<p><strong>ព័ត៌មានអន្តរជាតិ ៖</strong> យ៉ាងហោចណាស់ មនុស្ស ៣៧ នាក់បានស្លាប់បាត់បង់ជីវិត ខណៈពេល<br />ដែល ១៤ នាក់ផ្សេងទៀត បានរងរបួស បន្ទាប់ពីរថយន្តក្រុងមួយគ្រឿងបានបើកធ្លាក់ស្ពានមួយ<br />កន្លែង នាភាគខាងលិចប្រទេសឥណ្ឌា នេះបើតាមការអោយដឹង ពីទំព័រសារព័ត៌មានបរទេស <br />BBC ដែលទើបតែបានចេញផ្សាយកាលពីវេលាល្ងាចម្សិលមិញនេះ។</p>
<p>លើសពីនេះទៅទៀត ប្រភពសារព័ត៌មានដដែលបានបញ្ជាក់បន្ថែមថា រថយន្តក្រុងខាងលើបាន<br />បាត់បង់ម្ចាស់ការ ខណៈពេលដែលបានមកដល់កន្លែងកើតហេតុ ពោលគឺបានបើកធ្លាក់ស្ពាន<br />បោលចូលទន្លេមួយ ក្នុងស្រុក Ratnagiri ចម្ងាយប្រមាណជាង ២០០ គីឡូម៉ែត្រ ភាគខាងត្បូង<br />ទីក្រុង Mumbai ។</p>
<p><a class="thickbox" title="" href="/FileManager/Commons/2013/3/20/6647198666471903-20-03-2013--09-39-04.jpg"><img src="/FileManager/Articles/mce/2013/3/20/6647198666471903-20-03-2013--09-39-04.jpg" alt="" width="463" height="309" /></a></p>
<p>គួររំឭកផងដែរថា រថយន្តក្រុងមួយនេះ ដឹកអ្នកដំណើរច្រើនជាង ៥០ នាក់ ធ្វើដំណើរពី Goa ទៅ<br />ទីក្រុង Mumbai ហើយបើនិយាយពីជនរងគ្រោះទាំងនោះវិញ ត្រូវបានបញ្ជូនទៅកាន់មន្ទីរពេទ្យ<br />៣ កន្លែងដែលក្បែរកន្លែងកើតហេតុ ដើម្បីធ្វើការសង្គ្រោះបន្ទាន់។ ដោយឡែក បើនិយាយពីមូល<br />ហេតុនៃការជួបឧបទ្ទេវហេតុលើកនេះ បន្ទាប់ពីរថយន្តក្រុងបាត់បង់ម្ចាស់ការណ៍នោះ ក៏កំពុងតែ<br />ស្ថិតនៅក្រោមការតាមដានស៊ើបអង្កេតនៅឡើយ៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ BBC</p>