<p><strong>ភ្នំពេញៈ</strong> ថ្មីៗនេះ អតីតម្តាយក្មេករបស់ អ្នកនាង សោម ម៉ាល័ក្ខ គឺ អ្នកស្រី ពាន់ ភួងបុប្ផា បាន<br />ទំលាយព័ត៌មានថា កូនប្រុសអ្នកស្រីនិង ម៉ាល័ក្ខ ជាកូនប្រសារ បានដើរដល់ផ្លូវបំបែក ដោយ<br />ចូលតុលាការលែងលះគ្នារួចហើយ រង់ចាំតែសាលក្រមស្ថាពរតែប៉ុណ្ណោះ ។ ក្រោយពីព័ត៌មាន<br />នេះ បានចុះផ្សាយ នៅលើប្រព័ន្ធផ្សព្វផ្សាយ មិនបានប៉ុន្មានផង ក៏ស្រាប់តែលេចឮថា នារីទី១ <br />ដែលគេចាប់អារម្មណ៍ អាចបានក្លាយជាកូនប្រសារស្រីបន្ទាប់ពី ម៉ាល័ក្ខ គឺជាតារាសម្តែងស្រី<br />វ័យក្មេង កញ្ញា មាន សូនីតា ។</p>
<p>បើតាមប្រភពគួរឲ្យទុកចិត្តមួយ បានបង្ហើបប្រាប់ LookingTODAY ឲ្យដឹងថា កូនប្រុសអ្នកស្រីពាន់<br /> ភួងបុប្ផា គឺ លោក ទូច ភួងវីរៈ បានរៀបការ ជាមួយតារាសម្តែងស្រី ដែលមានឈ្មោះល្បីគួរសម <br />នៅក្នុងវិស័យសិល្បៈគឺ អ្នកនាង សោម ម៉ាល័ក្ខ រួចមក គេមិនធ្លាប់ឃើញ គូស្វាមីភរិយាមួយនេះ បង្ហាញពីភាពផ្អែមល្ហែមស្អិតរល្មួតជាមួយគ្នា ដូចប្តីប្រពន្ធថ្មោងថ្មីទេ ផ្ទុយទៅវិញកូនកំលោះបែរជា <br />ចេញទៅក្រៅប្រទេសវិញភ្លាមៗ ក្រោយពីរៀបការរួច ដោយទុកឲ្យភរិយា រូបស្រស់ នៅកណ្តោច<br />កណ្តែង តែម្នាក់ឯង នៅក្នុងស្រុក ។</p>
<p>ប្រភពដដែល បានបង្ហើបប្រាប់ឲ្យដឹងបន្តទៀតថា ក្រោយពីរៀបការមិនបានប៉ុន្មានផង ក៏ស្រាប់តែ<br /> លេចឮពីភាពរង្គោះរង្គើរវាងប្តី ប្រពន្ធមួយគូនេះ ។ តែជារឿយៗ ម៉ាល័ក្ខ តែងតែចេញមុខបដិសេធ<br />ថា នាងនិង ស្វាមីមានភាពចុះសម្រុងគ្នាធម្មតា មិនដូចការលើកឡើងនោះទេ ។ បើទោះបីជាស្រី<br />ស្រស់ សម្បុរខ្មៅស្រអែមរូបស្រស់ម្នាក់នេះចេញមុខ ប្រកាសក្តែងៗយ៉ាងណា ក៏ដោយ ក៏នៅតែ<br />ព័ត៌មានច្បាស់ការមកថា ពួកគេបានចែកផ្លូវគ្នាទៅតាមច្បាប់ ហើយដោយសារតែការរស់នៅ មិន<br />ចុះសម្រុងនឹងគ្នា ។</p>
<p>ស្របពេលជាមួយគ្នានោះ ក៏មានព័ត៌មាន តពីមាត់មួយទៅមាត់ទៀតថា ពេលនេះ ម៉ាល័ក្ខ ត្រូវ<br />ក្លាយខ្លួន ជាមេម៉ាយក្តៅស្រួយទាំងវ័យក្មេង ដោយគ្មានអ្នកណាម្នាក់ដឹងពី មូលហេតុច្បាស់លាស់<br /> ជុំវិញការលែងលះគ្នាជាមួយស្វាមី វ័យក្មេងនេះទេ។ តែបើតាមប្រភពក្រៅផ្លូវការមួយ បានបង្ហើប<br />ប្រាប់ឲ្យដឹងថា លោក ទូច ភួងវីរៈ មិនបានខូចចិត្តស្អិតទ្រូង រឿងបែកបាក់ជាមួយអតីតភរិយាទេ <br />ផ្ទុយទៅវិញគេសង្កេតឃើញថា លោកហាក់មានភាពស្រស់ថ្លា បែ្លកខុសពីមុនច្រើន។</p>
<p>មិនតែប៉ុណ្ណោះគេក៏ឃើញ លោកមានភាពស្និទ្ធស្នាលជាមួយ កញ្ញា មាន សូនីតា ដែលជាតារា<br />សម្តែងសំណព្វចិត្តម្តាយរបស់លោក ថែមទៀតផង ហើយមិនយូរមិនឆាប់ទេ តំណែងកូនក្រមុំ<br />បណ្តូលចិត្តរបស់ពោះម៉ាយមួយចម្អិនកំពិស លោកទូច ភួងវីរៈ ក៏ប្រហែលជានារីម្នាក់នេះផងក៏<br />មិនដឹង។ បើតាមប្រភពពីអ្នកសិល្បៈមួយចំនួន បានបង្ហើបប្រាប់ឲ្យដឹងថា នៅពេលដែល កញ្ញា <br />មាន សូនីតា និង អ្នកនាង សោម ម៉ាល័ក្ខ ទៅសម្តែងរឿងម្តងៗ គេសង្កេតឃើញអ្នកស្រី ពាន់ ភួង<br />បុប្ផា ហាក់ដូចជាយកចិត្តទុកដាក់ទៅលើ កញ្ញា សូនីតាច្រើនជាងខ្លាំងណាស់ ទាំងនៅពេលថត<br />ខុស ឬត្រូវ រមែងតែងតែ ទទួលបានការណែនាំល្អៗមិនដូចជា ម៉ាល័ក្ខ ទេឲ្យតែពេលថតខុសម្តងៗ <br />គឺតែងតែត្រូវអតីតម្តាយក្មេករូបនេះ ស្តីបន្ទោសនៅចំពោះមុខគេឯងតែម្តង។</p>
<p>ពាក់ព័ន្ធនឹងព័ត៌មាននេះដែរ ខាង LookingTODAY មិនទាន់អាចសុំការបកស្រាយ ពីកញ្ញា មាន <br />សូនីតា ឬក៏ អ្នកនាង សោម ម៉ាល័ក្ខ បានទេ ។ ប៉ុន្តែ LookingTODAY នឹងរង់ចាំការបកស្រាយពី <br />តារាទាំងពីរដួងនេះ ដោយក្ដីរីករាយ នៅពេលក្រោយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0251.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0252.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0253.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0254.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0255.jpg" alt="Looking Today" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>