<p><br />ចំពោះភ្ញៀវទេសចរទាំងឡាយដែលធ្លាប់បានទៅលេងកំសាន្តនៅរមណីយដ្ឋាន ឧទ្យានជាតិ<br />គីរីរម្យបានស្គាល់រួចមកហើយនូវ ទឹកធ្លាក់ចំបក់ ប៉ុន្តែប្រហែលជាពុំបានស្គាល់នូវកន្លែង<br />កំសាន្តដ៏មនោរម្យមួយកន្លែងទៀតឡើយ។ ទីនោះគឺមានឈ្មោះថា រមណីដ្ឋានទឹកជ្រោះ<br />អន្លង់រ័ត្ន។</p>
<p>ទឹកជ្រោះអន្លង់រ័ត្នស្ថិតនៅចម្ងាយប្រមាណបួនគីឡូម៉ែត្រ ខាងជើងឧទ្យានជាតិគិរីរម្យ និង<br />មានចម្ងាយប្រមាណបីគីឡូម៉ែត្រពីរមណីយដ្ឋានទឹកធ្លាក់ចំបក់មានទីតាំងស្ថិតក្នុងឃុំចំបក់<br />ស្រុកភ្នំស្រួច ខេត្តកំពង់ស្ពឺស្ថិតនៅក្រោមការគ្រប់គ្រងដោយផ្ទាល់របស់សហគមន៍ទេសចរ<br />ណ៍ក្នុងឃុំចំបក់ បានបង្កើតឡើងនៅឆ្នាំ២០០៨។</p>
<p>ភ្ញៀវទេសចរអាចធ្វើដំណើរទៅកាន់រមណីយដ្ឋានទឹកជ្រោះអន្លង់រ័ត្នបានដោយមធ្យោបាយ<br />គ្រប់ប្រភេទទៅដល់កន្លែងតែម្តង ជាមួយនឹងការទទួលស្វាគមន៍យ៉ាងកក់ក្តៅពីអ្នកភូមិ និង<br />ចំនុចទាក់ទាញសំខាន់បី ដែលនាំឲ្យភ្ញៀវទេសចរមកលេងកំសាន្តនៅទីនេះ មានដូចជា<br />អាហារដែលមានតំលៃសមរម្យ ទឹកជ្រោះដែលអាចងូតលេងកំសាន្តបាន និងទិដ្ឋភាពព្រៃ<br />ព្រឹក្សាដ៏ស្រស់បំព្រងគួរឲ្យចង់គយគន់។</p>
<p>ក្រៅពីការទស្សនាទឹកជ្រោះព្រៃព្រឹក្សា និងងូតទឹកបឹង ភ្ញៀវទេសចរក៏អាចទស្សនានូវ ល្បែង<br />ប្រជាប្រិយ ដែលសម្តែងដោយអ្នកភូមិ និង ធ្វើការស្វែងយល់ពី ជីវភាព និងការរស់នៅរបស់<br />ប្រជាពលរដ្ឋនៅក្នុងសហគមន៍នេះទៀតផង ៕</p>
<p><a class="thickbox" title="" href="/FileManager/Commons/2012/10/17/taprum394297664-17-10-2012--09-35-49.jpg"><img src="/FileManager/Articles/mce/2012/10/17/taprum394297664-17-10-2012--09-35-49.jpg" alt="" width="448" height="328" /></a></p>
<p style="text-align: right;">ដោយ៖ រិនដូ</p>
<p style="text-align: right;">ប្រភព៖ .chanbokeo.</p>