<p>ជម្ងឺផ្លូវចិត្តគឺជាជម្ងឺមួយដែលត្រូវបានគេចាត់ទុកថាស្ថិតក្នុងប្រភេទនៃជម្ងឺវិកល ថ្វីបើជម្ងឺផ្លូវចិត្ត<br />មានលក្ខណៈស្រាលជាងគេ ប៉ុន្តែវាបង្កផលលំបាកយ៉ាងខ្លាំងដល់អ្នកជម្ងឺ ហើយមានករណីខ្លះ<br /> អ្នកជម្ងឺឈានដល់ការសម្លាប់ខ្លួនដោយសារតែគិតថា ខ្លួនគ្មានសមត្ថភាពធ្វើអ្វីដែលខ្លួនចង់ <br />សូម្បីតែការងារដែលខ្លួនធ្លាប់ធ្វើពីមុន។</p>
<p style="text-align: center;"><a class="thickbox" title="" href="/FileManager/Commons/2015/6/26/7165026f520-26-06-2015--18-12-29.jpg"><img src="/FileManager/Articles/mce/2015/6/26/7165026f520-26-06-2015--18-12-29.jpg" alt="" /></a></p>
<p>រោគសញ្ញាដំបូងនៃជម្ងឺផ្លូវចិត្ត មានដូចជា ឆាប់អស់កម្លាំង ពិបាកផ្ដោតអារម្មណ៍ធ្វើការ ហូបមិន<br />ឆ្ងាញ់ គេងមិនស្កប់។ ប្រសិនមិនបានព្យាបាលទាន់ពេល ជម្ងឺនេះនឹងវិវត្តទៅជាធ្ងន់ធ្ងរ ហើយ<br />រោគសញ្ញាមានដូចជា អ្នកជម្ងឺតែងរអ៊ូថាពិបាកទ្រាំ និងអស់កម្លាំងខ្លាំង បន្ទាប់ពីការប្រឹងប្រែង<br />គិត ឬការបញ្ចេញកម្លាំងកាយយ៉ាងតិចតួច។</p>
<p>ជម្ងឺនេះក៏បណ្ដាលឱ្យឈឺចាប់ស្ទើរគ្រប់សាច់ដុំក្នុងរាងកាយដោយមិនដឹងមូលហេតុ សមត្ថភាព<br />ធ្វើការថយចុះបំផុត វិលមុខ ពិបាកអត់ធ្មត់ មិនអាចទ្រាំបាននៅពេលត្រូវរង់ចាំអ្វីមួយ ងាយរំជើប<br />រំជួល ឆាប់ខឹង ឆាប់ប្រតិកម្មជ្រុល។</p>
<p>នៅពេលមានបំណងធ្វើកិច្ចការអ្វីមួយ អ្នកជម្ងឺចង់ធ្វើភ្លាមៗឱ្យទាន់ចិត្ត ប៉ុន្តែ ដោយសារងាយ<br />ធុញទ្រាន់ និងអស់កម្លាំង ពួកគេភាគច្រើនតែងបោះបង់ចោលពាក់កណ្ដាលទី។ ជាងនេះ អ្នក<br />ជម្ងឺផ្លូវចិត្ត ក៏ងាយនឹងរំភើប ទន់ចិត្ត ងាយយំ ព្រួយចិត្ត បាត់បង់ម្ចាស់ការផងដែរ។</p>
<p>អាការៈឈឺក្បាលរបស់អ្នកជម្ងឺផ្លូវចិត្ត មានលក្ខណៈដោយឡែកបន្តិច ពោលគឺ ឈឺងុំរាលដាល<br />ពេញក្បាល ដូចទៅនឹងគេពាក់មួក ចងរឹតដោយកន្សែង ការឈឺក្បាលនេះនឹងកើនឡើងខ្លាំង<br /> នៅពេលផ្ដោតអារម្មណ៍គិត ព្រួយភ័យ ដោយមានរួមផ្សំទាំងអាការៈវិលមុខ ភ័នភាំង។</p>
<p>ចំណែកការគេងរបស់អ្នកជម្ងឺផ្លូវចិត្ត គឺ ពួកគេពិបាកគេងលក់ និងគេងមិនបានស្កប់ស្កល់ ចេះ<br />តែយល់សពរវើរវាយ ងាយភ្ញាក់ ហើយបើភ្ញាក់គឺពិបាកនឹងគេងឡើងវិញ។ ជួនកាល អ្នកជម្ងឺ<br />គេងមិនលក់ពេញមួយយប់។ ប្រសិនបញ្ហាដំណេកចេះតែអូសបន្លាយ គេតែងឃើញអ្នកជម្ងឺ<br />មានភ្នែករូងជ្រៅជាំខ្មៅត្រង់រង្វង់ភ្នេក។ ពេកក្រោកពីព្រលឹម អ្នកជម្ងឺតែងតែអស់កម្លាំង ស្ងាប<br />ញឹកញាប់។</p>
<p>ការចងចាំរបស់អ្នកជម្ងឺផ្លូវចិត្ត ថយចុះគួរឱ្យកត់សម្គាល់ សូម្បីតែរឿងរាវដែលទើបតែកន្លងទៅ<br />ថ្មីៗ។ អ្នកជម្ងឺពិបាកទទួលយកបទពិសោធថ្មីការសិក្សា និងការងារ ត្រូវអន់ថយច្រើន។</p>
<p>ច្របូកច្របល់ផ្នែកសរសៃប្រសាទ ដូចជា ឆាប់ភ័យ បេះដូងលោតញាប់ និងខ្លាំងៗ ពិបាកដក<br />ដង្ហើម បែកញើសស្អឹត ហើយជួនកាលរាងកាយឡើងកំដៅខ្លាំង ឬត្រជាក់ខ្លាំង ញ័រដៃជើង ញ័រ<br />ត្របកភ្នែក សកម្មភាព និងសមត្ថភាពផ្លូវភេទថយចុះ ហើយបើស្ដ្រីវិញ គឺមានរដូវមិនទៀងទាត់។</p>
<p>ខាងក្រោមនេះគឺជាវិធីសាស្ដ្រមួយចំនួន ជួយដល់ការព្យាបាលជម្ងឺផ្លូវចិត្ត ៖</p>
<p><strong>១. ការហូបចុក</strong><br />-ចេកទំ ៖ ចូរចេកទំ ២ផ្លែនៅពេលព្រឹក ពេលពោះកំពុងឃ្លានបន្តិច។ <br />-ល្ហុងទុំ ៖ ចូរហូបល្ហុង ១ចំណិតធំនៅពេលថ្ងៃរសៀល ពេលពោះកំពុងឃ្លានបន្តិច។ <br />-ទឹកក្រូចពោធិសាត់ ៖ នេះគឺជាភេសជ្ជៈដែលមានជាតិបំប៉ន និងវីតាមីន សេ ច្រើន។ រាល់ព្រឹក<br /> ចូរហូបទឹកក្រូចពោធិសាត់ ២ផ្លែ ដែលលាយជាមួយទឹកឃ្មុំចំនួន ២ស្លាបព្រា។<br />-សៅម៉ៅព្រៃ ៖ អ្នកអាចយកវ័ល៍នេះមកហាលស្ងួត រួចចិញ្រាំ ហើយយក ពី ៨ទៅ១៦ក្រាម <br />មកដាំទឹកហូបរាល់ថ្ងៃ ឱ្យបានពី ១០ទៅ១៥ថ្ងៃ។ ក្រៅពីនេះ អ្នកក៏អាចយកស្លឹកមន ២០ក្រាម <br />លាយនិងបណ្ដូលគ្រាប់ឈូក ២ក្រាម ដាំទឹកហូបរាល់ថ្ងៃ ល្អបំផុតគឺហូបមុនពេលចូលគេង។<br />យ៉ាងណាក៏ដោយ នៅពេលអ្នកមានបញ្ហាពិបាកគេង ដំបូង ត្រូវតែរកឱ្យឃើញថា បញ្ហានេះ<br />កើតឡើងពីមូលហេតុណាខ្លះឱ្យប្រាកដ មុននឹងប្រើថ្នាំ។</p>
<p><strong>២. ការគេង</strong><br />នៅពេលគេង អ្នកជម្ងឺត្រូវបិទភ្លើងទាំងអស់។</p>
<p><strong>៣. កម្សាន្ត</strong><br />ល្អបំផុត អ្នកជម្ងឺគួរធ្វើអារម្មណ៍ឱ្យសប្បាយ ដោយការស្ដាប់ចម្រៀង ថែទាំសួនផ្កា។ល។</p>
<p><strong>៤. ហាត់ប្រាណឱ្យបានទៀងទាត់</strong><br />រាល់ព្រឹកគួរហាត់ប្រាណដោយដើរយឺត និងលឿនចំនួន ៤៥នាទី ឬហាត់នៅនឹងកន្លែង ដោយ<br />លើកដៃ លើកជើង កាច់ចង្កេះ ពត់ខ្នង ។ល។ ឱ្យបាន ១៥នាទី៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Truthnhealth/VNEX<br /><br /></p>