<p><span style="color: #000000;"><strong>(ចិន)៖</strong> ក្មេងប្រុសវ័យ ជំទង់អាយុ១៦ឆ្នាំម្នាក់ រស់នៅប្រទេសចិន ដែលចង់ឈ្នះប្រាក់ចំនួន ៣០ ដុល្លារ ពីការលេងល្បែងភ្នាល់គ្នាមួយ ទីបំផុតបែរជាត្រូវចំណាយប្រាក់ អស់រាប់ពាន់ដុល្លារ បង់ថ្លៃសេវា និងថ្នាំពេទ្យបន្ទាប់ពីរងការឈឺចាប់ ដោយសារលេបម្ជុលខ្ទាស់ និងរុញចុងក្បាលប៊ិចចំនួនបី ចូលរន្ធផ្ចិតពោះ។</span></p>
<p><span style="color: #000000;">Wang Chuan ត្រូវបានគ្រូពេទ្យធ្វើការ ព្យាបាលយ៉ាងលំបាក ព្រោះវាអាចប៉ះពាល់ដល់ពោះវៀន ដែលពីដំបូងគ្រូពេទ្យបានឲ្យថ្នាំបញ្ចុះ ដើម្បីយកម្ជុលចេញសិន ទើបចំណាយពេល៤ម៉ោងទៀត ទាញយកចុងក្បាល ប៊ិចចេញពីរន្ធផ្ចិតពោះ ប៉ុន្តែទម្រាំព្យាបាលរួច ត្រូវប្រើពេលវេលាយូរម៉ោង និងមានការពិបាកបន្តិច។</span></p>
<p><span style="color: #000000;">គ្រូពេទ្យចាត់ទុកថា ពិតជាសំណាងហើយដែល Chuan មិនរងគ្រោះថ្នាក់ដល់ជីវិតហើយពួកគេនិយាយថា មិនគួរគ្រាន់តែប្រាក់៣០ ដុល្លារ ក្មេងប្រុសរូបនេះ ហ៊ានប្រថុយ លេងល្បែងភ្នាល់ងាយរងគ្រោះថ្នាក់ ដូច្នេះទេ៕</span></p>
<p><span style="color: #000000;"><img src="http://www.whatdidshesay.ca/wp-content/uploads/2011/05/HandPenPaper.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>