<p><strong>ញ៉ូវយ៉ក ៖ បើតាមការស្រាវជ្រាវនៅពេលថ្មីៗនេះ បានបង្ហាញអោយដឹងថា អ្នកបោះ<br />បង់ចោល</strong><strong>ទំលាប់ជក់បារី មានអាយុវែងជាងអ្នកដែលបានបន្តទំលាប់អាក្រក់មួយនេះ ។</strong></p>
<p>របាយការណ៍មួយនេះ ក៏បានបញ្ជាក់អោយដឹងផងដែរថា ការស្រាវជ្រាវនេះមិនត្រឹមតែផ្តោតសំ<br />ខាន់ទៅលើផលប៉ះពាល់អវិជ្ជមាន ដែលកើតមានឡើងនាពេលបច្ចុប្បន្នប៉ុណ្ណោះទេ តែក៏សិក្សា<br />ទៅលើផលប៉ះពាល់រយៈពេលវែងនាពេលអនាគត ដែលអាចបណ្តាល អោយអ្នកដែលមានទំ<br />លាប់ជក់បារីទាំងនោះ អាចស្លាប់មុនអាយុបាន។</p>
<p><a class="thickbox" title="" href="/FileManager/Commons/2012/7/11/quit-smoking-2-11-07-2012--08-59-48.jpg"><img src="/FileManager/Articles/mce/2012/7/11/quit-smoking-2-11-07-2012--08-59-48.jpg" alt="" width="480" height="443" /></a></p>
<p>បើយោងទៅតាមលោកវេជ្ជបណ្ឌិត Hermann Brenner ដែលជាចាត់ការទូទៅ នៃមជ្ឍមណ្ឌល<br />ស្រាវជ្រាវរោគមហារីករបស់ប្រទេសអាឡឺម៉ង់ បានអោយដឹងថា ពួកយើងកំពុងតែធ្វើការបញ្ជុះ<br />បញ្ជូលធ្វើយ៉ាងណា អោយអ្នកដែលមានទំលាប់ជក់បារីទាំងអស់ បោះបង់ចោលទំលាប់អាក្រក់<br />មួយនេះ។</p>
<p>ពួកគេបានរកឃើញថា បណ្តាអ្នកជក់បារីដែលមានវ័យចាប់ពី ៦០ ឆ្នាំឡើងទៅ គឺមានភាគរយ<br />ខ្ពស់ពោលគឺ អត្រាដែលអាចស្លាប់មុនអាយុ កើនឡើងដល់ទៅ ៨៣ ភាគរយ ប្រសិនបើប្រៀប<br />ធៀបទៅនិងអ្នកដែលមិនធ្លាប់បានជក់បារីសោះ។</p>
<p>លើសពីនេះទៅទៀត បើយោងទៅ តាមអ្នកស្រាវជ្រាវថ្នាំជក់ គឺលោកវេជ្ជបណ្ឌិត Prabhat Jha <br />ដែលមកពីមន្ទីរពេទ្យ St. Michae l នាទីក្រុង Toronto ប្រទេសកាណាដា បានរកអោយឃើញថា <br />អត្រាភាគរយអ្នកដែលមិនមានទំលាប់ជក់បារី មាន ៥៩ ភាគរយ ដែលអាចអោយពួកគេរស់បាន<br />ទៅដល់អាយុជាង ៨០ ឆ្នាំ វេជ្ជបណ្ឌិតរូបនេះក៏បានបន្ថែមថា អ្នកដែលមានទំលាប់ជក់បារី ហើយ<br />មកទល់នឹងពេលនេះ ពួកគាត់មានវ័យចំណាស់ដោយពួកគាត់បានយល់ច្រឡំថា វាបានយឺតពេល<br />ទៅហើយសំរាប់រូបគាត់ក្នុងការបោះបង់ចោលទំលាប់ជក់បារី ហើយក៏គ្មានអត្ថប្រយោជន៍អ្វីនោះទេ<br /> ប្រសិនបើពួកគាត់បានបោះបង់ចោលទំលាប់នេះ។</p>
<p><a class="thickbox" title="" href="/FileManager/Commons/2012/7/11/quit-smoking-6-11-07-2012--09-01-51.jpg"><img src="/FileManager/Articles/mce/2012/7/11/quit-smoking-6-11-07-2012--09-01-51.jpg" alt="" width="493" height="371" /></a></p>
<p>ក្រោយមក ការយល់ច្រឡំនេះត្រូវបានបកស្រាយ ដោយវេជ្ជបណ្ឌិតមួយចំនួន អោយបានដឹងថា <br />ការបោះបង់ចោលទំលាប់ជក់បារី មិនថានៅពេលដែលលោកអ្នកនៅវ័យក្មេង ឬ រាងចំណាស់<br />បន្តិចមែនក៏វា ជាអត្ថប្រយោជន៍មួយខ្ពស់ សំរាប់សុខភាពរបស់លោកអ្នក ពោល គឺវាអាចជួយ<br />ពន្យាពេលនៃការរស់នៅរបស់អ្នកអោយបានយូរជាងមុន ធៀបទៅនឹងអ្នកដែលមិនបានបោះបង់<br />ចោលទំលាប់អាក្រក់នេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ yourhealth</p>