<p>ត្រីរាជមួយក្បាលដែលគេដឹងថា ជាពូជត្រីដ៏កម្រត្រូវបានគេប្រទះ ឃើញងាប់នៅក្នុងដាយទន្លេ<br />សាបស្ថិត ក្នុងសង្កាត់ព្រែកតាសេក ខណ្ឌឫស្សីកែវ រាជធានីភ្នំពេញ បង្កឱ្យមានការភ្ញាក់ផ្អើល<br /> ព្រោះត្រីរាជមួយក្បាលនេះមានទម្ងន់ ២២០គីឡូក្រាម និង មានបណ្ដោយ ប្រវែង២,៦០ម៉ែត្រ <br />និងមានអាយុកាល ជាង២០ឆ្នាំដែរ ។</p>
<p><a class="thickbox" title="" href="/FileManager/Commons/2012/11/10/dsc098951-10-11-2012--11-50-20.jpg"><img src="/FileManager/Articles/mce/2012/11/10/dsc098951-10-11-2012--11-50-20.jpg" alt="" /></a></p>
<p>ប្រភពព័ត៌មានពីប្រជានេសាទតាមដង ទន្លេសាបស្ថិតក្នុងសង្កាត់ព្រែកតាសេក បានឱ្យដឹងថា<br /> នៅវេលាម៉ោង១១យប់ថ្ងៃ ទី៩ ខែវិច្ឆិកា ឆ្នាំ២០១២ នៅដាយត្រី របស់ជនជាតិវៀតណាមឈ្មោះ<br />ថាន់គេ ឃើញត្រីរាជមួយក្បាលនេះបានងាប់ដោយ សារតែជាប់នៅក្នុងដាយរបស់អ្នកនេសាទ <br />ជនជាតិវៀតណាមរូបនោះ ។ លុះព្រឹក ឡើងទើបគេរាយការណ៍ទៅមន្ដ្រីជល ផលចតុមុខដើម្បី<br />យកត្រីរាជដ៏កម្រនេះ យកទៅរក្សាទុកនិងធ្វើការពិសោធន៍ ។</p>
<p>ត្រីរាជមួយក្បាលនេះ ត្រូវបានដឹកតាម ម៉ូតូកង់៣ពីសង្កាត់ព្រែកតាសេកទៅរក្សា ទុកនៅរដ្ឋ<br />បាលជលផលនៅខណ្ឌចំការមន រាជធានីភ្នំពេញ ប្រយោជន៍ទុកធ្វើការ សិក្សាស្រាវជ្រាវអំបូរ<br />ត្រីរាជដែលចង់ ផុតពូជទៅហើយនោះ ។</p>
<p>មន្ដ្រីជលផលបានឱ្យដឹងថា ត្រីរាជគឺ ជាពូជត្រីម្យ៉ាងដែលមាននៅក្នុងព្រះរាជាណាចក្រកកម្ពុជា<br />ជាយូរមក ហើយៗមក ដល់ពេលនេះត្រីរាជចង់ផុតពូជទៅហើយ ព្រោះតែអ្នកនេសាទខ្លះតែង<br />នេសាទបាន យកទៅលក់និងហូបធ្វើឱ្យចង់ផុតពូជ ៕</p>
<p> </p>
<p style="text-align: right;">ដោយ ៖ សីហា<br />ប្រភព ៖ NW</p>