<p>អ្នកប្រហែលជាធ្លាប់បានប្រើឆត្រដើរនៅក្រោមទឹកភ្លៀង ដូច្នេះ អ្នកក៏ប្រហែលជាបានដឹងអំពី<br />ផលប្រយោជន៍របស់វា ក៏ប៉ុន្ដែ វាក៏មានការលំបាកខ្លះៗដែរ នៅពេលមានខ្យល់ខ្លាំង ឬដើរនៅ<br />តាមផ្លូវចង្អៀត។</p>
<p style="text-align: center;"><a class="thickbox" title="" href="/FileManager/Commons/2014/10/31/air-umbrella4-31-10-2014--12-20-48.jpg"><img src="/FileManager/Articles/mce/2014/10/31/air-umbrella4-31-10-2014--12-20-48.jpg" alt="" /></a></p>
<p>ដោយសារតែមើលឃើញកត្តាលំបាកខាងលើនេះហើយ ក្រុមអ្នករចនាចិន មានគំនិតមួយ ដែល<br />ហៅថា Air Umbrella។ គំនិតនេះ បច្ចុប្បន្ន ត្រូវបានគេដាក់ឡើង បង្ហាញនៅលើទំព័រ Kickstarter<br /> ដើម្បីប្រមូលទុន សម្រាប់ផលិត។</p>
<p>ឆត្រ Air Umbrella ប្រើប្រាស់ខ្យល់ ជំនួសឱ្យក្រណាត់ធម្មតា ដើម្បីបាំងទឹកភ្លៀង។ ខ្យល់ដែល<br />បាញ់ចេញដងឆត្រ នឹងរុញច្រានគ្រាប់ភ្លៀង ធ្លាក់ទៅខាង ជួយឱ្យអ្នកគេចផុតទឹកការទទឹក។</p>
<p style="text-align: center;"><a class="thickbox" title="" href="/FileManager/Commons/2014/10/31/air-umbrella2-31-10-2014--12-21-25.jpg"><img src="/FileManager/Articles/mce/2014/10/31/air-umbrella2-31-10-2014--12-21-25.jpg" alt="" /></a></p>
<p>មកដល់ពេលនេះ គម្រោងខាងលើ ទទួលបានខ្ទង់ប្រាក់ពីទំព័រ Kickstarter ចំនួនជាង ២៥.០២៤<br /> ដុល្លារអាមេរិក គឺលើសពីខ្ទង់ប្រាក់ដែលត្រូវការក្នុងការផលិត គឺត្រឹមតែ ១០.០០០ដុល្លារអាមេរិក<br /> ខណៈនៅសល់ ៩ថ្ងៃទៀត ទើបបញ្ចប់ដំណាក់កាលប្រមូលទុន នៅលើទំព័រ Kickstarter។</p>
<p style="text-align: center;"><a class="thickbox" title="" href="/FileManager/Commons/2014/10/31/air-umbrella3-31-10-2014--12-22-28.jpg"><img src="/FileManager/Articles/mce/2014/10/31/air-umbrella3-31-10-2014--12-22-28.jpg" alt="" /></a></p>
<p>ឆត្រ Air Umbrella នឹងមាន ៣ម៉ូដែល ទី ១ វាមានប្រវែង ៣០សង់ទីម៉ែត្រ ទម្ងន់ ៥០០ក្រាម និង<br />មានថ្ម ថាមពល ១៥នាទី សម្រាប់ស្ដ្រី។ ម៉ូដែលទី ២ មានប្រវែង ៥០សង់ទីម៉ែត្រ ទម្ងន់ ៨០០ក្រាម<br /> និងថាមពលថ្ម ៣០នាទី។ ម៉ូដែលទី ៣ មានប្រវែង អាចផ្លាស់ប្ដូរបាន ពី ៥០ ទៅ ៨០សង់ទីម៉ែត្រ<br /> មានទម្ងន់ ៨៥០ក្រាម និងមានថាមពលថ្ម ៣០នាទី។ ឆត្រ Air Umbrella ទាំង ៣ម៉ូដែលនេះ មាន<br />ទទឹង ៣៤សង់ទីម៉ែត្រ។</p>
<p style="text-align: center;"><a class="thickbox" title="" href="/FileManager/Commons/2014/10/31/air-umbrella5-31-10-2014--12-34-15.jpg"><img src="/FileManager/Articles/mce/2014/10/31/air-umbrella5-31-10-2014--12-34-15.jpg" alt="" /></a></p>
<p>តាមគម្រោង ឆត្រ Air Umbrella នឹងត្រូវបានផលិត ចាប់ពីខែកញ្ញា ឆ្នាំ ២០១៥ ហើយអ្នកដែល<br />បានដាក់ទុនតាមរយៈទំព័រ Kick starter នឹងទទួលបានផលិតផលនេះ នៅខែធ្នូ ឆ្នាំ ២០១៥។<br /> ប្រការនេះ មានន័យថា អតិថិជនធម្មតា នឹងត្រូវរង់ចាំរហូតដល់ដើមឆ្នាំ ២០១៦៕</p>
<p><object style="display: block; margin-left: auto; margin-right: auto;" width="481" height="413" data="http://www.youtube.com/v/K6eyND08tu0 &rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/K6eyND08tu0 &rel=1" /></object></p>
<p><object style="display: block; margin-left: auto; margin-right: auto;" width="479" height="411" data="http://www.youtube.com/v/_CQpeC2-k-s&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/_CQpeC2-k-s&rel=1" /></object></p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Youtube/Kickstarter<br /><br /></p>