<p><span style="color: #000000;"><strong>ភ្នំពេញ៖</strong> មួយរយៈពេលនេះ គេសង្កេតឃើញថា សន្ទុះនៃការរិះគន់ ទៅលើបណ្តាផលិតកម្ម និងតារាចម្រៀងរឿងចម្លងបទ ពីបរទេសនោះ កាន់តែផុសផុលខ្លាំងឡើង ជាហូរហែ រហូតធ្វើឲ្យអ្នកនិពន្ធមួយចំនួន បានបញ្ចេញប្រតិកម្មរបស់ខ្លួន ដោយលើកអំណះអំណាង មកការពារខ្លួន ។ នៅក្នុងនោះដែរ សូម្បីតែអ្នកនិពន្ធ បទចម្រៀងល្បីឈ្មោះ ប្រចាំផលិតកម្ម ហង្សមាស បន្ទាប់ពីទទួលរងការរិះគន់ ពីសំណាក់ទស្សនិកជនទាំងក្នុង និងក្រៅស្រុករួចមក លោក សួន ពិសិដ្ឋ ក៏បានចេញមុខប្រតិកម្ម និងលើកទឹកចិត្ត ទៅដល់អ្នកនិពន្ធដទៃទៀត ឲ្យមានភាពជឿជាក់លើខ្លួនឯង និងរិះរកគំនិតថ្មីដោយខ្លួនឯង ។</span></p>
<p><span style="color: #000000;">តាមរយៈសារខ្លីមួយ ដែលអ្នកនិពន្ធល្បីឈ្មោះ លោក សួន ពិសិដ្ឋ បានសរសេរបង្ហោះ លើបណ្តាញ ទំនាក់ទំនងសង្គម Facebook ផ្ទាល់ខ្លួន បាននិយាយថា «តាំងពីខ្ញុំចូលខ្លួន រួមក្រោមដំបូល នៃផលិតកម្ម ហង្សមាស មក ខ្ញុំបានបង្កើតតែងនិពន្ធបទភ្លេង បទចម្រៀងថ្មី ប្រហែលជាចូលជាងមួយរយបទហើយ ។ ថ្មីៗនេះ មានបទសម្រាប់ ចូលឆ្នាំពីរអាល់ប៊ុមទៀត ហើយក៏មានអ្នកគាំទ្រច្រើនដែរ!! ចុះហេតុអីក៏បងប្អូន មិនយកទៅ បង្ហាញឬអួតគេទៅ? ហើយក៏កម្រឃើញបណ្តា ខាងសាព័ត៌មាន internet website or facebook គាំទ្រស្នាដៃបង្កើតនិពន្ធថ្មីរបស់ខ្មែរ ហ្នឹងយកមកផ្សព្វផ្សាយដែរ!?»។</span></p>
<p><span style="color: #000000;">អ្នកនិពន្ធរូបសង្ហា រាងខ្ពស់ស្រឡះរូបនេះ បានប្រាប់ឲ្យដឹងទៀតថា «មិនមែនសុខៗខ្ញុំសុខចិត្តទ្រាំ លំបាកតែង ដើម្បីបង្កើតស្នាដៃថ្មី នៅក្នុងសង្គមទីផ្សារ ដ៏ច្របូកច្របល់នេះទេ!! បងប្អូនយកស្នាដៃខ្ញុំ ទៅអួតគេវិញទៅ!! កុំឲ្យគេចេះតែ មើលងាយខ្មែរយើងពេក!! គ្រាន់តែបទភ្លេងថ្មី ក៏មិនអាចនិពន្ធបានដែរ!? ការលះបង់តស៊ូនឹងភាពជោគជ័យ របស់ខ្ញុំ គឺបានជាឧទាហរណ៍ គំរូមួយហើយទេតើ!! មិនមែនខ្ញុំនេះចង់អួតនោះទេ តែចង់ផ្តល់កម្លាំងចិត្តឲ្យ អ្នកទាំងអស់គ្នា មានស្មារតីជឿជាក់លើខ្លួនឯង! ថាយើងជាខ្មែរអាចបង្កើតស្នាដៃថ្មី និងអ្វីៗគ្រប់យ៉ាង ដោយខ្លួនឯងបាន!!!!» ។</span></p>
<p><span style="color: #000000;">នេះមិនមែនជាលើកទី១ទេ ដែលមានអ្នកនិពន្ធ ចេញមុខប្រតិកម្ម ទៅលើការរិះគន់មិន សំចៃមាត់ពីសំណាក់ទស្សនិកជនទាំងក្នុង និងក្រៅប្រទេស ដោយលើកឡើងថា ផលិតកម្មក្នុងស្រុកភាគច្រើន ចម្លងយកបទបរទេសមកច្រៀងនោះ ព្រោះថា កន្លងមកសូម្បីតែអ្នកនិពន្ធ ក្នុងផលិតកម្មសាន់ដេ និងផលិតកម្មថោន ក៏ធ្លាប់ចេញមុខប្រតិកម្មតបត និងការរិះគន់នេះផងដែរ ដោយផលិតកម្មនីមួយៗ បានអះអាងថា មួយរយៈពេលចុងក្រោយនេះ ខ្លួនបានខិតខំសម្រឹតសម្រាំង និពន្ធបទចម្រៀង ដោយខ្លួនឯងហើយ បានប្រសើរហើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/30/70-30-03-2015--16-16-16.jpg"><img src="/FileManager/Articles/mce/2015/3/30/70-30-03-2015--16-16-16.jpg" alt="" /></a></span></p>
<p><a class="thickbox" title="" href="/FileManager/Commons/2015/3/30/71-30-03-2015--16-16-24.jpg"><img src="/FileManager/Articles/mce/2015/3/30/71-30-03-2015--16-16-24.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/3/30/70-30-03-2015--16-16-16.jpg"></a></span></p>
<p><a class="thickbox" title="" href="/FileManager/Commons/2015/3/30/72-30-03-2015--16-16-32.jpg"><img src="/FileManager/Articles/mce/2015/3/30/72-30-03-2015--16-16-32.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>