែងត្រូវគេប្រើប្រាស់សម្រាប់ស្មាតហ្វូន<br />ថ្នាក់មធ្យម)។ អំពីព័ត៌មានទាក់ទិនទៅនឹងផ្នែករឹងដទៃទៀតរបស់ Samsung SM-A500 រួមមាន <br />កាមេរ៉ាមុខ 5MP កាមេរ៉ាក្រោយ 8MP, អង្គចងចាំក្នុងម៉ាស៊ីន 16GB មានរន្ធ microSD និងថ្ម <br />2330mAh ។</p>
<p>ដោយសារតែជាស្មាតហ្វូនលំដាប់មធ្យម ដូច្នេះ Samsung SM-A500 ក៏នឹងមិនត្រូវបានបំពាក់<br />បច្ចេកវិទ្យាទប់ទល់ជាតិទឹក និងធូលី ហើយវាក៏មិនមានសេនសឺរសម្រាប់ស្កេនក្រយៅដៃ និង<br />វាស់ចង្វាក់បេះដូង៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ SamMobile/Trustedreviews<br /><br /></p>